Sunda hi suma hi Levi-nid’a 11:24 - Bible azumeina

²⁴ Ma didina mi de kua ala: Ni azi ba, mba mbud’ugi ndjendjed’a. Sama lara ma mi dozi harazina, mba mi mbut ndjendjed’a gak fladege.

Sunda hi suma hi Levi-nid’a 11:24 Kruisverwysings

Isai 22:14

Ma didin ma ad’engêm kal petna mi tagan zla ndata woyo. Mi dala mam mba mi vat hurum mbei yam tcho magi ndata d’i gak mat magina! Salad’a Ma didin ma ad’engêm kal petna mi de na.

Sunda hi suma hi Levi-nid’a 11:23

Ahle suma giging suma ding suma asezi fifid’i suma a dram kä yam andagad’ina, agi golozi nahle suma ndjendjed’a.

Sunda hi suma hi Levi-nid’a 11:25

Sama lara ma mi hlazi harazina, mi mbus baru mama woyo, mba mi kak ki ndjendjed’a gak fladege.

Sunda hi suma hi Levi-nid’a 11:31

Ahle ndazina pet agi golozi nahle suma ndjendjed’a; sama lara ma mi dozi harazina, mba mi kak ki ndjendjed’a gak fladege.

Sunda hi suma hi Levi-nid’a 11:8

Agi mud’ugi hliwa ahle ndazina d’i, agi dozi mad’azi d’uo mi, agi golozi nahle suma ndjendjed’a.

Sunda hi suma hi Levi-nid’a 14:46

Sama mi kal klavi kur gong ndata kid’a a dugut vunat akulod’a mba mi mbut ndjendjed’a gak fladege.

Sunda hi suma hi Levi-nid’a 15:10

Sama lara ma mi do vama ad’um kä na, mba mi mbut ndjendjed’a gak fladege. Sama mi hle va mámina, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:11

Sama lara ma sama mbil máma mi doma, le mi hok nga abom mbusa woi aduk mbina d’uo ni, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:15

Ma ngat buzu máma mi he tu yam vama ngat buzu ma zlup yam tchod’a, mi he tu yam vama ngat buzu ma ngala, mi zlup yam tchod’a hi sa mámid’a avogon an Ma didina yam mbiyo ma mi djang atama.

Sunda hi suma hi Levi-nid’a 15:21

Sama lara ma mi do azang matnina, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:22

Sama lara ma mi do vama ndat kak kama, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:23

Le va nga yam azang matna d’oze vama lara ma ndat ti kak kama, sama mi doma mba mi mbut ndjendjed’a gak fladege.

Sunda hi suma hi Levi-nid’a 15:27

Sama lara ma mi do ahle ndazinina, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:5

Sama mi do azang mámina, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:6

Sama lara ma mi kak yam vama sama mbil máma mi kak kama, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:7

Sama lara ma mi do hliwa sama mbil mámina, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:8

Le sama mbil máma mi tuvo ayôna ata sama yed’etna ni, sa máma mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 16:26

Sama mi i ki mbekmberena abagei mi Azazel-lâ, mi mbus baru mama woyo, mi mbus tam mbei aduk mbina tua ba, mi kal kur kangâ.

Sunda hi suma hi Levi-nid’a 16:28

Sama mi ngalazina, mi mbus baru mama woyo, mi mbus tam mbei aduk mbina tua ba, mi kal kur kangâ.

Sunda hi suma hi Levi-nid’a 22:4

Sama lara ma ad’u andjafâ hi Aron ma libina mi nde atama d’oze ma hle mbilîna, mi te he d’a hawa d’a a tinit irat vata d’i, gak mi mbut yed’et tua. Gat ndata ti ni yam sama mi do sama mi mbut tam ndjendjed’a ki vama matnina, yam sama sumurum mba vut grona djang ngei atama,

Sunda hi suma hi Levi-nid’a 22:5

yam sama mi do vama dram kä ma mi mbut ki tam ndjendjed’ina, d’oze yam sama vama ndjendje ma lara mi nde atam mi mbud’um ndjendjed’ina mi.

Sunda hi suma hi Levi-nid’a 22:6

Sama mi do ahle suma hina na, mba mi mbut ndjendjed’a gak fladege, mi te he d’a hawa d’a a tinit irat vata d’i, wani mi mbus tam mbei aduk mbina.

Sunda hi suma hi Levi-nid’a 5:2

Le sana mi do hara vama ndjendjed’a bei mi wum ala ni ma ndjendjed’a, le ni vama avona d’oze ma abageina d’oze vama dram kä na ni, mi mbut ni tam ndjendjed’a, zlad’a nga kam mi.

Sunda hi suma hi Levi-nid’a 7:21

Le sana mi do vama ndjendjed’a, le ni vama tcholï ata sanina d’oze ata d’uwarîna d’oze vama ndjendje ma tcho ma lara pî ba, mi mut hliu vama mi hum vama ngat buzu ma zlap darigïd’a mi an Ma didinina ni, a mba pad’am mbei aduk sum mama.

Ndumba 19:7

Ma ngat buzuna mi mbus baru mama ki hliwim mbei pet aduk mbina. Bugola, mi kal kur kangâ, wani mba mi kak ki ndjendjed’a gak fladege.

1 Korente-na 15:33

Agi lobogi tagi d’i: Le sama djivina mi tit ki sama tchona ni, mba mi b’lagamu.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Efes-sâ 5:11

Agi lagi darigïd’a ki suma a nga le sun nda hawa yak ka kur nduvundina d’i, wani vama kalâ, agi ngobozi ni ngoba,

Kolos-sâ 2:20

Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala:

Hebre-na 9:26

Le ni na ni, mbeî Christ mi fe ndaka yam ablaud’a bugol ad’u tinda hi duniyad’id’a. Wani ki tchetchemba, kur atchogoi d’a dabid’a, mi he tam yam tu á hle tchod’a woi ki he d’a mi he tam mbei vama ngat buzunid’a.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.