Josue 3:10 - Bible azumeina

¹⁰ Mi dazi kua ala: Agi mba wagi woi ala Alo ma bei matna mi nga adigagiya, mba mi dik suma Kanan-na, suma Het-na, suma Hef-fâ, suma Peris-sâ, suma Girgas-sâ, suma Amor-râ ki suma Jebus-sâ woi avorogiya.

Josue 3:10 Kruisverwysings

Ad’u Tinda 15:21

hi suma Amor-râ, hi suma Kanan-na, hi suma Girgas-sâ, hi suma Jebus-sâ mi.

1 Amuleina 22:28

Mise mi dum ala: Ang le hulongî avo ki halasa ni, Ma didina mi dan nga zlad’a ni mam mbuo. Mi de kua ala: Agi suma pet, agi humugiya!

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

1 Sunda Hamuleinid’a 1:14

Suma Jebus-sâ, suma Amor-râ, suma Girgas-sâ,

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Buzuk ka Abud’a 17:7

Mi yi yi máma ala Masa, mi yum ala Meriba mi, nala, Kuka ki Yalâ, kayam Israel-lâ a yal ki Moise, a kuk Ma didina mi, a dala: Ma didina mi nga adigei d’oze mi nga adigei d’uo zu?

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Buzuk ka Abud’a 33:2

An mba ni sun malaika mana avorongû, an mba ni dik suma Kanan-na, suma Amor-râ, suma Het-na, suma Peris-sâ, suma Hef-fâ ki suma Jebus-sâ woyo.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Ndumba 13:29

Suma Amale’â a kak nga abo ma sutna, suma Het-na ki suma Jebus-sâ ki suma Amor-râ a nga kaka yam ahuniyôna, suma Kanan-na a nga kaka go kalum ma ngolâ avun alum ma Jurdê-na mi.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Jean 6:69

Ami hami gagazid’a, ami wami ala angî Ma dingêr ma tcholï gen Alonina.

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?

Gat ta a hat á mbàd’id’a 5:26

Ni nge ba, yam tu mi hum del Alo ma arina aduk akud’a d’igi ei na, mi nga ki iram ge?

Gat ta a hat á mbàd’id’a 7:1

Moise mi dazi kua ala: Ma didina Alo magina mba mi kalagi kur ambas sa agi mba hlata, mba mi dik andjaf ma ablauna woi avorogiya, nala, suma Het-na, suma Girgas-sâ, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ, andjaf ma kid’iziya máma, nandjaf ma ablau ma sib’ik mamba kalagina.

Gat ta a hat á mbàd’id’a 7:21

Ar agi zlagagi avorozi d’i, kayam Ma didina Alo magina mi nga adigagiya. NAlo ma ngol ma suma a lum mandarama.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

Hebre-na 10:31

Ni vama mandar ma ngolâ á ndabo Alo ma arina.

Josue 11:3

zlapa ki suma Kanan suma abo ma yorogona ki suma abo ma fladegena, ki suma Amor-râ, ki suma Het-na, ki suma Peris-sâ, ki suma Jebus suma a nga kaka yam ahinad’ina, ki suma Hef suma a nga ad’u ahina d’a Hermon-nda yam ambas sa Mispa-d’ina.

Josue 12:8

Mi hazi ambas sa yam ahinad’id’a, d’a kä ata yima ligitimid’a, d’a Araba-d’a, d’a yam yima ndingîd’a, d’a hur fulid’a ki d’a abo ma sutnid’a mi. Wana nambasa hi suma Het-nid’a, hi suma Amor-rîd’a, hi suma Kanan-nid’a, hi suma Peris-sîd’a, hi suma Hef-fîd’a ki d’a hi suma Jebus-sîd’a mi.

Josue 21:45

Ahle suma djivi suma Ma didina mi hle vunam kazi mi Israel-lîna pet, mi ndagazi vunaziya; ma ar kä bei mi ndagam vunama nga d’uo mi.

Josue 22:31

Fines ma ngat buzuna Elazar goroma, mi hulong de mi suma hi Ruben-na, suma hi Gad-na ki suma hi Manase-na ala: Ami wami ini ala Ma didina mi nga adigeya! Agi lagi nga ni sun nda ata yat tuo d’a avok Ma didina d’i, agi pad’agi ni Israel-lâ woi abo Ma didina.

Josue 24:11

Agi djagagi alum ma Jurdê-na, agi mbagi Jeriko. Suma Jeriko-na a tchol durâ ki sed’egiya, nala, suma Amor-râ, suma Peris-sâ, suma Kanan-na, suma Het-na, suma Girgas-sâ, suma Hef-fâ ki suma Jebus-sâ. An hagizi abogiya.

Josue 3:9

Josue mi de mi Israel-lâ ala: Agi hud’ugi ka hî go, agi humugi zlad’a hi Ma didina Alo maginid’a.

Josue 9:1

Kid’a amulei suma a nga kaka kä abo alum ma Jurdê-na woi hî yam ahinad’ina ki suma hur ful la kikid’ikina ki suma a nga kaka avun alum ma ngol ma Mediterane-na gak mba Liban-na, nala, suma Het-na, ki suma Amor-râ, ki suma Kanan-na, ki suma Peris-sâ, ki suma Hef-fâ, ki suma Jebus-sâ, a hum zla ndatid’a,

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 26:6

David mi de mi Ahimelek ma Het-na ki Abisai Seruya gorotna Jowap wiyema ala: Ni nge mi i ki sed’en kur kangâ hi Saul-lâ ge? Abisai mi hulong dum ala: An i ki sed’engû.