Sunda hi suma hi Levi-nid’a 1:3 - Bible azumeina

³ Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Sunda hi suma hi Levi-nid’a 1:3 Kruisverwysings

Ad’u Tinda 22:13

Abraham mi hle iram akulo, mi gol blogomu, mi we gamlâna nga tchola adivim nga haka aduk azlupa, mi vumu, mi ngad’am balum goroma Isak.

Ad’u Tinda 22:2

Alona mi dum kua ala: Ang ve gorongâ Isak ma tu gid’eng ma ang le kam heîna, ang i yam ambas sa Moriya-d’a, ang handji vama ngat buzu ma ngala yam ahina d’a an mba ni tagangzid’a.

Ad’u Tinda 22:8

Abraham mi hulong dum ala: Gorona, Alona tamba mba mi hei ini gor timina á ngata. Azi djak a nga i ad’u taziya.

Ad’u Tinda 8:20

Noe mi min yima ngal ahle suma ngat buzuna mi Ma didina mi tinim iram vamu, mi yo aduk ahle suma djivina, aduk aluwei suma djivina pet, mi ngad’aziya, mi ngalazi woi pet yam yima ngal ahle suma ngat buzu máma.

2 Sunda Hamuleinid’a 29:32

Ablau ahle suma a hazi á ngalina ba wana: Amuzleina dok kid’iziya, gamlâna kis, gro tumiyôna kikis mbà mi. Wan pet nahle suma a hazi he d’a hawa d’a ngala mi Ma didinina.

2 Sunda Hamuleinid’a 35:12

A tchuk hliu ma a hum á ngalina iram vam á hum mi suma ablaud’a ad’u andjavazi ad’u andjavaziya, tala azi hum mi Ma didina d’igi a b’ir kur gata hi Moise-sa na d’a, a le kamuzleina ni hina mi.

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Buzuk ka Abud’a 12:5

Agi ndak á vagi gor timina d’oze gor b’ë ma bei daka ma bizam tuna.

Buzuk ka Abud’a 24:5

Mi sun gro azungeî suma Israel-lâ á hahle suma ngat buzu suma ngala mi Ma didina, á ngad’am amuzleina ahle suma ngat buzu suma zlap darigïd’a mi.

Buzuk ka Abud’a 29:18

Ar ang ngalam mbei yam yima ngal ahle suma ngat buzuna ki zla tam pet. Wana ni vama ngat buzu ma ngala mi an Ma didina; ni vama his ma afufuîna avoronu.

Buzuk ka Abud’a 29:4

Ang mba ki Aron azi ki groma avun zlub’u d’a ngaf tad’a, ang dazi ala a mbus abozi kasezi woi ki mbina.

Buzuk ka Abud’a 29:42

Ni vama ngat buzu ma ngal ma andjavagi ma bugolâ mba mi lum gak didina. Ar agi handji avun zlub’u d’a ngaf tad’a mi an Ma didina. Ni kua ba, an mba ni ngavagiya, an mba ni dagi zlad’a mi.

Buzuk ka Abud’a 32:6

Tcha ndjivin yorogo tcholol, azi tchol a hahle suma ngat buzu suma ngala kahle suma ngat buzu suma zlap darigïd’a, a kak kä á ted’a, á tched’a. Bugola, a tchol akulo á luna.

Buzuk ka Abud’a 35:21

Suma pet suma a nga ki hur ma djivi suma tazi lazi djivid’ina, a mba ki he d’a hawa d’a a pad’at vunat mi Ma didinid’a á le ki sunda hi zlub’u d’a ngaf tad’id’a, á le ki sun nda kud’ora, á tchil ki baru d’a a tinit irat vata mi.

Buzuk ka Abud’a 35:29

Israel-lâ ki zla tazi pet, andjofâ karop suma huruzi djivid’a á le sun nda Ma didina mi he vuna kat mi Moise-sina, a mba ki he d’a hawa d’a azi hat kur min mazid’id’a mi Ma didina.

Buzuk ka Abud’a 35:5

Agi pad’agi vun ahle magina mi Ma didina. Suma pet suma a nga ki hur ma djivinina a mba ki he d’a hawa d’a teteng nga azi pad’at mi Ma didina ndata, nala, lora, kawei ma hapma, kawei ma hleuna,

Buzuk ka Abud’a 36:3

Azi mba a yo he d’a hawa d’a Israel-lâ a hat á le ki sunda hi zlub’u d’a kud’orid’a woi avok Moise. Yorogo d’a lara ge pî suma a nga mba ki he d’a hawa d’a kur min mazid’id’a.

