Josue 5:13 - Bible azumeina

¹³ Kid’a Josue mi mba go ki Jeriko-d’a, mi hle iram akulo, mi gol yina. Gol wani, sana mi nga tchola avorom ki mbigeu mam mba fiyaka pata woi abomu. Josue mi hut gevemu, mi djobom ala: Angî sa mamina d’oze angî sana hi mami suma djangûnina zu?

Josue 5:13 Kruisverwysings

Ad’u Tinda 18:1

Ma didina mi nde tam mbei ir Abraham go kagu ma nglona hi Mamre-na. Abraham mi nga kaka kä avun zlub’u mamba abo afata faleid’a.

Ad’u Tinda 18:2

Ata yi máma na wat, mi we suma hindi a nga tchola go ki sed’emu, mi tcholï ringâ avun zlub’u mamba atogo zak, mi ngavaziya, mi grif kä andaga avoroziya,

Ad’u Tinda 28:16

Jakob mi zlit akulo kur sena, mi dala: Gagazi, Ma didina mi nga ka hî, an we nga d’i.

Ad’u Tinda 33:1

Jakob mi hle iram akulo, mi we Esau mi mba ki suma ad’um kikis fid’i, mi ka kemba woi avok Lea ki Rachel ki yugunei suma mbàna mi.

Ad’u Tinda 33:5

Esau mi hle iram akulo, mi waropma ki kemba, mi de mi Jakob ala: Suma ki ang wana ni suma hi nge na ge? Jakob mi hulong dum ala: Ni gro suma Alona mi hazi mi an azong mangîna.

1 Sunda Hamuleinid’a 12:22

Burâ ki burâ a nga mba gen David á ndjunumu, gak azigar mama a mbut ablaud’a d’igi azigarâ hAlonina na.

1 Sunda Hamuleinid’a 21:27

Ata yi máma Ma didina mi de mi malaikana ala: Ang hulong mbigeu manga kur aziyad’u.

1 Sunda Hamuleinid’a 21:30

David mi ndak á i á tchen Alona kua d’i, kayam nga mi le mandarâ abo mbigeu d’a fiyaka hi malaikana hi Ma didininid’a.

Buzuk ka Abud’a 23:23

Malaika mana mba mi tit avorogiya, mba mi igi kur ambasa hi suma Amor-râ, hi suma Het-na, hi suma Peris-sâ, hi suma Kanan-na, hi suma Hef-fâ ki d’a hi suma Jebus-sîd’a; an mba ni dap sum ndazina woi avorogiya.

Daniel 10:5

An hle iran akulo, an gol yina, an gol wani, sana mi tchuk baru d’a luluîd’a atamu, mi djin d’ik ma lor ra bei zozota ba d’a furum mi.

Daniel 8:3

An hle iran akulo, an we gamlâna nga tchola avun aluma. Adivim mbà, adif máma mi fuyogeid’a heî, wani ma deî bugolâ mi kal ndrama ki fiyaka.

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Ndumba 22:23

Korod’a ti we malaikana hi Ma didinina mi nga tchola hur lovota ki mbigeu mam mba fiyaka nga pata woi abomu. Korod’a ti d’es sei kur lovota, nga d’i i aduk asuna. Wani Baläm mi wad’at á gat kur lovota.

Ndumba 22:31

Ma didina mi mal ir Baläm. Baläm mi we malaikana hi Ma didinina mi nga tchola kur lovota ki mbigeu d’a fiyaka nga pata woi abomu. Baläm mi tchok yam kä mi grif kä andaga ki iramu.

Sunda hi suma a sunuzinid’a 1:10

Ata yima irazi nga sod’a gola akulo kid’a Jesus nga mi id’ina, gola, suma mbà ki baru ma hap ma titilâ a nga tchola geveziya,

Josue 6:2

Ma didina mi de mi Josue ala: Gola! An hang wa azì ma ngol ma Jeriko-na kamul mama ki mam suma a we durîna abongû.

Vama ndum mbeina 1:13

Vana nga tchola aduk agu máma, mi hle tamî d’igi sana na. Mi tchuk baru d’a fiyaka atam gak ti tchuk kä asemu, mi djin d’ik ma lora kurumu.

Suma ka sariyad’a 13:11

Manowa mi tchol mi i ad’u amamba, mi i gen sa máma, mi dum ala: Angî sama de zlad’a fata katcha d’a wandina zu? Mi hulong dum ala: Ni anu!

Suma ka sariyad’a 13:22

Manowa mi de mamamba ala: Gagazi, ei mba boi ni woyo, kayam ei wei Alona!