Sunda hi suma hi Levi-nid’a 10:3 - Bible azumeina

³ Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Sunda hi suma hi Levi-nid’a 10:3 Kruisverwysings

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Wana ni mbaktumba hi Job-pa 2:10

Wani Job mi dat ala: Ndak de ni d’igi atcha d’a lilid’a na! Le ei vei djivid’a abo Alona ni, ei ndak á vei tchod’a abom mi d’uo zu? Hina pet pî, Job mi le nga tchod’a ki zla d’a avunamba d’i.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 148:14

Mi hulong hle yam mam suma Israel suma go ki sed’ema akulo. Kayam ndata, mam suma d’engzeng ndazina pet a gilemu. Agi gilegi Ma didina!

Sawal la giled’a 39:10

An kak mudjuk bei mal vunan ba, kayam ni ang ba, mban ahle ndazina kanu.

Sawal la giled’a 39:9

Ang prud’un ndei kur tchila manda pet, ar an mbut vama ngula avok suma lilid’a d’uo mi.

Sawal la giled’a 46:10

Nga mi d’el vun ayîna gak avun dabid’a handagad’id’a, nga mi kus yeûd’a kasapa woyo, nga mi ngal pus ma dur ayîna woi mi.

Sawal la giled’a 89:7

Ma didina, ma kur akulod’a ma mi nga tam ki sed’engâ nga d’i, alo ma hle tam d’igi ang na na nga d’uo mi.

Sawal la giled’a 93:5

Ma didina, vun mang ma hed’a mi ndak memet, ar ang tin gong manga irat vat gak didin.

Buzuk ka Abud’a 14:17

Wani anu, an nga ni b’al hur suma Ezipte-na kiki tala a tchuk tazi tita kä blogogi kur aluma d’a. An mba ni mbut ni vama subura yam Faron ki azigar mama pet ki pus mam ma dur ayîna ki mam suma djang akulumeina mi.

Buzuk ka Abud’a 14:4

An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Buzuk ka Abud’a 19:22

Ar suma ngat buzu suma nga mba avoron an Ma didinina a tin tazi irazi vazi mi tala an tchi suma adigazi d’uo mi d’a.

Buzuk ka Abud’a 19:24

Ma didina mi de mi Moise ala: Ang tchuk aseng kä, ang hulong djagï ki Aron, wani ar suma ngat buzuna kablaud’a a b’at tazi atogo á djagï geven an Ma didina tala suma a bo woi adigazi d’uo d’a.

Buzuk ka Abud’a 30:30

Ang vo mbulâ yam Aron azi ki groma, ang tinizi irazi vazi á lan sun nda ngat buzuna.

Isai 39:8

Ezekiyas mi hulong de mi Isai ala: Zlad’a hi Ma didina d’a ang dandji wanda ni zla d’a djivid’a. Nala, an mba kak ki halasa ki djivid’a ata yima an nga ki iran tua na hina d’uo zu?

Isai 49:3

Mi dan ala: Angî azong mana, angî Israel ma an mba ni fe subura atangâ.

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Ezekiyel 20:41

Fata an buzugugï woi aduk andjaf suma mba ni togogï yam ambas sa an ndjoyôgi woi kuad’id’a, an mba ni vagi atan d’igi vama ngat buzu ma his ma afufuîna na, agi mba han ngola avok andjaf suma.

Ezekiyel 28:22

Ang dum ala: Salad’a Ma didina mi dala: Ang azì ma Sidon-na, an nga ni durungû, an mba ni subur tan kurungû. Fata an kang sariyad’a kanga, suma a mba wala an ni Ma didina, a mba han ngola kurung mi.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Ezekiyel 40:46

wani gong nga irat abo ma norîd’a ni yam suma ngat buzu suma a nga le sunda avun yima ngal ahle suma ngat buzunina mi. Mi dan kua ala: Aduk Levi groma pet ni suma abuzi ngolo ni Sado’â hol ba, a ndak á le sunda mi Ma didina kur gong mam mba kud’ora.

Ezekiyel 42:13

Sa máma mi dan ala: Hur gongîyo suma nga abo ma norâ ki gongîyo suma nga abo ma sut suma nga avun atrang nga krovod’ina pet ni suma a tinizi irazi vazi mAlonina. Suma ngat buzu suma ndak á kal kur gong nga kud’ora hi Ma didinid’ina, a ndak á tahle suma a hazi he d’a hawad’a suma a tinizi irazi vazina kur gongîyo ndazina. Kayam a tin gongîyo ndazina irazi vaziya, suma ngat buzuna a ndak á tchuk ahle suma a hazi he d’a hawad’a suma a tinizi irazi vazina kua, nala, he d’a hawa d’a afuta kahle suma ding suma a hazi he d’a hawa d’a ngat buzuna teteng á fe hur ma vata yam tchod’ina mi.

