Sunda hi suma hi Levi-nid’a 10:11 - Bible azumeina

¹¹ Agi had’agi Israel-lâ gat ta an Ma didina ni hazizi avunang ang Moise-sa.

Sunda hi suma hi Levi-nid’a 10:11 Kruisverwysings

2 Sunda Hamuleinid’a 15:3

Israel-lâ a le bizad’a ablaud’a bei Alo ma gagazina adigaziya, bei ma ngat buzu ma mi had’azina, bei gat mamba adigazi mi.

2 Sunda Hamuleinid’a 17:9

A nga ki mbaktum mba gata hi Ma didinid’a aboziya, a nga hat suma Juda-na. A nga tit kur azì ma nglo ma Juda-na pet, a nga hat suma.

2 Sunda Hamuleinid’a 30:22

Ezekiyas mi had’enga mi suma hi Levi suma a nga ki wad’ud’a yam sunda hi Ma didinid’ina. A mut ahle suma a tchazi á vun tilîna gak burâ kid’iziya, a hahle suma ngat buzu suma zlap darigïd’a, a gile Ma didina Alona habuyozi ngolona mi.

Nehemi 8:2

Esdras ma ngat buzuna mi hlad’ï mi mba ki sed’et avok suma toka, andjofâ karopma ki suma pet suma a ndak á hum zlad’ina, ni kur bur ma avo’â hi til mámina.

Nehemi 8:8

A ndum kur mbaktum mba Gata hAlonid’a woi tetet, a vat ad’ut tei kayam suma a wäd’u vama azi ndumuma.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Gat ta a hat á mbàd’id’a 17:10

Agi mba kagagi ni yam zla d’a azi dagizi ata yima Ma didina mba mi manamid’a, agi mba tid’igi ni yam zla d’a azi dagizid’a memet.

Gat ta a hat á mbàd’id’a 17:11

Agi tid’igi ni yam gat ta azi mba had’agizid’a ki sariya d’a azi mba dagizid’a, agi d’ezegi woi yam zla d’a azi mba dagizid’a á igi abo mandjuf foze abo ma gula d’uo mi.

Gat ta a hat á mbàd’id’a 24:8

Moise mi de kua ala: Yam zlad’a hi libinid’a, agi ngomogi zlad’a pet ta suma ngat buzu suma hi Levi-na a had’agizid’a, agi ngomogizi djiviya, agi tid’igi yam ahlena pet suma an hagi vuna kazina mi.

Gat ta a hat á mbàd’id’a 33:10

Ni azi ba, a nga hat vun mang ma hed’a mi suma hi Jakob-ma, a nga hat gat manga mi Israel-lâ, a nga he dubang ma his djivid’ina kahle suma ngat buzu suma ngala yam yi mang ma ngal ahle suma ngat buzuna mi.

1 Tasaloni’â 4:2

Kayam agi wagi vun ma he ma ami hagizi ki simiyê Salad’a Jesus-na.