Sunda hi suma hi Levi-nid’a 1:9 - Bible azumeina

⁹ Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:9 Kruisverwysings

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

1 Sunda Hamuleinid’a 6:34

Elkana, Jeroham, Eliyel, Towa,

2 Sunda Hamuleinid’a 4:6

Mi le hal ma kawei ma hleuna dogo, mi tin vahl abo ma ndjufâ, mi tin vahl abo ma gulana á mbus kahle suma ngat buzu suma ngala. Hal ma ngolâ ni yam suma ngat buzuna á mbusa mi.

Sawal la giled’a 51:6

An le tchod’a ni mi ang tu gid’eng, an le tchod’a avorongû. Kayam ndata, suma a mba wang ma d’ingêrâ nata zla mang nga ded’a; ata yima ang ka sariyad’a kana, ang ni ma bei zlad’a kang ba na mi.

Sawal la giled’a 66:15

An mba ni hang d’uwar ma d’orâ ki gamlâna, an mba ni hang amuhlâ ki mbekmberena yam yi mang ma ngal ahle suma ngat buzuna, an mba ni ngalangziya; andozozi ma his ma afufuîna mba mi fang sä akulo. Tchol ndjö

Buzuk ka Abud’a 12:9

Agi mud’um karid’a d’oze yum ki mbina d’uo mi, wani agi soromî tumbulu, yamba kasema karuwatna pet.

Buzuk ka Abud’a 29:18

Ar ang ngalam mbei yam yima ngal ahle suma ngat buzuna ki zla tam pet. Wana ni vama ngat buzu ma ngala mi an Ma didina; ni vama his ma afufuîna avoronu.

Buzuk ka Abud’a 29:25

Ang hulong vazizi aboziya, ang ngalazi yam yima ngal ahle suma ngat buzuna akulo yam vama hum á ngala woi petna. Wana ni vama ngat buzu ma ngala avogon an Ma didina; ni vama his ma afufuî ma lan tan djivid’ina mi.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Ezekiyel 20:28

An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.

Ezekiyel 20:41

Fata an buzugugï woi aduk andjaf suma mba ni togogï yam ambas sa an ndjoyôgi woi kuad’id’a, an mba ni vagi atan d’igi vama ngat buzu ma his ma afufuîna na, agi mba han ngola avok andjaf suma.

Ezekiyel 40:38

Hur gong nga abo ma yam hur gong nga ngol la ngagad’a yam vun agrek ma abo ma norîd’a ni gong nga a mbus hliwa vama a hum he d’a hawa d’a vama ngat buzu ma ngala kuana.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:17

Ar mi wak gugu ndata aduk bei ngad’at gigingât tei ba, ar mi ngalat tei yam yima ngal ahle suma ngat buzuna yam agu ma a vum akud’ina. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 2:16

Ar ma ngat buzuna mi yo awu ma a lud’uma zlapa ki dubang ma his djivid’ina nde, mi ngalazi yam yima ngal ahle suma ngat buzuna d’igi vama ge humba na. Wana ni he d’a hawa d’a ngal la avogon an Ma didinid’a.

Sunda hi suma hi Levi-nid’a 2:2

mi it mi suma ngat buzuna Aron groma. Ar ma ngat buzuna adigazi tu mi yo afut ta adiged’i d’a a vo mbulâ kat zlapa ki dubang ma his djivid’ina hur abom tu, mi ngalat tei yam yima ngal ahle suma ngat buzuna d’igi vama ge humba na. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 2:9

mi pat ahle suma nda’â d’igi ahle suma ge humba na, mi ngalazi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 3:11

Ma ngat buzuna mi ngalazi akulo yam yima ngal ahle suma ngat buzuna. Wana nahle suma te suma a ngalazi mi an Ma didinina.

Sunda hi suma hi Levi-nid’a 3:5

Aron groma a ngalazi akulo yam yima ngal ahle suma ngat buzuna zlapa ki vama hum he d’a hawa d’a ngal ma nga yam agu ma akuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 6:14

A tib’eged’u, a yat aku ki mbulâ kur halâ, a wizeget kä woi gegeleng á hat he d’a hawa d’a yid’a d’igi vama his ma afufuîna na, mi an Ma didina.

Sunda hi suma hi Levi-nid’a 8:21

Mi mbuzum aruwad’am mbei kasemu, mi ngalazi woi yam yima ngal ahle suma ngat buzuna ki gamlâna hliwim ma arâ pet d’igi Ma didina mi hum vuna na. Wana ni he d’a hawa d’a ngala, ni vama ngat buzu ma his ma afufuî ma avok Ma didinina.

Sunda hi suma hi Levi-nid’a 8:28

Bugola, Moise mi yozi aboziya, mi ngalazi akulo yam yima ngal ahle suma ngat buzuna zlapa ki he d’a hawa d’a ngala. Wana ni vama ngat buzu ma a tin ki sana kur sun nda ngat buzunid’a, ni vama ngat buzu ma ngal ma his ma afufuî ma avok Ma didinina.

Sunda hi suma hi Levi-nid’a 9:14

Mi mbus aruwatna kasema woyo, mi ngalazi akulo yam yima ngal ahle suma ngat buzuna zlapa ki hliu vama ngat buzu ma ngala.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Ndumba 15:3

agi mba handi vama ngat buzu ma ngala, d’oze vama ngat buzu ma zlap darigïd’a, d’oze vama ngat buzu ma ndak vun vun ma hled’a, d’oze he d’a hawa d’a kur min magid’id’a, d’oze ata yima vun le tilâ. Le ni d’uwar ma nglona d’oze ma gureina á his his ma afufuîna avoronu ni,

Ndumba 28:11

Ma didina mi de kua ala: Kur bur ma avo’â hi til ma lara ge petna agi hagi he d’a hawa d’a ngala mi an Ma didina amuzlei suma azungeîna mbà, gamlâna tu ki gro tumiyô suma bizazi tutu suma bei dakina kid’iziya mi.

Ndumba 28:7

Ata yima ang mba ki gor timi ma yorogona á ngatina, ang mba ki süm guguzlud’a lidirâ tu ki nusa, ang handji nata yima a tinim iram vama.

Ndumba 28:8

Ata yima ang mba ki gor timi ma mbàna ki fladege d’a afata i nikid’a, ang mba ki süm guguzlud’a d’igi d’a ang mbat yorogod’a na. Ni vama ngat buzu ma ngal ma his ma afufuîna ma avogon an Ma didinina.

2 Korente-na 2:15

Kayam ami ni d’igi his ma djivi ma afufuîna hi Christ-sâ na avok Alona, aduk suma a nga fe sutina, aduk suma a nga ba woina mi.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Gat ta a hat á mbàd’id’a 12:27

Agi mba hagi hliuna ki buzuna he d’a hawa d’a ngala yam yima ngal ahle suma ngat buzuna hi Ma didina Alo maginina. Ahle magi suma ngat buzu suma dingâ, buzuwazi mba mi djang kä woi yam yima ngal ahle suma ngat buzuna hi Ma didina Alo maginina. Agi mba mud’ugi hliuna.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.