Josue 5:14 - Bible azumeina

¹⁴ Mi hulong dum ala: Hawa! An ni ma ngol ma dur ayîna hi Ma didinina, an mba wa da’. Josue mi grif kä andaga avoromu, mi dum ala: Salana, ang min dan an azong mangâ nana ge?

Josue 5:14 Kruisverwysings

Ad’u Tinda 17:17

Abraham mi ge tam kä ki iram andaga avok Alona, mi djib’er kurum krovo, mi nde sanda ala: Sama bizam kisâ, mi ndak á vut gorâ zu? D’oze Sara bizat dok zlengâ wana, ti ndak á vut tei zu?

Ad’u Tinda 17:3

Abram mi ge tam kä ki iram andaga avoromu. Alona mi hulong dum ala:

2 Samuel 7:19

Salad’a Ma didina, ni zla d’a akid’eid’a irang tala ang nga de zlad’a yam andjafâ hi an azong mangâ vama sä avo’â, an mala ni sana na zu?

2 Samuel 7:20

Ma didina, an dok ni dangî zla me d’ei ge? Salad’a, Ma didina, ang wan an azong mangâ.

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 24:10

Amul ma ngol ma subur máma ni nge ge? Ni Ma didin ma ad’engêm kal petna; ni mam ba, namul ma ngol ma subura. Tchol ndjö

Buzuk ka Abud’a 4:10

Moise mi de mi Ma didina ala: Salad’a, an ndak ki! An ni sama nga ni de zlad’a atogo tchatchap puo na. Ad’u tinda ni kama d’oze ni kama hid’a d’oze nadjï dei d’a ang nga dan an azong mangâ zlad’id’a d’uo mi. Kayam vunan ki sinan a aneka á de zlad’a nadjeu dei.

Buzuk ka Abud’a 4:13

Moise mi dum kua ala: Salad’a, an ndak ki! Ang sun sama dingâ!

Isai 55:4

Gola! An tinimî ma glangâsâ yam suma, ma tak lovota mi suma, ma te yam suma mi.

Isai 6:8

An hum del Ma didina mi dala: Ni nge ba, an sunum ge? Ni nge ba, mba mi i ki zla mamid’a woi abu ge? An hulong dum ala: An wana! Ang sununu!

Ezekiyel 3:23

An tchola, an i kur hora. Gol wani, subura hi Ma didinid’a nga tchola d’igi sana na hle tat d’igi subur ra an wat avun alum ma Kebar-rid’a na. Ata yi máma an ge tan kä avoromu.

Daniel 10:13

Wani amul ma kur leu d’a Perse-d’ina mi tchol ad’enga ki sed’en gak burâ dok mbà yam tu. Wani Michel ma ngol ma aduk malaika suma nglonina, mi mba mi ndjununu, kayam amul ma kur leu d’a Perse-d’ina mi d’elen nga kaka gevem kä.

Daniel 10:21

Wani an nga dang vama a b’irim kä kur mbaktum mba gagazid’ina. Sama mi ndjunun á dur ki suma djangû ndazinina nga d’i, ni ma ngol magina Michel hol.

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Daniel 8:11

Mi i gak mi nde ma ngolâ hi azigar suma akulona ayîna, mi d’el ahle mam suma ngat buzu suma burâ ki burîna, mi mbut gong mam mba kud’ora ndjendjed’a mi.

Sunda hi suma hi Levi-nid’a 9:24

Akud’a ti tcholï avok Ma didina, ti ngal vama ngat buzu ma ngala ki mbulâ akulo yam yima ngal ahle suma ngat buzuna woyo. Suma pet a wad’u, a er ad’uzi akulo, a le furîd’a, a grif kä, a kulup irazi kä andaga.

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Ndumba 16:45

Agi walagi tagi sä woi dei kablau ndata, an nga ni ngalazi woi ka tchetchem. Moise azi ki Aron a grif kä andaga.

Ndumba 22:31

Ma didina mi mal ir Baläm. Baläm mi we malaikana hi Ma didinina mi nga tchola kur lovota ki mbigeu d’a fiyaka nga pata woi abomu. Baläm mi tchok yam kä mi grif kä andaga ki iramu.

Matiye 22:44

Ma didina Alona mi de mi Salana ala: Ang kak ata bigan nda ndjufa, gak an mba ni tin mang suma djangûna ad’u asengû.

Matiye 8:2

Ma libina mi mba gevemu, mi grif kä avoromu, mi dum ala: Salana, le ang mina ni, ang ndak á yagan ndeyo.

Wana ni Zla d’a Djivi d’a Luc mi b’irita 1:43

An ni nge ko ba, Salana asum ti mba avo hatan nge?

Wana ni Zla d’a Djivi d’a Luc mi b’irita 20:42

Kayam David tamba mi de kur mbaktum mba Sawal la Giled’a ala: Ma didina Alona mi de mi Salana ala: Ang kak ata bigan nda ndjufa,

Wana ni Zla d’a Djivi d’a Luc mi b’irita 5:12

Kid’a Jesus mi nga kur azì ma ngol ma dingâ tud’a, sama libina mi zagam hûna mi mba. Kid’a mi we Jesus-d’a, mi ge tam kä avoromu, mi tchenem ki labiyad’a, mi dum ala: Salana, le ang mina ni, ang ndak á yagan ndeyo.

Jean 20:28

Toma mi hulong dum ala: Angî Salana, Alo mana.

Sunda hi suma a sunuzinid’a 9:6

Wani ang tchol akulo, ang i kur azì ma ngolâ. A mba dang vama ang mba luma.

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

Hebre-na 2:10

Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.

Josue 20:1

Ma didina mi de mi Josue ala:

Vama ndum mbeina 12:7

Ata yi máma, ayîna mi tchol akulo hur alona. Michel ki malaika mama a nga dur ayîna ki dragona, dragona ki malaika mama a nga dur ayîna ki Michel mi.