Josue 4:7 - Bible azumeina

⁷ Ata yi máma agi hulong dazi ala: Nahuniyô suma ami yozi kur bur ma alum ma Jurdê-na mi wal lei aduk mbà ata yima zandu’â hi Ma didina nga mi djagam mbeina. Ahuniyô ndazina a arî vama ge humba mi Israel-lâ gak didin.

Josue 4:7 Kruisverwysings

Sawal la giled’a 111:4

Mi nga mi ge hum suma yam sun mam mba ndandala. Ma didina ni ma we hohowa sumina, ni ma sumad’a mi.

Buzuk ka Abud’a 12:14

Bur máma mba mi mbut ni bur ma ge humba. Agi mba lagi vun tilâ kur bur máma á suburun an Ma didina. Vun til máma mba mi mbut ni gat magid’a kur atchogoi d’a lara ge pet.

Buzuk ka Abud’a 28:12

Agi b’alagi ahina d’a mbà ndata yam baru d’a efo d’a hihingâ Aron-nda d’igi vama ge humba na yam Israel groma, ata yima Aron nga mi zizi simiyêzi akulo hihingâm avoron an Ma didinina.

Buzuk ka Abud’a 30:16

Le ang ve wa bege ndata aboziya ni, ang le ki sunda hi zlub’u d’a ngaf tad’id’a. Mba d’i arî vama ge humba yam Israel-lâ avoron an Ma didina á wurak kaziya.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Ndumba 17:5

Sama an manama, totogo mamba mba d’i d’uva. Hina wani, an mba ni d’el gureî d’a Israel-lâ a nga guruyôt kagid’a avogonu.

1 Korente-na 11:24

Kid’a mi le mersi mAlona kamba, mi mbrugum kä, mi dala: Ma wana ni hliwin ma an hum mbei kagina. Ar agi lagi hina á djib’eregi kanu.

Gat ta a hat á mbàd’id’a 16:3

Ata yima agi lagi vun tilîna, agi tagi avungô ma a lum kangufina d’i, wani agi tagi navungô ma a lum bei angufina gak burâ kid’iziya. Navungô ma djib’era, kayam agi buzugugï woi kur ambas sa Ezipte-d’a ni ki b’at tad’a. Agi mba djib’eregi yam bur ma agi buzugugï woi yam ambas sa Ezipte-d’ina burâ ki burâ ata yima agi nga ki iragi yam andagad’ina.

Josue 4:6

kayambala ahuniyô ndazina a ka’î vama simata adigagi ata yima grogina a mba djobogi ndjivin ala: Ahuniyô ndazina ad’uzi nana ge na.