Josue 3:11 - Bible azumeina

¹¹ Gola! Zanduk ma vun ma djinda hi Ma didin ma Sala andagad’ina mi nga kuana sä mi djak aluma avorogi wana.

Josue 3:11 Kruisverwysings

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

Wana ni mbaktumba hi Job-pa 41:11

Andosâ nga mi buzuk kei atchinam d’igi vama nga mi yaku kur deinina na, d’igi dei ma akud’a gum kukurangâ na mi.

Sawal la giled’a 24:1

Ni sawal la David mi hlata. Andagad’a kahle suma kurutna ni hi Ma didinina, duniyad’a ki suma a nga kaka kurutna pet mi.

Sawal la giled’a 97:5

Ahuniyôna a nga lau woi d’igi dubangâ na avok Ma didina, avok Salad’a ma te yam andagad’a petna.

Isai 3:12

Ma didina mi dala: Sum mana, gugureina a nga djobogi vunagiya, aropma a nga te kagi mi. Agi sum mana, suma avorogina a nga vid’igi woyo, a tchi lovot ta agi tid’igi kura woi mi.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.

Zakari 4:14

Mi hulong dan ala: Suma mbà ndazina ni suma a vozi mbulâ kazi á tinizi irazi vazi á le sunda mi Salad’a ma te yam andagad’a petna.

Zakari 6:5

Malaika máma mi hulong dan ala: Azi ni simet ma fid’i ma akulo ma buzugï woi ata yam ma tchola avok Salad’a ma te yam andagad’a petna.

Gat ta a hat á mbàd’id’a 9:3

Agi wagi ini ala ni Ma didina Alo magina ba, mba mi tit avorogi d’igi aku d’a ngal yinid’a na; ni mam ba, mba mi b’lagazi woyo; ni mam ba, mba mi hulongôzi yazi kä avorogiya. Agi mba hlagiziya, agi mba dabazi woi atogo zak d’igi mi de na mi.

Josue 3:13

Ata yima suma ngat buzu suma a nga zi zandu’â hi Ma didin ma Sala andagad’ina a mba tin asezi kä kur alum ma Jurdê-nina, mbiyo alum ma Jurdê-na mba mi wal lei aduk mbà; mbiyo ma tcholï akulo yam ahinad’ina mba mi tchol lei gongzong d’igi dadamana na.