Josue 24:12 - Bible azumeina

¹² An sun azlanguru ma ahlogahlo’â ata amulei suma Amor suma mbà ndazina avorogiya, mi digizi woi avorogi dei; nga ni ki mbigeu magi d’a fiyak kuo mi na, nga ni ki yeû magi d’uo mi.

Josue 24:12 Kruisverwysings

Sawal la giled’a 135:11

nala, Sihon, amul ma Amor-râ, Ok, amul ma Basan-na, kamulei suma Kanan-na pet mi.

Sawal la giled’a 80:10

Ang minit yina avorod’u; sideyet mi sir kä, ti hle ambasa pet.

Sawal la giled’a 80:9

Ang pad’ï guguzlud’a ei Ezipte, ang dik andjaf suma woi avorod’u, ang hulong pat kä mi.

Buzuk ka Abud’a 23:28

An mba ni sun azlanguru ma ahlogahlo’â avorogiya; mba mi dik suma Hef-fâ, suma Kanan-na ki suma Het-na woi avorogiya.

Buzuk ka Abud’a 23:31

An mba ni tinï haga magid’a avun alum ma ngol ma Tchereuna dei gak mba avun alum ma ngol ma Mediterane-na, ei hur ful ma Sinai-na dei gak dap avun alum ma Efrat-na. Kayam an mba ni hagi suma a nga kaka kur ambas ndatina abogiya, agi mba digizi woi avorogi mi.

Ndumba 21:31

Israel-lâ a kak yam ambasa hi suma Amor-rîd’a.

Ndumba 21:32

Moise mi sun á d’u azì ma Jazer-râ; a hle azì máma kazì ma nguyuma, a dik suma Amor suma kuana woyo.

Gat ta a hat á mbàd’id’a 31:4

Ma didina mba mi le kandjaf sum ndazina ni d’igi mi le ki Sihon ki Ok amulei suma Amor-râ kambas mazi d’a mi b’lagat teid’a na mi.

Gat ta a hat á mbàd’id’a 4:46

Nabo alum ma Jurdê-na woi hî kur hor ra ngagad’a yam Bet-Peyor d’ar ra yam ambasa hi Sihon amul ma Amor ma nga kaka Hesbon ma Moise azi ki Israel-lâ a durum bugol la azi buzugï woi Ezipte-d’a.

Gat ta a hat á mbàd’id’a 4:47

A hlambas mamba ki d’a hi Ok amul ma Basan-nid’a. Amulei suma Amor suma mbà ndazina a ni kaka sä abo alum ma Jurdê-na woi hî abo ma yorogona.

Gat ta a hat á mbàd’id’a 7:20

Ma didina Alo magina mba mi sun azlanguru ma ahlogahlo’â atazi gak mba mi dap suma a ar suma a mba ngei kä avorogina woyo.

Josue 2:10

Kayam ami humumi ala kid’a agi buzugugï woi kur Ezipte-d’a, Ma didina mi so alum ma ngol ma Tchereuna woi avorogiya. Bugola, ami humumi zla d’a agi lat kamulei suma Amor suma mbà suma a nga te leud’a sä abo alum ma Jurdê-na woi hina, nala, Sihon azi ki Ok suma agi tchazi woi bei wazi hohowozi ba na.