Sunda hi suma hi Levi-nid’a 1:14 - Bible azumeina

¹⁴ Le he d’a hawa mam mba ngala le naluweina ni, ar mi he gugu bed’egera d’oze gugu d’a avod’a.

Sunda hi suma hi Levi-nid’a 1:14 Kruisverwysings

Ad’u Tinda 15:9

Ma didina mi hulong dum ala: Ang halan amuhl hla wei d’a bizat hindid’a, ahu b’ë d’a bizat hindid’a, gamlâ ma bizam hindina, gugud’a tu ki gugu bed’egera tu mi.

Sunda hi suma hi Levi-nid’a 12:8

Le d’i nga ki timi d’uo ni, ti yo gugu bed’egera mbà d’oze gugu d’a avo d’a gureid’a mbà, tu yam vama ngat buzu ma ngala, tu yam vama ngat buzu ma mi zlup yam tchod’ina. Ma ngat buzuna mi zlubut yam tcho mata; ndat mba d’i mbut yed’et.

Sunda hi suma hi Levi-nid’a 5:10

Mi ngal gugu d’a hid’a d’igi gata ti de na. Mi le ki sama mi he vana á zlup yam tcho d’a mi lata. Hina wani, an Alona mba ni vat hurun ndei yam tcho mam ndata.

Sunda hi suma hi Levi-nid’a 5:11

Le mi nga ki va á gus gugu bed’egera mbà d’oze gugu d’a avo d’a gureid’a mbà d’uo ni, mi hafut ta adiged’id’a kilona fid’i á zlup yam tcho mam mba mi lata, mi vo mbulâ kat tuo, mi vo dubang ma his djivid’ina kat tuo mi, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 5:7

Ma didina mi de kua ala: Le sana mi nga ki va á gus ahu d’uo ni, mi he gugu bed’egera d’oze gugu d’a avo d’a gureid’a mbà mi an Ma didina yam tcho d’a mam lata; tu á zlup yam tcho mamba, tu á ngala mi.

Matiye 11:29

Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Matiye 21:12

Jesus mi kal kur gong nga kud’ora hAlonid’a, mi dik suma a nga gus ahlena woina ki suma a nga gus abozina pet tei kur gong nga kud’ora hAlonid’a. Mi zut tabulâ hi suma mbut beged’ina kä, mi zut zlumiyôna hi suma a nga gus gugud’a woina kä mi.

Wana ni Zla d’a Djivi d’a Luc mi b’irita 2:24

Josef azi ki Marie a he vama ngat buzuna d’igi a b’ir kur gata hi Salad’id’a na, nala, gugu bed’egera mbà d’oze gugu d’a avo d’a gureid’a mbà.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.