Buzuk ka Abud’a 38:1

Besalel mi min yima ngal ahle suma ngat buzuna kagu kasiyana. Mi minimî abo tam tu; fiyagam metred’a mbà ki nus metred’a, bubuwam metred’a mbà ki nus metred’a, fiyagam mba akulod’a metred’a tu ki nus metred’a mi.

Isai 1:11

Ma didina mi dala: Va mi ndolon kahle magi suma ngat buzu suma ablauna ni me ge? An ndak wa abo gamlâ ma agi handji vama ngat buzu ma ngalina, abo mbul amuzleina mi. Tan nga d’i lan djivid’a yam buzu amuzlei d’oze yam buzu tumiyô d’oze yam buzu mbekmbere d’i.

Ezekiyel 20:40

Kayam Israel-lâ pet a mba kud’uron yam ahina man nda a tinit irat vat ta fiyak ka aduk Israel-lîd’a. Ni kua ba, an mba ni vagi atanu, an mba ni dagi ala: Agi handï ahle magi suma agi tinizi irazi vazina, nala, he magi d’a hawad’a kahle suma djivi suma kalâ.

Ezekiyel 40:39

Kur gong ndata tabulâ nga kua, mbà abo hî, mbà abo hî á ngat d’uwar ma a hum he d’a hawad’a ngalina, ma a hum he d’a ngat buzu d’a tetenga, ma a hum he d’a hawa d’a vat hurâ yam tchod’ina mi.

Sunda hi suma hi Levi-nid’a 1:10

Le he d’a hawa mam mba ngala ni d’uwar ma gureina, nala, gor timina d’oze gor b’ëna ni, ar mi he ni mandjuf ma bei daka ba na.

Sunda hi suma hi Levi-nid’a 14:10

Kur bur ma klavandina, mi yo gro tumiyô suma bei dakina mbà, timi d’a bizat tu d’a bei dakid’a ki he d’a hawa d’a afut ta a tib’eget ki mbulîd’a kilona zlengâ, ki mbulâ nus lidirâ mi.

Sunda hi suma hi Levi-nid’a 16:7

Mi yo mbekmbere suma mbà ndazina, mi tcholozi avogon an Ma didina avun zlub’u d’a ngaf tad’a.

Sunda hi suma hi Levi-nid’a 17:4

le mi mbam nga avun zlub’u d’a ngaf tad’a á hum he d’a hawad’a avogon an Ma didina ata yima a tinim iram vama d’uo ni, an mba ni ndum buzuna hi va mámina ni yam sa máma. Kayam mi vo ni buzuna woyo, a mba pad’am mbei aduk sum mama.

Sunda hi suma hi Levi-nid’a 17:8

Le ma Israel-lâ d’oze angei ma nga kak adigagina, mi he vama ngat buzu ma ngala d’oze vama ngat buzuna,

Sunda hi suma hi Levi-nid’a 17:9

le mi im nga avun zlub’u d’a ngaf tad’a á hum vama ngat buzuna mi an Ma didina d’uo ni, a mba pat sa máma woi aduk sum mama.

Sunda hi suma hi Levi-nid’a 23:12

Kur bur ma agi hagi yam awuna á gazam akulona, agi hagi gor timi ma bizam tu ma bei dakina he d’a hawa d’a ngala mi an Ma didina

Sunda hi suma hi Levi-nid’a 23:18

Agi tinigi yam avungô máma tumiyô suma bizazi tutu suma bei dakina kid’iziya kamuhl ma azongâ tu ki gamlâna mbà mi. Agi hazi he d’a hawa d’a ngala mi an Ma didina, zlapa ki he d’a hawa d’a süm guguzlu d’a he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 3:1

Ma didina mi de kua ala: Le sana mi he vama ngat buzu ma zlap darigïd’a mi an Ma didina, le mi he ni d’uwar ma ngol mandjuf foze d’a atchad’a ni, mi he ni ma bei daka ba na.

Sunda hi suma hi Levi-nid’a 4:15

Suma nglo suma avok Israel-lîna a tin abozi yam amuhl máma avogon an Ma didina, a ngad’am kä avogon mi.

