Josue 23:3 - Bible azumeina

³ Agi tagi wagi ahlena pet suma Ma didina Alo magina mi lazi kandjaf suma wana kagina, kayam ni Ma didina Alo magina ba, mi dur kagiya.

Josue 23:3 Kruisverwysings

Buzuk ka Abud’a 14:14

Ma didina mba mi dur ini kagiya, wani agi kagagi ni ki vunagi ma du’â.

Buzuk ka Abud’a 19:4

Ma didina mi dala: Agi tagi wagi vama an lum ki Ezipte-na, an yogï geven d’igi agigilauna mi yo groma gigingâm na.

Ezekiyel 20:28

An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.

Malatchi 1:5

Iragi mba d’i waziya, agi tagi mba dagi ala: Ma didina ni ma zlam nde yina yam andaga d’a Israel-la gak kal lei yam haga matina.

Gat ta a hat á mbàd’id’a 1:30

Ma didina Alo magi ma nga mi tit avorogina, mba mi dur kagi d’igi mi le ki Ezipte-na kä iragi na.

Gat ta a hat á mbàd’id’a 20:4

Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.

Gat ta a hat á mbàd’id’a 7:17

Moise mi dazi kua ala: Dam agi mba dagi kurugi ala: Andjaf máma mi kalei kablaud’a. Ni nana ba, ei mba digim mbei ge kla.

Gat ta a hat á mbàd’id’a 7:24

Mam mba mi hagi amulei mazina abogiya; agi tchazi simiyêzi woi yam andagad’a ka hî. Ma mba mi tchol avorogi tu pî nga d’i gak agi dabazi woyo.

Josue 10:14

Avok bur máma d’oze bugol bur máma Ma didina mi hum nga vun sa d’igi mi hum vun Josue kur bur máma na d’i, kayam ni Ma didina tamba ba, mi dur yam Israel-lâ.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Josue 23:10

Sama tu ma adigagina nga mi dik suma dubuna, kayam ni Ma didina Alo magina ba, mi dur suma kagi d’igi mi hlagi vunam na.