Sunda hi suma hi Levi-nid’a 1:4 - Bible azumeina

⁴ Ar mi tin abom yam vama mam mba mi hum á ngala mi an Ma didinina, an mba ni vum abom á zlup yam tcho mamba.

Sunda hi suma hi Levi-nid’a 1:4 Kruisverwysings

Buzuk ka Abud’a 28:38

Aron mba mi zi lor ra bebed’e ndata avorom akulo burâ ki burâ ata yima mi tchol avogon an Ma didinina. Kayam ndata, an mba ni ve he d’a hawa d’a a mba tinindji irat vata aboziya. Le azi he nga he d’a hawad’a ata lovod’ot tuo pî, an mba ni wazi hohowoziya.

Buzuk ka Abud’a 29:10

Ang mba kamuhlâ avun zlub’u d’a ngaf tad’a. Aron azi ki groma a tin abozi kamu.

Buzuk ka Abud’a 29:15

Ang veï gamlâ tu, Aron azi ki groma a tin abozi kamu.

Buzuk ka Abud’a 29:19

Ang veï gamlâ ma mbàna, Aron azi ki groma a tin abozi kamu.

Buzuk ka Abud’a 29:33

A tahle suma a mba ngad’azi mi an Alona á zlup yam tchod’ina kahle suma a mba ngad’azi á tinizi ki kur sundina, á tinizi ki irazi vazi mi. Ar sama nandjaf Aron nduo na mi tazi d’i, kayam nahle suma a tinizi irazi vazina.

Isai 56:7

an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Ezekiyel 45:15

Le ahok magina kur kangâna ni kikis mbà ni, agi vagi aduk tu, agi hagizi he d’a hawad’a mi. Agi hagi ahle ndazina he d’a hawa d’a afuta, he d’a hawa d’a ngat buzu d’a ngala d’oze he d’a hawa d’a ngat buzu d’a zlap darigïd’a kayambala an hurun vat tei yam tcho magid’a d’a. An Salad’a Ma didina ni de na.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Sunda hi suma hi Levi-nid’a 16:21

Mi tin abom ki zla tam djak yam mbekmbere máma, mi de woi yam tchilad’a hi Israel-lîd’a ki murud’um mazid’a ki tcho mazid’a pet, mi tinizi yam mbekmberena. Bugola, mi hum abo sama a manam yam sun ndatina, mi i ki sed’em mi gum sä woi abagei hur fulâ.

Sunda hi suma hi Levi-nid’a 16:24

Mi mbus tam mbei aduk mbina ata yima ding ma a tinim iram vama, mi hulong tchuk baru mama atamu, mi i he va mam ma ngat buzu ma ngala ki ma hablau sumina, mi zlup yam tcho mamba ki d’a hi sumid’a mi.

Sunda hi suma hi Levi-nid’a 22:21

Le sana mi he d’uwar mam ma nglona, d’oze ma gureina vama ngat buzu ma zlap darigïd’a, le ná ndak vun vun ma hle ma mam hluma, d’oze le ni he d’a hawa d’a kur min mambid’a ni, mi he ni vama bei daka ma bei vama tcho atam ba na, kayambala an ni vum abomu d’a.

Sunda hi suma hi Levi-nid’a 22:27

Gor amuhlâ d’oze gor timina d’oze gor b’ëna, ata yima a vud’uma, aram mi le burâ kasum kid’iziya. Kur bur ma klavandina ki bur ma ar avok hina, mi ndak á hum vama ngat buzu ma ngala mi an Ma didina.

Sunda hi suma hi Levi-nid’a 3:13

mi tin abom kad’u, mi i ngad’at avun zlub’u d’a ngaf tad’a; Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 3:2

Ar mi tin abom yam vama mam tchuma, mi i ngad’am avun zlub’u d’a ngaf tad’a; suma ngat buzuna Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 3:8

mi tin abom kamu, mi i ngad’am avun zlub’u d’a ngaf tad’a; Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 4:15

Suma nglo suma avok Israel-lîna a tin abozi yam amuhl máma avogon an Ma didina, a ngad’am kä avogon mi.

Sunda hi suma hi Levi-nid’a 4:20

mi le kamuhl máma ni d’igi mi le kamuhl ma a hum á zlup yam tchod’ina na, mi le ki sed’ezi hina dedege. Mi le ki sum ndazina ni hina dedege á zlup yam tcho mazid’a. Hina wani, an Alona mba ni vat hurun ndei yam tcho mazi d’a a lata.

Sunda hi suma hi Levi-nid’a 4:24

Mi tin abom yam mbekmbere máma, mi i ngad’am kä avogon an Ma didina ata yima a ngat ahle suma ngala kuana. Wana ni vama ngat buzu ma zlup yam tchod’ina.

