Sunda hi suma hi Levi-nid’a 1:5 - Bible azumeina

⁵ Ar mi ngat gor amuhlâ kä avogon an Ma didina. Bugola, suma ngat buzuna Aron groma a gas buzuna avogonu, a yamam huyok yima ngal ahle suma ngat buzu ma nga avun zlub’ud’ina.

Sunda hi suma hi Levi-nid’a 1:5 Kruisverwysings

2 Sunda Hamuleinid’a 35:11

A ngat ahle suma a hazi á Pa’îna, suma ngat buzuna a yam buzu ma a vum abo suma hi Levi-nina kä yam yima ngal ahle suma ngat buzuna. Suma hi Levi-na a nga ze ahle suma a tchazina woyo.

Buzuk ka Abud’a 29:11

Ang ngat amuhl máma kä avogon an Ma didina avun zlub’u d’a ngaf tad’a.

Buzuk ka Abud’a 29:16

Ang ngad’amu, ang go buzuna, ang vom abu huyok yima ngal ahle suma ngat buzuna pet.

Buzuk ka Abud’a 40:6

Ang tin yima ngal ahle suma ngat buzu suma ngala avun zlub’u d’a ngaf ta d’a a tinit irat vata.

Isai 52:15

Andjaf suma ablaud’a a mba le atchap kamu, amuleina a mba duk vunazi yam zla mamba, kayam azi mba wäd’u vama a dazizi nga zlam yam tu d’uo na, a mba hum vama azi humum nga yazi tu d’uo na mi.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Ezekiyel 43:18

Alona mi dan ala: Ang gor sana, An Salad’a Ma didina nga ni dangû: Vun ma he ma an hangzi yam yima ngal ahle suma ngat buzunina ba wana: Fata a minim wa ni, ar suma a we lovota á he he d’a hawa d’a ngala, á yam buzuna kamba mi.

Sunda hi suma hi Levi-nid’a 1:11

Ar mi ngad’amî abo ma norâ hi yima ngal ahle suma ngat buzunina avogon an Ma didina. Suma ngat buzuna Aron groma a go buzuna, a yamam huyok yima ngal ahle suma ngat buzuna.

Sunda hi suma hi Levi-nid’a 1:15

Ma ngat buzuna mi hat tei yam yima ngal ahle suma ngat buzuna. Ar mi ngad’at yat teyo, mi ngalat tei yam yima ngal ahle suma ngat buzuna, mi ar buzuna mi djang kä huyok yima ngal ahle suma ngat buzuna.

Sunda hi suma hi Levi-nid’a 16:15

Mi ngat mbekmberena á zlup yam tchod’a hablau sumid’a, mi i ki buzuna bugol baru d’a ka ira, mi le ki va máma d’igi mi le ki buzuna hamuhlîna na, mi yam buzuna yam yima we hohoud’a mi na, mi yamam ata abom ma avoroma mi.

Sunda hi suma hi Levi-nid’a 17:11

Kayam arid’a hi vana ni kur buzuna, an hagizi yam yima ngal ahle suma ngat buzuna; ni kayambala mi zlup yam tcho magid’a d’a. Kayam ni buzu ma djang ngeina ba, mi zlup yam tchod’a, mi ar sana mi kak karid’a mi.

Sunda hi suma hi Levi-nid’a 3:13

mi tin abom kad’u, mi i ngad’at avun zlub’u d’a ngaf tad’a; Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 3:2

Ar mi tin abom yam vama mam tchuma, mi i ngad’am avun zlub’u d’a ngaf tad’a; suma ngat buzuna Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 3:8

mi tin abom kamu, mi i ngad’am avun zlub’u d’a ngaf tad’a; Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 4:29

Mi tin abom yam b’ë d’a mam hat á ngat buzuna á zlup yam tchod’id’a, mi i ngad’at ata yima a nga ngat ahle suma ngat buzu suma ngala kuana.

Sunda hi suma hi Levi-nid’a 4:33

Ar mi tin abom yam timi d’a mam hat á ngat buzuna ndata, mi i ngad’at á zlup yam tcho mamba ata yima a nga ngat ahle suma ngat buzu suma ngala kuana.

Sunda hi suma hi Levi-nid’a 4:7

Mi do buzuna akulo keng yima ngal dubang ma his djivid’a ma nga avogon an Ma didina kur zlub’u d’a ngaf tad’ina, mi vo buzu máma kä kur kawei ma kä ad’u yima ngal ahle suma ngat buzuna ma nga avun zlub’u d’a ngaf tad’ina pet mi.

Mise 6:6

Agi nga dagi ala: Ei i avok Ma didina ni ki me ge? Ei grivi kä avok Salad’a Alo ma sä akulo ma kal teglesâ ni ki me ge? Ei humî gor amuhl ma bizam tuna vama ngat buzu ma ngala zu?

Ndumba 18:17

Wani ang mbut yam gor amuhl ma a vud’um avo’â d’oze yam gor timi ma a vud’um avo’â d’oze yam gor b’ë ma a vud’um avo’â d’uo mi. Azi nahle suma djivi suma a tinizi irazi vazina. Ang vozi buzuwazi yam yima ngal ahle suma ngat buzuna, ang ngalazi mbuluzi vama ngal ma his ma afufuîna avoron an Ma didina.

Hebre-na 10:11

Ma ngat buzu ma lara ge pî mi nga tchola burâ ki burâ á le sun nda ngat buzu mamba teteu. Ni buzu ma ngat ma ndak á hle tchod’a woi d’uo na.

Hebre-na 12:24

Agi mbagi go gen Jesus ma aduk suma kAlona yam vun ma djin ma awilina ki buzuwam ma yama a nga dum zlam djivid’a kal buzuna hi Abel-lîna.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

1 Samuel 1:25

Azi ngat amuhl máma buzuna mAlona. Bugol azi i ki gor máma mi Eli.