Sunda hi suma hi Levi-nid’a 1:1 - Bible azumeina

¹ Ma didina mi yi Moise kur zlub’u d’a ngaf tad’a, mi dum ala:

Sunda hi suma hi Levi-nid’a 1:1 Kruisverwysings

2 Amuleina 16:13

Mi ngal vama ngat buzu ma ngal mama zlapa ki he d’a hawa mam mba afuta, mi vo süm guguzlu mamba kamu, mi yam buzuna hi va mam ma ngat buzu ma zlap darigïd’a kam mi.

2 Sunda Hamuleinid’a 29:32

Ablau ahle suma a hazi á ngalina ba wana: Amuzleina dok kid’iziya, gamlâna kis, gro tumiyôna kikis mbà mi. Wan pet nahle suma a hazi he d’a hawa d’a ngala mi Ma didinina.

Buzuk ka Abud’a 19:3

Moise mi djak á i gen Alona. Ma didina mi yumï akulo yam ahinad’a, mi dum ala: Wana ni vama ang i dum mi Israel-lîna, nala andjafâ hi Jakob-ma:

Buzuk ka Abud’a 24:12

Ma didina mi de mi Moise ala: Ang djagï akulo geven ka hî yam ahinad’a, ang kak kua. An mba ni hang ahina d’a bebed’e d’a tchet ta an b’ir gata ki vun ma hed’a kuad’a, kayam ang had’aziziya.

Buzuk ka Abud’a 25:22

Nata yi máma ba, an mba ni ngavang akulo yam zandu’â vunam ma duka aduk tcherebê suma mbà suma agi tinizi akulo yam zanduk manina. Ni kua ba, an mba ni hang vun man ma hed’a pet ma yam Israel-lîna.

Buzuk ka Abud’a 29:42

Ni vama ngat buzu ma ngal ma andjavagi ma bugolâ mba mi lum gak didina. Ar agi handji avun zlub’u d’a ngaf tad’a mi an Ma didina. Ni kua ba, an mba ni ngavagiya, an mba ni dagi zlad’a mi.

Buzuk ka Abud’a 3:4

Ma didina mi we d’ala Moise mi d’es á gola d’a, mi yumï aduk azlupa ala: Moise! Moise! Moise mi humum ala: An huma!

Buzuk ka Abud’a 33:7

Moise mi hô zlub’ud’a, mi i vattcha woi bugol kangâ dei, mi yat ala zlub’u d’a ngaf tad’a. Nge nge pî le mi min djop Alona ni, mi i ni kur zlub’u d’a ngaf ta d’a a vattcha woi bugol kangâ ndata.

Buzuk ka Abud’a 39:32

Ni hina ba, a dap sunda hi zlub’u d’a ngaf ta d’a a tinit irat vata. Israel-lâ a lahlena pet suma Ma didina mi he vuna kazi mi Moise-sâ.

Buzuk ka Abud’a 40:29

Mi tin yima ngal ahle suma ngat buzu suma ngala avun zlub’u d’a ngaf ta d’a a tinit irat vata, nga mi ngal ahle suma ngat buzu suma ngala ki he d’a hawa d’a afuta kua d’igi Ma didina mi hum vuna na.

Sunda hi suma hi Levi-nid’a 7:38

Wana ni gat ta Ma didina mi hat mi Moise yam ahina d’a Sinai-d’a kur bur ma mi he vuna mi Israel-lâ ala a hum he d’a hawa mazid’a kur ful ma Sinai-na d’a.

Sunda hi suma hi Levi-nid’a 9:16

Mi he he d’a hawa d’a ngala d’igi gata ti de na.

Ndumba 1:1

Kur bur ma avo’â hi til ma mbàna kur biza d’a mbà d’a bugol buzuk ka azi buzugï woi kur ambas sa Ezipte-d’id’a, Ma didina mi de zlad’a mi Moise abagei hur ful ma Sinai-na kur zlub’u d’a ngaf tad’a ala:

Ndumba 7:89

Ata yima Moise mi kal kur zlub’u d’a ngaf tad’a á de zlad’a ki Ma didinina, mi hum del la nga d’i dum zlad’a ei akulo yam yima we hohou suma ma nga tinda yam zandu’â hAlonina aduk tcherebêna mbà, ti dum zlad’a mi.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Gat ta a hat á mbàd’id’a 27:6

Agi minigi yima ngal ahle suma ngat buzuna mi Ma didina Alo magina ni kahina d’a bei tched’et ba d’a, agi hagi ahle suma ngat buzu suma ngala mi Ma didina Alo magina ni kamu.