Josue 8:22 - Bible azumeina

²² Israel suma hiuna a buzugï woi avo kur azì ma ngolâ á dur suma Aï-na, a hebezi akulo aduk ped’et, a tchazi woi kakaf. Sa ring nga tu d’uo mi na, sa sut nga tu d’uo mi,

Josue 8:22 Kruisverwysings

Wana ni mbaktumba hi Job-pa 20:5

suma asa’atna a hle sawal la bangâna ni gid’enga hina ngiyeû go, furîd’a hi sama nga mi kud’or Alona d’uo na ni gid’enga hina getib’engû d’a d’uo zu?

Gat ta a hat á mbàd’id’a 7:2

Fata Ma didina Alo magina mba mi hagizi abogi agi duruzi dabazi woid’a, agi djinigi vunagi ki sed’ezi á wazi hohowozi d’i.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Josue 10:28

Kur bur máma tamba, Josue mi hlazì ma Makeda-na, mi tchi amul mama ki suma kuruma woi pet, mi ar nga sa bei tchi tu d’i. Mi le kamul ma Makeda-na ni d’igi mi le kamul ma Jeriko-na na mi.

Josue 6:21

A tchi ahle suma hur azinina woi pepet, nala, andjofâ, aropma, kemba, momorogeina, amuzleina, aho’â ki korona mi.

Josue 8:21

Ata yima Josue ki suma ad’uma pet a we d’ala suma a bur kä na a hle wa azì ma ngolâ, azina nga mi ngal da’ mi d’a, a mbut irazi a nga dur suma Aï-na.

Josue 8:23

wani amul ma Aï-na, azi vumî ki arid’a, a mbamï mi Josue.

Josue 8:8

Le agi hlagi azì ma ngolâ da ni, agi dom akud’a d’igi Ma didina mi de na. Agi tid’igi yam vun ma he ma an hagizina.