Sunda hi suma hi Levi-nid’a 10:6 - Bible azumeina

⁶ Moise mi de mi Aron azi ki groma Elazar ki Itamar ala: Agi welegi yagi woi d’i, agi hawâgi baru magina woi d’uo mi tala agi bogi d’uo d’a. Ar Ma didina hurum zal yam ablau suma petna d’uo mi. Agi aragi Israel suma petna a tchi mad’a b’oziyogi suma Ma didina mi ngalazi woina.

Sunda hi suma hi Levi-nid’a 10:6 Kruisverwysings

2 Samuel 24:1

Ma didina hurum zal zal la dinga ata Israel-lâ, mi zut David mi kak djangûna ki sed’eziya, mi dum ala: Ang i ndum Israel-lâ ki Juda-na.

Esdras 7:5

Abisuwa, Fines, Elazar ki ma ngol ma ngat buzuna Aron, azi pet ni Esdras abuyom ngolo.

Buzuk ka Abud’a 33:5

Ma didina mi de mi Moise ala: Ang de mi Israel-lâ ala: Alona mi dala: Agi ni suma bei hum vuna. Le an nga ni tit adigagi tetewu ni, an mba ni dabagi tchid’a woyo. Agi yogi ahle magi suma djif suma atagina woyo. Hina wani, an mba ni we vama ni lum ki sed’egina.

Buzuk ka Abud’a 6:23

Aron mi ve Eliseba Aminadap gorom mba Nason wiyembid’a. Ti vud’um Nadap, Abihu, Elazar ki Itamar.

Jeremi 7:29

Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Sunda hi suma hi Levi-nid’a 13:45

Sama libina nde atama mi tchu’î baru ma haûd’a atamu, mi ar yam mbei hawa. Mi d’ut dudumam mbeyo, mi er ad’um akulo ala: An mbut ndjendjed’a! An mbut ndjendjed’a!

Mise 1:16

Agi suma Jerusalem-ma, agi welegi yagi woyo. Agi arat d’igi ta hi togozeid’id’a na, agi tchigi hor ra grogi suma agi hurugi vazi heîna, kayam a mba yozi magomba izi woi dei ki sed’egiya.

Ndumba 1:53

Wani suma hi Levi-na a ngui zlub’u d’a vun ma djinda nga kuad’a ki kang mazina kayambala hurun zal yam ablaud’a hi Israel-lîd’a d’uo d’a. Suma hi Levi-na a ngom zlub’u ndata.

Ndumba 14:6

Josue Nun goroma ki Kalep Jefune goroma suma aduk suma a i d’uï ambasina, a haû baru mazina woyo,

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Ndumba 18:5

Agi ngomogi ahlena hi yima kud’orina kahlena hi yima ngal ahle suma ngat buzunina kayambala an hurun zal yam Israel-lâ d’uo d’a.

Ndumba 20:25

Ang i ki Aron azi ki goroma Elazar akulo yam ahina d’a Hor-ra.

Ndumba 5:18

Mi tchol atcha ndata akulo avogon an Ma didina, mi fogot baru ma katna woyo, mi hat he d’a hawa d’a ge humba abod’u, nala, he d’a hawa d’a yam djib’er ra mbàmbàd’id’a. Mi ve mbiyo ma aglar ma a gun ki tangâ abomu.

Gat ta a hat á mbàd’id’a 33:9

Azi suma a dala azi we nga abuyozi kasuyozi d’uo na, ni sumala a we nga b’oziyozina ki grozina d’uo mi na, kayam suma hi Levi ndazina a ngom zla manga ki vun mang ma djinda mi.

Josue 22:18

Gola! Ki tchetchemba, agi walagiya wa woi ki Ma didina ini! Le agi kagagi djangûna ki sed’em ini ni, ndjivin mam hurum mba mi zal yam ablaud’a hi Israel-lîd’a pet!

Josue 22:20

Kid’a Akan Zera goroma mi le sun nda ata yat tuo d’a kahle suma Ma didina mi he nga vuna kazi d’uo na ni, Ma didina hurum zalî yam ablaud’a hi Israel-lîd’a pet tuo zu? Akan mi ba woi ni yam tcho mamba vam tu zu?

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

Josue 7:11

Israel-lâ a le tchod’a, a but vun ma djin ma an hazi vuna kama woyo, a yo ahle suma an d’elezi kazi ala azi yozi d’uo na, a kuluziya, a ngeyezi nga aduk ahle mazina.