Josue 9:18 - Bible azumeina

¹⁸ Israel-lâ a tchazi nga d’i, kayam gun nda suma avorozina a gunuzi tazi ki simiyê Ma didina Alona hi Israel-lîd’a. Wani ablau d’a peta nga d’i gureî yam suma nglo suma avorozina.

Josue 9:18 Kruisverwysings

2 Samuel 21:7

Amulâ David mi keng Mefibäl Jonatan gorom ma Saul gorom ngolonina woyo, kayam gun nda azi gun tazi avok Ma didina ki Jonatan ma Saul goromina.

Sawal la giled’a 15:4

Ni sama nga mi noî sama Alona mi golom isâ woina, wani mi suburî suma a nga le mandara Alonina. Vama mam gun tam kama, le mba ni vama tchona kam pî, nga mi tin vunam kam mbi.

Ma tchi wala 5:2

Kayam adï d’a ded’a ti mba nata djib’er ra ablaud’a; hina mi na, ang hum dela hi sama lilid’a ni kur zla d’a de d’a ablaud’a mi.

Ma tchi wala 5:6

Zla d’a de d’a ablaud’a, ti ni d’igi zla d’a hawa yak ka tcholï ata adï d’a de d’a ablaud’id’a na mi. Kayam ndata, ang le mandara Alona.

Ma tchi wala 9:2

Ahlena a mba yam suma nabo tazi tu. Vama mi mba yam sama d’ingêrîna, mi mba yam sama asa’atna ni na mi. Vama mi mba yam sama djivi ma yed’etnina, mi mba yam sama bei yed’etna ni na mi. Vama mi mba yam sama mi he vama ngat buzunina, mi mba yam sama nga mi he vama ngat buzuna d’uo na ni na mi. Vama mi mba yam sama djivinina, mi mba yam ma le tchod’ina ni na mi. Vama mi mba yam sama mi gun tama, mi mba yam sama mi le mandara gundina ni na mi.

Ndumba 30:3

Le sana mi hle vunam yam va mi Ma didina d’oze mi he tam yam vama mam gun tam kama ni, ar mi b’lak zla mamba d’i, ar mi lahlena pet suma a ndavunama.

Gat ta a hat á mbàd’id’a 23:22

Le agi hlagi nga vuna d’uo pî, nga tcho d’i.

Gat ta a hat á mbàd’id’a 23:23

Wani le agi hlagi vunagi yam va ni, agi tid’igi kamu, agi ndagam memet d’igi zla d’a ti ndavunagi kur min magid’a yam vama agi hlagi vunagi kam mi Ma didina Alo maginina na mi.

Gat ta a hat á mbàd’id’a 23:24

Moise mi de kua ala: Le agi kalagi aduk asine ma guguzlu ma nga ni magina d’uo na ni, agi ndak á tagi vud’a guguzlu d’a agi hurugi minita, wani lovota nga kagi á yogizi abogi kur bud’omei magina d’i.

Josue 9:17

Israel-lâ a iya. Kur bur ma hindina a mbaza kur azì mazi ma nglona, nala, Gabawon ki Kefira ki Bërot ki Kiriyat-Jarim.

Josue 9:19

Suma nglo suma avorozina a hulong dazi ala: Ni ami ba, gunuzi tami ki simiyê Ma didina Alona hi Israel-lîna. Ki tchetchemba, ei ndak á tini aboi atazi d’i.