Josue 5:6 - Bible azumeina

⁶ Kayam Israel-lâ a le biza d’a abagei hur fulâ dok fid’i ki tita, gak suma dur ayî suma a buzugï woi avo Ezipte suma a hum nga vun Ma didina d’uo na, a dap peyo. Kayam Ma didina mi gunuzi tam ala azi mba kal kur ambas sa ambira ki mbul ayuma a nga sor kä kua d’a mi hle vunam kat mabuyozi ngolo á heizid’a d’i.

Josue 5:6 Kruisverwysings

Sawal la giled’a 107:4

Israel suma dingâ a dau abagei hur fulâ, kur tit mazi d’a glovot hur ful ma gangrasîd’a. Azi fe nga azì ma kaka d’i.

Buzuk ka Abud’a 3:17

Alona mi dan kua ala: An mba ni buzugugï woi avo Ezipte ata yima agi nga fagi ndaka kuana á i ki sed’egi yam ambasa hi suma Kanan-na, hi suma Het-na, hi suma Amor-râ, hi suma Peris-sâ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kuad’a.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Ezekiyel 20:15

Ni an ba ni hlabon akulo hur fulâ, ni gunuzi tan ala an mba ni izi yam ambas sa an hazizi d’a ambira ki mbul ayuma a nga sor kä kua d’a djif fa kal ambas sa ding nga peta d’i.

Ezekiyel 20:6

Kur bur máma an hlabon akulo ni gunuzi tan á buzuguzï woi yam ambas sa Ezipte-d’a, á i ki sed’ezi yam ambas sa an manat kazid’a. Nambas sa ambira ki mbul ayuma a nga sor kä kuad’a, nambas sa djif fa kal ambasa peta.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Ndumba 14:23

sum ndazina pet a mba wambas sa an gun tan kat mabuyozi ngolo á hazizid’a d’i. Azi pet suma a golon isâ a mba wat ti.

Ndumba 26:63

Wana ni Israel suma Moise azi ki Elazar ma ngat buzuna a ndumuzi hur ful la Mowap pa go kalum ma Jurdê-na d’a ngagad’a yam Jeriko d’ara.

Gat ta a hat á mbàd’id’a 1:3

Kur biza d’a dok fid’id’a, kur bur ma avo’â hi til ma dogo yam tunina, Moise mi dahlena pet mi Israel-lâ d’igi Ma didina mi hum vuna á dazizi na.

Gat ta a hat á mbàd’id’a 2:14

Kid’a ei tcholei Kades-Barneya-d’a, ei lei bizad’a ni dok hindi yam klavandi gak ei djagei toliyon nda Zeret-ta. Suma dur ayî suma kur atchogoi ndatina a dap bod’a woi kur kangâ d’igi Ma didina mi gunuzi tam na.

Gat ta a hat á mbàd’id’a 2:7

Kayam Ma didina Alo magina mi b’e vunam kagi yam sun nda pet ta agi nga lata, mi we tit magi d’a abagei hur ful ma ngol ma wanid’a mi. Gola! Bizad’a wan dok fid’i Alo magina mi nga ki sed’egiya. Va tu pî kid’agagi nga d’uo mi.

Gat ta a hat á mbàd’id’a 8:4

Kur biza d’a dok fid’i ndata baru magina mi tumus nga atagi d’i, asegi mi hop nga d’uo mi.

Hebre-na 3:11

An hurun zal ngola, an gun tan ala: Azi mba kal ata yima azi tuk tazi kua ki sed’ena d’i.

Josue 1:6

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Josue 24:7

Abuyogi ngolo a tchi kan an Ma didina. Ata yi máma an Ma didina ni mbut yina nduvunda adigagi ki Ezipte-na. An kuzî aluma yam Ezipte-na kä, mi hlubuzi kä woyo; agi wagi ahle suma an lazi ki Ezipte-na ki iragiya, agi kagagi abagei hur fulâ burâ ablaud’a mi.

Josue 5:5

Suma pet suma a buzugï woi avo Ezipte-na ni suma a ngat bayâd’ina. Wani suma pet suma a vut abagei hur fulâ kur glovota bugol la azi buzugï woi avo Ezipte-d’ina a ngat nga sa bayâ tu d’i.

Josue 5:7

Ni grozina ba, Ma didina mi vragazi blangâziya. Josue mi ngad’azi bayâd’a, kayam azi ngad’azi nga bayâd’a ata yima azi nga kur tita kur lovotina d’i.