Sunda hi suma hi Levi-nid’a 10:19 - Bible azumeina

¹⁹ Aron mi hulong de mi Moise ala: Gola! A he va mazi ma ngat buzu ma zlup yam tchod’ina ki mazi ma ngat buzu ma ngalina avok Ma didina ni ini, ang we vama mba kana mi. Le an mut hliwa vama a tchum á zlup yam tchod’ina ini ni, Ma didina tam mba d’i lum djivid’a zu?

Sunda hi suma hi Levi-nid’a 10:19 Kruisverwysings

Isai 1:11

Ma didina mi dala: Va mi ndolon kahle magi suma ngat buzu suma ablauna ni me ge? An ndak wa abo gamlâ ma agi handji vama ngat buzu ma ngalina, abo mbul amuzleina mi. Tan nga d’i lan djivid’a yam buzu amuzlei d’oze yam buzu tumiyô d’oze yam buzu mbekmbere d’i.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Wana ni mbaktumba hi Oze-d’a 9:4

Suma Efraim-ma a mba he he d’a hawa d’a süm guguzlud’a d’i; ahle mazi suma ngat buzuna Ma didina tam mba d’i lum djivid’a kazi d’i. A mba mbut ni d’igi te ma hohoud’a na kaziya. Suma pet suma a mba tazina a mba mbut ndjendjed’a, kayam te mazina mba mi arî kazi azi hol, a mba i ki te máma kur gong nga kud’ora hi Ma didinid’a d’i.

Sunda hi suma hi Levi-nid’a 10:20

Moise mi hum zla ndata, tam lum djivid’a kat mi.

Sunda hi suma hi Levi-nid’a 9:12

Aron mi ngat vama a hum vama ngat buzu ma ngalina. Groma a mbam buzuwamu, mi yamam huyok yima ngal ahle suma ngat buzuna.

Sunda hi suma hi Levi-nid’a 9:8

Aron mi hut gen yima ngal ahle suma ngat buzuna go, mi ngat amuhl ma gorâ á zlup yam tcho mamba tata.

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.

Malatchi 1:13

Agi nga dagi ala: Ni ndaga me na ge! Agi nga hlagi yagi woi vivik mi. An Ma didina ni de na. Ma didin ma ad’engêm kal petna mi dala: Hina wan pî, agi nga mbagi ki vama kula ki ma dileîd’a ki ma tugud’eid’a mi ala ni he d’a hawa magid’a. An mba ni vat abogi zu?

Malatchi 2:13

Wana ni vama ding ma agi nga luma: Agi nga tchigi ata yima ngal ahle suma ngat buzuna hi Ma didinina ki simina iragi ki yor tad’a mi, kayam mam nga mi tin iram yam he d’a hawa magi d’a ngat buzuna d’i, nga mi ve va abogi d’uo mi.

Gat ta a hat á mbàd’id’a 12:7

Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.

Gat ta a hat á mbàd’id’a 26:14

Kur yor ta mamid’a, ami tami nga va kur ahle ndazina d’i, ami lami nga ki sed’ezi vama ndjendje d’uo mi, ami hamizi nga yam zla d’a mat tuo mi, ami gami yami kä ad’u vun ma hed’a hi ang Ma didina Alo mamina, ami lami sunda yam ahlena pet suma ang hami vuna kazina.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Hebre-na 7:27

Wani Jesus mi le nga d’igi suma nglona hi suma ngat buzuna suma dingâ na d’i. Azi ni suma a nga ngat buzuna burâ ki burâ yam tcho mazid’a avogo, bugol yam mba hi sumid’a mi. Wani ata yima mi he tam mbei vama ngat buzuna yam tchod’a hi sumina, mi le hina ni yam tu.

Hebre-na 9:8

Hina Muzuk ma bei tchod’a ba na, mi tak kei ala ata yima zlub’u d’a avoka nga tua na, lovot ta á kal ata yima Alona mi tinim iram vam ma kal teglesîd’a nga d’i.