Sunda hi suma hi Levi-nid’a 4:23

Le mi we wa ad’u tcho mam mba mi lata ni, mi he mbekmbere ma bei daka ba na vama ngat buzuna.

Sunda hi suma hi Levi-nid’a 4:3

Le ni ma ngat buzu ma a vom mbulâ kam á tinim iram vama ba, mi le tchod’a mi b’lak ablaud’a ni, mi hamuhl ma azong ma bei daka ba na vama ngat buzuna mi an Ma didina á zlup yam tcho d’a mi lata.

Sunda hi suma hi Levi-nid’a 4:32

Le mi he ni timina vama ngat buzuna á zlup yam tcho mamba ni, mi he ni d’a atcha d’a bei daka ba d’a.

Sunda hi suma hi Levi-nid’a 5:15

Le sana mi le tchod’a bei wat ad’ut ba, mi hahle suma a tinizi irazi vazi mi an Ma didinina d’uo ni, mi mba ki gamlâ ma bei daka ma aduk d’uwar mamina mi an Ma didina, mi hum yam tchila mamba; ni gamlâ ma guzum ndak ir aneka hi bege d’a a ngat á hed’a yam zlub’u d’a kud’orid’a.

Sunda hi suma hi Levi-nid’a 5:18

Ar mi mba ki gamlâ ma bei daka ma aduk d’uwar mam ma guzum ndak ir aneka hi bege d’a a ngat á hed’a yam zlub’u d’a kud’orid’a mi ma ngat buzuna yam tchila mamba. Ma ngat buzu máma mi ngad’am kä á zlup yam tcho mam mba mi lat bei wat ad’ut ba d’a. Hina wani, an Alona mba ni vat hurun ndei yam tcho mamba.

Sunda hi suma hi Levi-nid’a 6:2

Ang he vuna mi Aron azi ki groma, ang dazi ala: Wana ni gat ta yam he d’a hawa d’a ngalid’a: A ar he d’a hawa d’a ngal ndata akulo yam yima ngal ahle suma ngat buzuna gak yorogo, a ar akud’a ti ngal akulo yam yima ngal ahle suma ngat buzuna.

Sunda hi suma hi Levi-nid’a 6:8

Ma ngat buzuna mi yo afuta abom tu ki mbulâ zlapa ki dubang ma his djivid’a ma a vom yam he d’a hawa ndatina, mi ngalat akulo yam yima ngal ahle suma ngat buzuna d’igi vama ge hum ma his ma afufuî ma avogon an Ma didinina na.

Sunda hi suma hi Levi-nid’a 7:16

Le sana mi he he d’a hawad’a yam vunam ma mi hluma, d’oze mi he ni he d’a hawa d’a kur min mambid’a ni, mi mut hliu máma ni kur bur ma mam hum kuana. Le mi ar akulo ni, mi mud’um avin yorogo.

Sunda hi suma hi Levi-nid’a 8:18

Mi mba ki gamlâ ma a hum vama ngat buzu ma ngalina. Aron azi ki groma a tin abozi kamu.

Sunda hi suma hi Levi-nid’a 8:21

Mi mbuzum aruwad’am mbei kasemu, mi ngalazi woi yam yima ngal ahle suma ngat buzuna ki gamlâna hliwim ma arâ pet d’igi Ma didina mi hum vuna na. Wana ni he d’a hawa d’a ngala, ni vama ngat buzu ma his ma afufuî ma avok Ma didinina.

Sunda hi suma hi Levi-nid’a 9:2

mi de mi Aron ala: Ang i veï amuhl ma gor ma bei dakina á hum vama ngat buzuna á zlup yam tchod’a ki gamlâ ma bei dakina á hum vama ngat buzu ma ngala, ang mbazï avok Ma didina.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Ndumba 15:3

agi mba handi vama ngat buzu ma ngala, d’oze vama ngat buzu ma zlap darigïd’a, d’oze vama ngat buzu ma ndak vun vun ma hled’a, d’oze he d’a hawa d’a kur min magid’id’a, d’oze ata yima vun le tilâ. Le ni d’uwar ma nglona d’oze ma gureina á his his ma afufuîna avoronu ni,

Ndumba 15:8

Le a han namuhlâ vama ngat buzu ma ngala d’oze vama ngat buzu ma zlap darigïd’a d’oze á ndak vun vun ma hled’a d’oze vama ngat buzu ma hawana ni,

Ndumba 19:2

Wana ni gat ta an Ma didina ni he vuna kata: Ang i de mi Israel-lâ ala a vangî amuhl hla hleu d’a bei daka d’a bei tchod’a ta gat nga dju’â kelet tuo tua d’a.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Ndumba 23:27

Balak mi de mi Baläm ala: Ang mbeï an ni i ki sed’eng ata yima dingâ. Dam Alona tam mba d’i lum djivid’a kla, ata yi máma ang mba gan sum ndazina vuna.

