Josue 8:8 - Bible azumeina

⁸ Le agi hlagi azì ma ngolâ da ni, agi dom akud’a d’igi Ma didina mi de na. Agi tid’igi yam vun ma he ma an hagizina.

Josue 8:8 Kruisverwysings

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

Gat ta a hat á mbàd’id’a 20:16

Wani suma kur azì ma nglo ma kur ambas sa Ma didina Alo magina mba mi hagizi agi hlata, agi aragi sa tu bei tchid’a d’i.

Josue 1:16

Azi hulong de mi Josue ala: Ami mba lami ahlena pet suma ang hami vuna kazina. Ata yima lara ma ang mba sunumi kuana, ami mba imi kua mi.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 6:24

A ngal azì ma ngol máma woi kahle suma kuruma pet; a arî bege d’a hapa ki lora kahle suma a lazi ki kawei ma hleunina d’oze ahle suma a lazi ki kawei ma wuranina hol, a tchuguzi kur yima ngom ahlena hi Ma didinina.

Josue 8:13

Kid’a ablau suma a ve kangâ abo ma norâ hazì ma ngolîd’a, suma a gol bugol kangîna a nga abo ma fladegena hazì ma ngolîna mi d’a, Josue mi i kandjege ndata kur hora.

Josue 8:2

Ang mba le kazì ma Aï-na kamul mama ni d’igi ang le kazì ma Jeriko-na kamul mama na mi. Wani ahle suma agi mba hurumuzina, agi yoziya, ki d’uwarâ mi. Wani ang ka suma dingâ hiu á bur kä woi huyok azì ma ngolâ.

Josue 8:22

Israel suma hiuna a buzugï woi avo kur azì ma ngolâ á dur suma Aï-na, a hebezi akulo aduk ped’et, a tchazi woi kakaf. Sa ring nga tu d’uo mi na, sa sut nga tu d’uo mi,

Josue 8:28

Josue mi ngal azì ma Aï-na woyo, mi mbud’umî azì ma b’laka ki iram fafat, mi mbut ni d’igi hur fulâ na gak ini.

Josue 8:7

Agi tumugi akulo ata yi magi ma burâ, agi hlagi azì ma ngolâ, kayam Ma didina Alo magina mba mi hagizi abogiya.

Josue 8:9

Josue mi sunuziya; a i a bur kä aduk Betel azi ki Aï abo ma fladegena hi Aï-na. Josue mi bur kä kur andjege ndata aduk suma.

Suma ka sariyad’a 4:6

Ti ge sunda ti yï Barak Abinowam goroma ei Kedes-Neftali, ti dum ala: Ma didina Alona hi Israel-lîna mi hang vuna ala: Ang i yo suma ad’u andjafâ hi Neftali-na kandjafâ hi Zabulon-na 10.000, ang i ki sed’ezi yam ahina d’a Tabor-ra.