Sunda hi suma hi Levi-nid’a 21:15

Mam mba mi mbut andjavam zulona aduk sum mama d’i, kayam an ni Ma didin ma tinim iram vama.

Sunda hi suma hi Levi-nid’a 21:17

Ang de mi Aron ala: Sama ad’u andjavang ma daka kur atchogoi d’a lara pî, mba mi hud’ï geven go á le sun nda ngat buzuna á he tena mi an Alo mama d’i.

Sunda hi suma hi Levi-nid’a 21:21

Ar sama ad’u andjafâ hi Aron ma ngat buzuna ma da’â, mi hud’ï geven an Ma didina go á han vama ngat buzu ma ngala d’i; ma da’â mi he tena mi an Alo mama d’uo mi.

Sunda hi suma hi Levi-nid’a 21:6

Ar azi ka’î suma yed’etna yam an Alo mazina, ar azi mbud’un simiyên ndjendjed’a d’i, kayam azi nga han he d’a hawa d’a ngala; ni tena hi an Ma didina Alo mazinina. Ar azi ka’î suma yed’etna.

Sunda hi suma hi Levi-nid’a 21:8

Agi Israel-lâ agi gologi suma ngat buzuna ni suma yed’etna, kayam a nga he tena mi an Alo magina. A mba ka’î suma yed’etna kagiya, kayam an ni Ma bei tchod’ina, an ni Ma didin ma tinigi iragi vagina.

Sunda hi suma hi Levi-nid’a 22:9

Ar azi ngom vun man ma hed’a, ar azi mbud’um ndjendjed’a á hlaneka hi tcho mazid’id’a kazi ba, a bo d’i, kayam an ni Ma didin ma ni tinizi irazi vazina.

Sunda hi suma hi Levi-nid’a 8:35

Agi lagi burâ kid’iziya falei kandjege avun zlub’u d’a ngaf tad’a, agi ngomogi vun ma hed’a hi Ma didinina tala agi bogi d’uo d’a. Wana ni vama Ma didina mi han vuna kama.

Ndumba 16:5

mi de mi Kore ki sum mama ala: Ndjivin yorogo Ma didina mba mi tak sa mam ma mi tinim iram vam ma mam manama woyo, mba mi hud’umî gevem mi.

Ndumba 20:12

Ata yi máma Ma didina mi de mi Moise azi ki Aron ala: Kayamba agi hagi nga gagazid’a kan nduo d’a, agi suburun nga avok ablaud’a d’uo mi d’a, agi mba kalagi ablau ndata kur ambas sa an nga ni hattchid’a d’i.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Jean 12:28

Abunu, ang subur simiyêngû. Kayam ndata, dela ti tcholï akulo ti dala: An suburum wa da’, an mba hulong suburum kua d’ei.

Jean 14:13

Le ni me pî ma agi mba tchenegizi ki simiyên abo Abuna, an mba lagiziya, kayam me an Goroma ni nde subura hAbunda woyo.

Gat ta a hat á mbàd’id’a 32:51

Kayam agi lagi tchod’a ngola avoron avok Israel-lâ avun mbiyo ma Meriba ma Kades ma hur ful ma Tisin-nina, agi tagan nga subur manda woi aduk Israel-lâ d’i.

2 Tasaloni’â 1:10

Kur bur máma suma hAlonina a mba suburumu, suma he gagazid’ina pet a mba humu. Agi nga adigazi mi, kayam agi hagi gagazid’a yam glangâs ma ami lagizina.

1 Pierre 4:17

Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge?

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

1 Samuel 3:18

Ata yi máma Samuel mi dum ad’u ahlena pet bei mi ngeyem va kä ba. Eli mi dum ala: Ni Ma didina; ar mi le vama djivi ma hurum minima.

1 Samuel 6:20

Bugola, suma Bet-Semes-sâ a dala: Sama mba mi ar tchola avok Ma didina Alo ma bei tchod’a ba na ni nge ge? Ei i ki zanduk mama navo hi nge ba, ei walam mbei ki sed’ei ge?