Ndumba 23:3

Baläm mi de mi Balak ala: Ang tchol gen he d’a hawa manga ngala go, an hut tei dei. Dam Ma didina mi mba ini á ngavan kla. Bugola, an mba ni dang zla d’a mam mba mi tagandjid’a. Mi i akulo yam ahinad’a yat ta ked’iwurenga.

Ndumba 23:30

Balak mi le d’igi Baläm mi dum na, mi hamuhlâ tu ki gamlâna tu yam yima ngal ahle suma ngat buzu ma lara ge gagang.

Ndumba 28:11

Ma didina mi de kua ala: Kur bur ma avo’â hi til ma lara ge petna agi hagi he d’a hawa d’a ngala mi an Ma didina amuzlei suma azungeîna mbà, gamlâna tu ki gro tumiyô suma bizazi tutu suma bei dakina kid’iziya mi.

Ndumba 28:19

Agi han he d’a hawa d’a ngala amuzlei suma azungeîna mbà, gamlâna tu ki gro tumiyô suma bizazi tutu suma bei dakina kid’iziya mi.

Ndumba 28:31

Ahle suma ngat buzu ndazina pet, agi hagizi ni zlapa ki he d’a hawa d’a ngal la didinda ki he d’a hawa d’a afuta mi, agi hagi nahle suma bei daka ba na zlapa ki süm guguzlu d’a a he vuna kat da d’a.

Ndumba 29:13

Kur bur ma avo’â agi hagi he d’a hawa d’a ngal la his sa afufuîd’a mi an Ma didina amuzlei suma azungeîna dogo yam hindi, gamlâna mbà ki gro tumiyô suma bizazi tutu suma bei dakina dogo yam fid’i mi.

Ndumba 29:2

Agi hagi he d’a hawa d’a ngal la his sa afufuîd’a mi an Ma didina amuhlâ tu, gamlâna tu, gro tumiyô suma bizazi tutu suma bei dakina kid’iziya mi,

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Jean 1:36

Mi we Jesus nga mi kala, mi dazi ala: Agi gologi Gor timina hAlonina.

Jean 10:7

Kayam ndata, Jesus mi dazi kua ala: Gagazi, an nga ni dagiya, an ni vun kangâna hi tumiyônina.

Jean 10:9

An ni vun kangâna. Le sama kal ata vun máma ni, mba mi fe suta, mba mi kal kuru, mba mi ndabua, mba mi fe yima te hatna.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

2 Korente-na 9:7

Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina.

Efes-sâ 2:18

Ni yam Christ ba, ei pet, Juif-fâ kandjaf suma dingâ djak, ei ndak á kalei avok Alona kad’enga hi Muzuk mam ma tunid’a.

Efes-sâ 5:27

Mi le hina kayam Toka ti tchol avorom bei tchod’a ba, bei ndala, bei trobudjoka, bei vama ding ma hina na atat ba, kayam ti ka’î yed’et bei ngula ba.

Gat ta a hat á mbàd’id’a 12:27

Agi mba hagi hliuna ki buzuna he d’a hawa d’a ngala yam yima ngal ahle suma ngat buzuna hi Ma didina Alo maginina. Ahle magi suma ngat buzu suma dingâ, buzuwazi mba mi djang kä woi yam yima ngal ahle suma ngat buzuna hi Ma didina Alo maginina. Agi mba mud’ugi hliuna.

Gat ta a hat á mbàd’id’a 15:21

Le mi daka nala dileîd’a d’oze duka d’oze ma b’lak tama ni, ar agi ngad’am buzuna mi Ma didina Alo magina d’i.

Gat ta a hat á mbàd’id’a 17:1

Ar agi hagi amuhlâ d’oze timi ma daka d’oze ma tam djivi d’uo na vama ngat buzuna mi Ma didina Alo magina d’i. Kayam ni vama ndjendjed’a avok Ma didina Alo magina.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?