Josue 3:5 - Bible azumeina

⁵ Josue mi de mi suma ala: Agi mbud’ugi tagi yed’et. Kayam ndjivin Ma didina mba mi le sun nda atchapma adigagiya.

Josue 3:5 Kruisverwysings

Wana ni mbaktumba hi Job-pa 1:5

Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.

Sawal la giled’a 77:15

Angî Alo ma lahle suma atchapmina, ang tak sib’ik manga woi aduk andjaf suma dingâ mi.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.

Joel 2:16

Agi togogi suma á togogi tok ka a tinit irat vata, agi togogi suma nglona ki kemba ki gugurei suma tchapona mi. Ar sama tel atchad’a awilina kamam mba mi teleta a buzuk kei kur gong mazi d’a burâ.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Sunda hi suma hi Levi-nid’a 20:7

Ar agi kagagi ni suma yed’etna, kayam an ni Ma didina Alo magina.

Ndumba 11:8

Israel-lâ a b’rau woi teteng á yomu, a lud’um mboze a dum mi, a yum kur deina, a lum fangasuna mi. Adjib’et mamba ni d’igi woî ma a lum ki mbulîna na.

Jean 17:19

An hang tan kaziya, kayam azi tazi mbut mang suma gagazina.

Josue 3:13

Ata yima suma ngat buzu suma a nga zi zandu’â hi Ma didin ma Sala andagad’ina a mba tin asezi kä kur alum ma Jurdê-nina, mbiyo alum ma Jurdê-na mba mi wal lei aduk mbà; mbiyo ma tcholï akulo yam ahinad’ina mba mi tchol lei gongzong d’igi dadamana na.

Josue 3:15

Yima suma a fet awuna kuana ni yima alum ma Jurdê-na nga mi kus seina. Kid’a suma ngat buzu suma a nga zi zandu’â a mba avun alum ma Jurdê-na a nik asezi aduk mbinid’a,

Josue 3:4

Wani agi aragi adigagi d’a ki zandu’îd’a d’igi kilometred’a tu na, agi hud’ugi go ki sed’em mbi. Hina wani, agi mba wagi lovot ta agi mba hlata. Kayam agi hlagi nga lovot ndata yagi tu d’i.

Josue 3:6

Josue mi de mi suma ngat buzuna ala: Agi hlagi zanduk ma vun ma djinda hi Ma didinina mi nga kuana, agi kalagi avok suma. A hlumu, a nga tit avok suma mi.

Josue 7:13

Ang tchola akulo, ang mbut suma yed’et, ang dazi ala: Ndjivin agi mbud’ugi tagi yed’et, kayam Ma didina Alona hi Israel-lâ mi dala: Ahle suma an d’el kazi ala agi yozi d’uo na, a nga adigagiya. Le agi yogi nga ahle ndazina woi adigagi d’uo ni, agi ndak á tchologi avok magi suma djangûna d’i.

1 Samuel 16:5

Mi hulong dazi ala: Â, an mba ná he he d’a hawa d’a ngat buzuna mi Ma didina. Agi mbud’ugi tagi yed’et yam he d’a hawa d’a ngat buzu ndata, agi mbeyegï blogonu. Samuel mi mbut Jesse ki groma yed’et, mi yazi á te te ma ngat buzu máma mi.