Josue 3:16 - Bible azumeina

¹⁶ ata yi máma mbiyo ma nga mi djangî akulo yam ahinad’ina, mi tchola, mi tchol lei gongzong d’igi dadamana na, adigazi woi dei kazina hi Adam-ma, nazì ma ngol ma go ki Sartan-na. Mbiyo ma nga ni djang iram abona hapo d’a Matnid’a, mi wal lei aduk mbà. Israel-lâ a djak ngagad’a yam Jeriko d’ar.

Josue 3:16 Kruisverwysings

Ad’u Tinda 14:3

Amulei suma vahl ndazina a ndjak vunazi tu, a i avun hor ra Sidim-mba, nala, Apo d’a Matna.

1 Amuleina 4:12

Bäna Ahilut goroma ni ma nga yam ambas sa Tänak-kina ki Megido kandaga d’a Bet-Seyan nda pet ta go ki Sartan avok Jisreyel la kä d’a; abot ni ndjaka ki Bet-Seyan ki Abel-Mehola gak ti i avun Jokmeyam;

1 Amuleina 7:46

Mi yorozi nata yima kikid’i’â kur hor ra Jurdê-d’a aduk azì ma Sukot-na ki ma Sartan-na.

Sawal la giled’a 114:3

Alum ma ngol ma Tchereuna mi waziya, mi ringâ, alum ma Jurdê-na mi gid’eî woi bugol mi.

Sawal la giled’a 114:5

Ang alum ma ngol ma Tchereuna, ni kayam me ba, ang ring nge? Ang alum ma Jurdê-na, ni kayam me ba, ang gid’eî woi bugol ge?

Sawal la giled’a 29:10

Ma didina ni ma te yam mbiyo ma kus kur atchogoid’a hi Noe-d’ina; Ma didina ni ma te leud’a gak didina.

Sawal la giled’a 33:7

Mi tok mbiyo alum ma ngolâ akulo yam tam ata yima tuna, mi tin zul la yiyika á togom kua.

Sawal la giled’a 66:6

Mi so alum ma ngolâ woyo, a djak alum ma Jurdê-na kaseziya. Ata yi máma, ami lami furîd’a kamu.

Sawal la giled’a 74:15

Angî ma nga lau golongeîna ki horina, angî ma nga so alum ma nglo ma bei sod’a ba na woina.

Sawal la giled’a 77:19

Del la breîd’a halo mangîd’a, ti nga aduk mbirlimba, wiled’a nga d’i b’o yam suma kur duniyad’ina, andagad’a nga d’i le mandarâ, nga d’i yir mi.

Sawal la giled’a 78:13

Mi wal alum ma ngolâ woi aduk mbà kayam azi djak keyo, mi tchol mbina akulo gongzong d’igi sana mi ge damana na.

Buzuk ka Abud’a 14:21

Ata yi máma Moise mi hlabom akulo yam alum ma ngolâ. Ma didina mi keng mbina woi ki simet ma ad’eng ma abo ma yorogo ma sir kur andjege ndatina; mi so alum ma ngolâ woyo, mi wal mbina woi aduk mbà.

Buzuk ka Abud’a 14:22

Israel-lâ a tchuk kä kur alum ma ngolâ kasezi sod’a tchitching. Mbina mi tchol lei ata abozi ma ndjufâ kabozi ma gulana d’igi gulumuna na mi.

Buzuk ka Abud’a 14:29

Wani Israel-lâ a nga tit kur alum ma ngolâ kasezi sod’a tchitching. Mbina mi nga tchola woi ata abozi ma ndjufâ kabozi ma gulana d’igi gulumuna na mi.

Buzuk ka Abud’a 15:8

Ki muzuk ka atchinanga, mbina mi tok akulo yam tamu; mbiyo ma d’id’ilima mi tchol akulo woi d’igi gulumuna na, abilâ mi b’al ad’enga ngingi kä kur aluma.