Sunda hi suma hi Levi-nid’a 4:26

Mi ngal mbul amuhl máma yam yima ngal ahle suma ngat buzuna pet d’igi a ngal mbul amuhl ma a hum vama ngat buzu ma zlap darigïd’a na mi. Mi le kamul máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 4:29

Mi tin abom yam b’ë d’a mam hat á ngat buzuna á zlup yam tchod’id’a, mi i ngad’at ata yima a nga ngat ahle suma ngat buzu suma ngala kuana.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 4:33

Ar mi tin abom yam timi d’a mam hat á ngat buzuna ndata, mi i ngad’at á zlup yam tcho mamba ata yima a nga ngat ahle suma ngat buzu suma ngala kuana.

Sunda hi suma hi Levi-nid’a 4:35

Mi yo mbul amuhl máma woi yam yima ngal ahle suma ngat buzuna pet d’igi a yo mbul timi ma a hum vama ngat buzu ma zlap darigïd’a na mi, mi i ngalam mbei akulo yam yima ngal ahle suma ngat buzuna zlapa ki he d’a hawa d’a ngal la dinga avogon an Ma didina. Mi le ki sa máma ni hina dedege á zlup yam tcho d’a mi lata. Hina wani, an Alona mba ni vat hurun ndei yam tcho mam ndata.

Sunda hi suma hi Levi-nid’a 4:4

Mi i kamuhl ma azong máma avun zlub’u d’a ngaf tad’a, mi tin abom kamu, mi ngad’am kä avogon an Ma didina.

Sunda hi suma hi Levi-nid’a 5:6

Bugola, mi mba ki he d’a hawa d’a yam tcho mam mba mi lata avogon an Ma didina, mi mba ni ki timid’a d’oze b’ëd’a vama ngat buzuna á zlup yam tcho mamba. Ma ngat buzuna mba mi ngad’at á zlup yam tcho mamba.

Sunda hi suma hi Levi-nid’a 6:7

Ma didina mi de kua ala: Wana ni gat ta yam he d’a hawad’a hafutid’a: Ar Aron groma a hat mi an Ma didina ni azi avok yima ngal ahle suma ngat buzuna.

Sunda hi suma hi Levi-nid’a 8:14

Moise mi mba kamuhl ma a hum vama ngat buzuna á zlup yam tchod’ina. Aron azi ki groma a tin abozi yam amuhl máma.

Sunda hi suma hi Levi-nid’a 8:18

Mi mba ki gamlâ ma a hum vama ngat buzu ma ngalina. Aron azi ki groma a tin abozi kamu.

Sunda hi suma hi Levi-nid’a 8:22

Mi mba ki gamlâ ma mbà ma a hum á tin ki sana kur sun nda ngat buzunid’ina; Aron azi ki groma a tin abozi kamu.

Sunda hi suma hi Levi-nid’a 9:7

Moise mi de mi Aron ala: Ang hud’ï gen yima ngal ahle suma ngat buzuna go, ang he he d’a hawa manga á zlup yam tchod’a ki vama ngat buzu ma ngala á zlup yam tcho manga ki tchod’a hablau sumid’a. Bugola, ang he he d’a hawad’a hablaud’id’a á zlup yam tcho mata d’igi Ma didina mi he vuna na.

Ndumba 15:25

Hina wani, ma ngat buzuna mba mi zlup yam tchod’a hablaud’a hi Israel-lîd’a pet. An mba ni vat hurun ndei kaziya, kayam a le ni tcho d’a bei wat ad’uta. Azi mba ki he mazi d’a hawa d’a afut ta ngala á suburun an Ma didina ki vama azi hum á tchid’a yam tcho mazid’a avogon an Ma didina yam tcho mazi d’a azi lat bei wed’id’a.

Ndumba 15:28

Ma ngat buzuna mi zlup yam tcho d’a sa máma mi lat bei wat ad’ut avogon an Ma didinid’a. Ata yima a zlubut yatna, an mba ni vat hurun ndei kamu.

Ndumba 25:13

Vun ma djin máma mi arî kam kandjavam ma a mba vud’um bugolâ, a mba ka’î suma ngat buzuna gak didin, kayam mam tak yungôr mama woi yam an Alo mama, kayamba mi zlup yam tchod’a hi Israel-lîd’a.

Ndumba 8:10

ang mba ki suma hi Levi-na avogon an Ma didina; Israel-lâ a tin abozi kazi mi.

Ndumba 8:12

Suma hi Levi-na a tin abozi yam amuzlei suma mbà ndazina. Ang he tu vama ngat buzu ma zlup yam tchod’a, ang he tu vama ngat buzu na ngala mi an Ma didina á zlup yam tcho mazid’a.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 3:25

Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka.

Romê-na 5:11

Ni kayam ndata hol li, wani ei nga lei furîd’a zlapa kAlona, ni yam Saleina Jesus Christ ma ki tchetchemba mi zlabei darigïd’a kAlonina.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.

Hebre-na 10:4

Kayam buzuwa amuzlei suma andjuveina ki buzuwa aho’â a ndak á hle tchod’a woi d’i.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.