Josue 5:1 - Bible azumeina

¹ Amulei suma Amor-râ pet suma sä kaka abo alum ma Jurdê-na woi abo ma fladegenina kamulei suma Kanan-na pet suma a nga kaka avun alum ma ngol ma Mediterane-na, a hum ala Ma didina mi so alum ma Jurdê-na woi avok Israel-lâ gak a djak keyo d’a. Huruzi ka mbina avok Israel-lâ, ad’engêzi d’a tchol avorozid’a nga d’uo d’a.

Josue 5:1 Kruisverwysings

Ad’u Tinda 12:6

Abram azi kal gak a i yam andaga d’a Sikem-mba gak ad’u agu ma More ma a nga ngal ahle suma ngat buzuna ad’uma. Ata yi máma suma Kanan-na a nga kaka yam ambas ndata.

Ad’u Tinda 48:22

Josef, an hang Sikem ni b’rau d’a kala hi b’oziyongâ peta, ni d’a an hlat abo suma Amor-râ kad’enga hi mbigeu man nda fiyaka ki yeûd’a mi d’a.

2 Samuel 21:2

Amulâ David mi yï suma Gabawon-na á dazi zlad’a. Suma Gabawon-na a nga nandjafâ hi Israel-lîna d’i; ni suma Amor suma a ar kaka adigazina. Wani Israel-lâ a djin vunazi ki sed’ezi adjeu ala a lazi va d’i. Wani Saul mi min á tchazi woi yam zlezleû d’a kurum mba yam Israel-lâ ki Juda-nid’a.

1 Amuleina 10:5

ki te ma azi nga yomï yam tabulîna ki kaka hi mam suma sundinid’a ki baruna hi suma a nga hum ahle suma tena kahle suma tched’ina kahle suma ngat buzu suma azi nga hazi mi Ma didina kur gong mam mba kud’orina mi.

Esdras 9:1

Bugol ahle ndazina, suma nglona a mba geven a dan ala: Israel-lâ, suma ngat buzuna ki suma hi Levi-na a wal nga kandjaf suma ding suma kur ambas sa wanda ki ndjendje mazi d’a a nga lata d’i, nala, ndjendjed’a hi suma Kanan-nid’a, hi suma Het-nid’a, hi suma Peris-sîd’a, hi suma Jebus-sîd’a, hi suma Amon-nid’a, hi suma Mowap-mid’a, hi suma Ezipte-nid’a ki d’a hi suma Amor-rîd’a mi.

Sawal la giled’a 135:11

nala, Sihon, amul ma Amor-râ, Ok, amul ma Basan-na, kamulei suma Kanan-na pet mi.

Buzuk ka Abud’a 23:28

An mba ni sun azlanguru ma ahlogahlo’â avorogiya; mba mi dik suma Hef-fâ, suma Kanan-na ki suma Het-na woi avorogiya.

Isai 41:5

Suma a nga kaka yam tilina, a nga le mandarâ; suma sä kaka avun dabid’a handagad’ina a nga zlaga, a nga hud’ïya, a nga djïya.

Ezekiyel 16:3

Ang dat ala: An Salad’a Ma didina ni dala: Ndak Jerusalem, ad’u tin maka ki vut maka, nda’î ambas sa Kanan-nda. Abu’î ma Amor-râ, asu’î d’a Het-ta mi.

Ezekiyel 21:7

Ang gor sana, ang mbut irang yam Jerusalem, ang tchi wala mi yima a tinim iram vama, ang djok vuna mandagad’a hi Israel-lîd’a.

Daniel 5:6

mi le mandarâ ngola, vunadigam mbi pat fek, guguvam nga mi zlak kikibi mi.

Amos 2:9

Hina pet pî, an tchi suma Amor suma fuyogeid’a d’igi agu sedrena na suma ad’engêzi d’igi agu sena na na woi avoroziya, an tchazi vud’uzi woyo, an sozi sideyezi woi mi.

Ndumba 13:29

Suma Amale’â a kak nga abo ma sutna, suma Het-na ki suma Jebus-sâ ki suma Amor-râ a nga kaka yam ahuniyôna, suma Kanan-na a nga kaka go kalum ma ngolâ avun alum ma Jurdê-na mi.

Josue 17:12

Wani andjafâ hi Manase-na a ndak nga á dik suma kur azì ma ngol mámina woi d’i, kayam suma Kanan-na a min kak yam ambas ndata.

Josue 17:18

Wani agi mba hlagi ahinad’a. Le agud’a kat heî pî, agi mba kat teyo, agi mba fagi yina. Suma Kanan-na ki pus mazi ma dur ayîna kad’eng mazid’a pet pî, agi mba digizi woyo.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

Josue 3:16

ata yi máma mbiyo ma nga mi djangî akulo yam ahinad’ina, mi tchola, mi tchol lei gongzong d’igi dadamana na, adigazi woi dei kazina hi Adam-ma, nazì ma ngol ma go ki Sartan-na. Mbiyo ma nga ni djang iram abona hapo d’a Matnid’a, mi wal lei aduk mbà. Israel-lâ a djak ngagad’a yam Jeriko d’ar.

Josue 3:17

Suma ngat buzu suma a nga zi zandu’â hi Ma didinina a nga tchola hur alum ma Jurdê-na asezi sod’a tching tching. Israel-lâ pet a nga djak aluma kasezi sod’a, gak a dap djaka woi pet mi.

Vama ndum mbeina 18:10

A mba tchol sä woi hina dei abo mandarâ hi ndak ka mba kata, a mba dala: Ni zla d’a hohoud’a, ni zla d’a hohoud’a kang ang azì ma ngol ma Babilon ma kal teglesâ. Ni ang ba, kang sariyad’a kang kur ler ra tud’a wana!

Suma ka sariyad’a 1:1

Bugol matna hi Josue-na, Israel-lâ a djop Ma didina ala: Nandjaf ma lara adigami ba, mi i avok kikidji á dur suma Kanan-na ge?

Suma ka sariyad’a 11:23

Ki tchetchemba, Ma didina Alona hi Israel-lîna mi dik wa suma Amor-râ woi avok mam suma Israel-lâ. Ang min digizi woi zu?

Suma ka sariyad’a 3:3

Suma a arazi kaka kur ambasina namulei suma Filistê suma vahlâ, suma Kanan-na, suma Sidon-na ki suma Hef suma a nga kaka yam ahina d’a Liban-ndina pet, tinï ad’ud’a yam ahina d’a Bäl-Hermon-nda dei gak mba avun agre’â hi Hamat-na.

Suma ka sariyad’a 4:2

Ma didina mi hazi woi abo Jabin amul ma Kanan ma nga mi tamula avo Hasor-râ. Azigar mam ma ngolâ ni Sisera, yam ma kaka ni Haroset-Goyim.

1 Samuel 25:37

Wani tcha yorogod’a Nabal iram d’igila. Amamba ti dum ahle suma a lena; vunadigam mbi pat fek, mi mbut ni d’igi aguna na.