Josue 4:19 - Bible azumeina

¹⁹ Israel-lâ a djak alum ma Jurdê-na ni kur bur ma dogona hi til ma avo’â, a ve kangâ avo Gilgal abo ma yorogona hi Jeriko-na.

Josue 4:19 Kruisverwysings

2 Amuleina 2:1

Ata yima Ma didina mi min á hle Elie akulo ki mbirlimbina, wana nahle suma a lena: Elie azi ki Elise a tcholï Gilgal ad’u tazi djak.

Amos 4:4

Agi igi Betel, lagi tchod’a! Agi igi Gilgal, lagi tcho d’a kala! Agi hagi ahle magi suma ngat buzuna ki yorogo d’a lara ge pet! Burâ hindi agi mbagi ki dim magina, agi mbagi ki dim magina!

Amos 5:5

Agi halandi Betel li, agi igi Gilgal luo mi. Agi igi Berseba d’uo mi, kayam a mba yo suma Gilgal-lâ magomba ki zla tazi pet, Betel mba d’i mbut ni vama hawana mi.

Mise 6:5

Agi sum mana, agi djib’eregi yam zla d’a Balak amul ma Mowap-ma mi ngat kurumba, Baläm Beyor goroma mi hulongôm humba na na ge? Tinï ad’ud’a Sitim dei gak mba Gilgal agi wagi sun nda djivi d’a an Ma didina ni lat ki sed’egid’a.

Gat ta a hat á mbàd’id’a 1:3

Kur biza d’a dok fid’id’a, kur bur ma avo’â hi til ma dogo yam tunina, Moise mi dahlena pet mi Israel-lâ d’igi Ma didina mi hum vuna á dazizi na.

Gat ta a hat á mbàd’id’a 11:30

Ahuniyô ndazina a sä nabo alum ma Jurdê-na woi hî, bugol lovot ta abo ma fladegena yam ambasa hi suma Kanan suma a nga kaka Araba-na ngagad’a yam Gilgal d’ar go kagu sen ma More-na.

Josue 10:43

Bugol tua ba, Josue ki Israel-lâ a hulong avo Gilgal.

Josue 10:6

Suma Gabawon-na a ge sunda ata Josue kur kangâ avo Gilgal, a dum ala: Ang arami ami azungeî mangâ woi d’i, ang mbeï atogo zak, ang prud’umi woyo! Ang ndjunumiya, kayam amulei suma Amor suma a nga kaka yam ahinad’ina pet a tok wa tazi á durumiya!

Josue 15:7

Haga mata ti i djak gak Debir, ti kal kä kur hor ra Akor-ra, ti kal i abo ma norâ go ki Gilgal ngagad’a yam yima djak akulo Adumim-ma abo ma sutna hi horina. Ti hleï go ki mbiyo ma En-Semes-sâ, ti dabï avun En-Rogel.

Josue 24:11

Agi djagagi alum ma Jurdê-na, agi mbagi Jeriko. Suma Jeriko-na a tchol durâ ki sed’egiya, nala, suma Amor-râ, suma Peris-sâ, suma Kanan-na, suma Het-na, suma Girgas-sâ, suma Hef-fâ ki suma Jebus-sâ. An hagizi abogiya.

Josue 4:18

Suma ngat buzu suma a nga zi zandu’â hi Ma didinina a buzuk kei kur alum ma Jurdê-na. Ata yima a tin asezi yam andaga d’a sod’ina, alum ma Jurdê-na mi hulong djangâ kä blangâma d’igi avok dei na, mi kus sei avun gongôd’id’a pupuli.

Josue 5:10

Israel-lâ a ve kangâ Gilgal, a le vun til ma Pa’â kur bur ma dogo yam fid’ina hi til mámina ki fladeged’a hur ful la Jeriko-d’a.

Josue 5:9

Ma didina mi de mi Josue ala: Ini an pad’agi wa zulo ma ei Ezipte-na woi kagiya. Ni kayam ndata ba, a nga yi yi máma gak ini ala Gilgal.

Josue 9:6

A i a fe Josue azi ki Israel-lâ pet kur kangâ avo Gilgal, a dazi ala: Ami tcholomi ni yam ambas sa deid’a. Ki tchetchemba, ar ei djini vuneya.

1 Samuel 10:8

Ang iza avoron Gilgal. An mba ni iza bugol á he vama ngat buzu ma ngala ki vama ngat buzu ma zlap darigïd’a; ang djubun sä kua burâ kid’iziya gak an mba ni mbaza, an mba ni dang vama ndak ang luma.

1 Samuel 15:33

Samuel mi dum ala: D’igi mbugiyo mang suma fuyogeina a ar aropma bei grona na, asung mba d’i ar bei gorâ na mi. Samuel mi ngat Agak kä woi avok Ma didina avo Gilgal.