Josue 3:15 - Bible azumeina

¹⁵ Yima suma a fet awuna kuana ni yima alum ma Jurdê-na nga mi kus seina. Kid’a suma ngat buzu suma a nga zi zandu’â a mba avun alum ma Jurdê-na a nik asezi aduk mbinid’a,

Josue 3:15 Kruisverwysings

2 Amuleina 2:6

Elie mi de mi Elise kua ala: An nga ni tchenengû, ang kak ka hî. Ma didina mi sunun avun alum ma Jurdê-na. Wani Elise mi hulong dum ala: An nga ni gunung tan avok Ma didin ma bei matna ba na, avorong ang mi, an nga ni arang ngi. Azi tchuk tazi tita asem tazi djak.

1 Sunda Hamuleinid’a 12:15

Wana ni suma a djak alum ma Jurdê-na kur til ma avo’â ata yima aluma nga mi kus seina, ni suma a dik suma a nga kaka kur hora abo ma yorogona kabo ma fladegenina.

1 Sunda Hamuleinid’a 12:16

Suma ding suma ad’u andjafâ hi Benjamin-na ki suma ad’u andjafâ hi Juda-na, a i ad’u David kur yi mam ma ad’eng máma.

Isai 26:6

Suma hohou suma amangeîna a nga mired’em kä kaseziya.

Jeremi 12:5

Ma didina mi hulong dala: Le ang ring ki suma asemba ba, ang mba seî woyo ni, ni nana ba, ang mba nga tang kakulumeina ge? Le ang kak bei mandarâ ki halasa ni kur ambas sa halasa go ni, ni nana ba, ang mba ring aduk agu d’a avun Jurdê-d’a ge?

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Nahum 1:4

Nga mi ngop alum ma ngolâ, mi so woyo, nga mi so alum ma gureina woi pet, hat ma Basan-na ki ma yam ahina d’a Karmel-lina a nga lugod’a, b’o d’a Liban-nda ti yak kei mi.

Josue 3:13

Ata yima suma ngat buzu suma a nga zi zandu’â hi Ma didin ma Sala andagad’ina a mba tin asezi kä kur alum ma Jurdê-nina, mbiyo alum ma Jurdê-na mba mi wal lei aduk mbà; mbiyo ma tcholï akulo yam ahinad’ina mba mi tchol lei gongzong d’igi dadamana na.

Josue 4:18

Suma ngat buzu suma a nga zi zandu’â hi Ma didinina a buzuk kei kur alum ma Jurdê-na. Ata yima a tin asezi yam andaga d’a sod’ina, alum ma Jurdê-na mi hulong djangâ kä blangâma d’igi avok dei na, mi kus sei avun gongôd’id’a pupuli.