Josue 8:2 - Bible azumeina

² Ang mba le kazì ma Aï-na kamul mama ni d’igi ang le kazì ma Jeriko-na kamul mama na mi. Wani ahle suma agi mba hurumuzina, agi yoziya, ki d’uwarâ mi. Wani ang ka suma dingâ hiu á bur kä woi huyok azì ma ngolâ.

Josue 8:2 Kruisverwysings

2 Sunda Hamuleinid’a 13:13

Ata yi máma Jerobowam mi sun azigar suma dingâ gumun á mbud’ï bugol suma Juda-na á nguyuziya, Israel suma dingâ a tchol avoroziya.

2 Sunda Hamuleinid’a 20:22

Ata yima azi tin ad’ud’a á hle sawala á gile Ma didinina, Ma didina mi sunï suma á bur suma Amon-na ki suma Mowap-ma ki suma a tcholï yam ahina d’a Seir-ra suma a mba ata suma Juda-na á durîna kä, a tchaziya.

Sawal la giled’a 39:6

Gola! Ang ngan burun ni gid’enga d’igi hur abona na, kak man nda yam andagad’id’a ni va avorong ngi. Gagazi, sama lara pî ma nga tchola ad’engina mi ni vama hawa ya’â. Tchol ndjö

Zla d’a d’ogolâ 13:22

Sama djivina mba mi ar djona mi grom ngolona, wani ndjondjoîd’a hi suma tchonid’a mba d’i arî mi suma d’ingêrâ.

Zla d’a d’ogolâ 28:20

Sama d’engzengâ, a mba b’e vuna kam ngola, wani sama mi b’at tam á mbut ma ndjondjoînina, a mba ar bei ngobom mbi.

Jeremi 17:11

Sama yo ahlena abo suma ki mbut irina, mi hle tamî d’igi alei ma mi bur yam ase ma mam gum nga ni mam mbuo na na. Ndjondjoî mamba mba d’i dap pei abom bei burum dap ba, dabid’a mba mi mbut ni d’igi sama lilid’a na.

Jeremi 51:12

Agi pagi drapo d’a taka akulo, agi durugi gulumun ma Babilon-na, agi hagi ad’enga mi ma ndjola, agi tinigi suma ndjola, agi tinigi suma a bur suma kä na. Kayam Ma didina mi nga hurum da’, nga mi ndak vun zla d’a mi dat yam suma a nga kaka Babilon-nid’a.

Gat ta a hat á mbàd’id’a 2:35

Wani ei hurumi ni d’uwarâ kahle suma kur azì ma nglo ma ei hluma hol.

Gat ta a hat á mbàd’id’a 20:14

Wani aropma ki gugureina ki d’uwarâ kahlena pet suma agi mba yozi hurumbina, a arî magina. Agi tagi ahlena hi magi suma djangû suma Ma didina Alo magina mba mi hagizi abogina.

Gat ta a hat á mbàd’id’a 3:2

Ma didina mi dan ala: Ang ringîm mandaram mbi, kayam an hangzi ki azigar mama kambas mamba pet abongû. Ang le ki sed’em d’igi ang le ki Sihon amul ma Amor ma nga kaka Hesbon-na na.

Josue 10:1

Adoni-Sedek amul ma Jerusalem-ma, mi hum ala Josue mi hle wa azì ma Aï-na, mi b’lagam wa woi kakazeî, mi lazì ma Aï-na ni d’igi mi le ki Jeriko kamul matna na. Mi hum kua ala suma Gabawon-na a ndjak wa vunazi ki Israel-lâ yam b’leng nga halasa, a kak wa adigazi mi d’a.

Josue 10:28

Kur bur máma tamba, Josue mi hlazì ma Makeda-na, mi tchi amul mama ki suma kuruma woi pet, mi ar nga sa bei tchi tu d’i. Mi le kamul ma Makeda-na ni d’igi mi le kamul ma Jeriko-na na mi.

Josue 11:14

Israel-lâ a yo ahle suma a hurumuzi kur azì ma nglo mamina pet ki d’uwarâ mi. Wani a dap suma tchid’a woi pet bei ar vama muzuk tu ba

Josue 6:21

A tchi ahle suma hur azinina woi pepet, nala, andjofâ, aropma, kemba, momorogeina, amuzleina, aho’â ki korona mi.

Josue 8:12

Josue mi yo suma go ki 5000, mi buruzi kä aduk Betel azi ki Aï abo ma fladegena hazì ma ngolîna.

Josue 8:14

Ata yima amul ma Aï-na mi we hina na, mam ki sum mama pet a tchol atogo zak ki yorogo tcholola, a buzuk kei á dur Israel-lâ. Amulâ ki sum mama pet a nga irazi abo ma a nga huruzi kam avok abo ma Araba-nina. Mi we nga d’ala suma a nga burâ kä huyok azì ma ngolâ á durumu d’a d’i.

Josue 8:19

Ata yima mi hlabom akulona, suma a nga burâ kä na a tum akulo atogo zak ata yima azi nga burâ kuana, a ring gak a mbaza avun azì ma ngolâ, a tchuk avo, a hlazina, a dom akud’a atogo zak mi.

Josue 8:24

Israel-lâ a tchi mazi suma djangû suma a digizina woi abagei hur fulâ. Kid’a a tchazi woi peta, a mba avo hur azì ma ngolâ, a dap suma a ar avona woi pet mi.

Josue 8:3

Josue mi tchol ki suma dur ayîna pet á i á dur Aï. Mi man azigar suma a we durîna 30.000, mi sunuzi kandjeged’a.

Josue 8:7

Agi tumugi akulo ata yi magi ma burâ, agi hlagi azì ma ngolâ, kayam Ma didina Alo magina mba mi hagizi abogiya.

Josue 8:8

Le agi hlagi azì ma ngolâ da ni, agi dom akud’a d’igi Ma didina mi de na. Agi tid’igi yam vun ma he ma an hagizina.

Josue 8:9

Josue mi sunuziya; a i a bur kä aduk Betel azi ki Aï abo ma fladegena hi Aï-na. Josue mi bur kä kur andjege ndata aduk suma.

Josue 9:3

Kid’a suma a nga kaka avo Gabawon-na a hum zla d’a Josue mi lat ki suma Jeriko-na ki suma Aï-nid’a,