Josue 4:10 - Bible azumeina

¹⁰ Suma ngat buzu suma a nga zi zandu’îna, a nga tchola hur alum ma Jurdê-na baba gak a lahlena pet suma Ma didina mi he vuna kazi mi Josue á dazi mi sumina d’igi Moise mi de mi Josue na mi. Israel-lâ a nde b’at tazi á djak aluma.

Josue 4:10 Kruisverwysings

Sawal la giled’a 119:60

An nga ni le lilinga d’i, an nga ni b’at tan á ngom vun mang ma hed’a.

Buzuk ka Abud’a 12:39

Azi ge woî ma bei angufina kafut ta tib’ek ka azi yod’ï avo Ezipte bei faka ba ndata, kayam Ezipte-na a digizi woi natogo zak bei azi yo ahle suma tena abozi ba.

Zla d’a d’ogolâ 27:1

Ar ang subur tang yam vama lavina d’i, kayam ang we nga vama nga mi mba kur bur ma tunina d’i.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

2 Korente-na 6:2

Kayam Alona mi de kur mbaktum mamba ala: Ata yima suma manda nde woina, an humungû; kur bur ma suta an ndjunung mi. Gola! Ki tchetchemba, ni yima ir Alona djivid’ina; ini ni bur ma sana ndak á fe sutina.

Gat ta a hat á mbàd’id’a 31:9

Moise mi b’ir gat ndata, mi hat mi suma ngat buzuna andjafâ hi Levi suma a nga zi zanduk ma vun ma djinda hi Ma didinina mi nga kuana ki suma nglona hi Israel-lîna pet.

Josue 24:11

Agi djagagi alum ma Jurdê-na, agi mbagi Jeriko. Suma Jeriko-na a tchol durâ ki sed’egiya, nala, suma Amor-râ, suma Peris-sâ, suma Kanan-na, suma Het-na, suma Girgas-sâ, suma Hef-fâ ki suma Jebus-sâ. An hagizi abogiya.

Josue 3:13

Ata yima suma ngat buzu suma a nga zi zandu’â hi Ma didin ma Sala andagad’ina a mba tin asezi kä kur alum ma Jurdê-nina, mbiyo alum ma Jurdê-na mba mi wal lei aduk mbà; mbiyo ma tcholï akulo yam ahinad’ina mba mi tchol lei gongzong d’igi dadamana na.

Josue 4:11

Kid’a suma pet a djak aluma woi dad’a, suma ngat buzuna a kal ki zandu’â hi Ma didinina avok suma.

Josue 4:9

Josue mi tin ahuniyô suma dingâ akulo kad’uzi kur alum ma Jurdê-na, ata yima suma ngat buzu suma a nga zi zandu’â hi Ma didinina a tchol kuana. Ahuniyô ndazina a ar nga ata yi máma gak ini mi.