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Ezekiyel 47:8

Mi dan kua ala: Mbiyo máma mba mi djang iram abo ma yorogona, mi djak mi i kur hor ra Jurdê-d’a gak mi mba kur apo d’a Matna. Ata yima mi kal kur apod’ina, mbiyo mat ma ndjuvuna mba mi mbut adjib’eta.

Nahum 1:4

Nga mi ngop alum ma ngolâ, mi so woyo, nga mi so alum ma gureina woi pet, hat ma Basan-na ki ma yam ahina d’a Karmel-lina a nga lugod’a, b’o d’a Liban-nda ti yak kei mi.

Habakuk 3:8

Na ni Ma didina, ang hurung zalî yam toliyonda zu? Na ni ang hurung zalî yam aluma zu? Ang nga djulul kayîna ata yima ang ful yam akulumeina, ang ful kur pus mang ma kus ayînina ni yam alum ma ngolâ zu?

Ndumba 34:3

Andaga magi d’a abo ma sutnid’a mba d’i tinï ad’uda ni hur ful ma Tisin-na go ki Edom. Hina wani, haga magid’a mba d’i tchol avun dabid’a hapo d’a Matna abo ma yorogona.

Gat ta a hat á mbàd’id’a 1:1

Wana ni zla d’a Moise mi dat mi Israel-lâ pet kid’a mam nga avun alum ma Jurdê-na abagei hur ful ma kikid’i’â go ki Suf aduk Paran, Tofel, Laban, Haserot ki Di-Zahap-pa.

Gat ta a hat á mbàd’id’a 3:17

zlapa ki Araba d’a hagad’a kalum ma Jurdê-nid’a, tinï ad’ud’a avun apo d’a Kinerot-ta dei gak mba avun alum ma Araba-na gak mba avun apo d’a Matna ad’u ahina d’a Pisga-d’a abo ma yorogona.

Josue 12:3

Mi te yam abo alum ma Jurdê ma abo ma yorogona tinï ad’ud’a avun apo d’a Kineret-ta abo ma norâ gak mba kur apo d’a Matna d’a go ki Bet-Jesimot-ta gak i abo ma sutna kur azì ma nga kä ad’u ahina d’a Pisga-d’ina.

Josue 15:2

Haga mazi d’a abo ma sutnid’a, ti hleï navun apo d’a vunat ma ndeza kä woi kur apo d’a Matna abo ma sutnid’a,

Josue 16:7

Ti tchol Janowa, ti sulugot kä Atarot ki Narata, ti kal ti i Jeriko, ti i ndeza woi hur alum ma Jurdê-na.

Josue 3:13

Ata yima suma ngat buzu suma a nga zi zandu’â hi Ma didin ma Sala andagad’ina a mba tin asezi kä kur alum ma Jurdê-nina, mbiyo alum ma Jurdê-na mba mi wal lei aduk mbà; mbiyo ma tcholï akulo yam ahinad’ina mba mi tchol lei gongzong d’igi dadamana na.

Josue 4:22

agi vagi ad’ud’a mi grogina ala: Ami Israel-lâ ami djagami alum ma Jurdê-na asemi sod’a tching tching.

Josue 5:1

Amulei suma Amor-râ pet suma sä kaka abo alum ma Jurdê-na woi abo ma fladegenina kamulei suma Kanan-na pet suma a nga kaka avun alum ma ngol ma Mediterane-na, a hum ala Ma didina mi so alum ma Jurdê-na woi avok Israel-lâ gak a djak keyo d’a. Huruzi ka mbina avok Israel-lâ, ad’engêzi d’a tchol avorozid’a nga d’uo d’a.

Suma ka sariyad’a 7:22

Suma kikis hindina a bu aduveina. Ma didina mi mbut suma kur kangîna irazi ir taziya; a nde tchi taziya. Suma kur kangîna a wet ringâ gak a mbaza Bet-Sita abo ma ir Serera-na gak a mbaza avun Abel-Mehola go ki Tabat.