Josue 22:8 - Bible azumeina

⁸ Mi dazi ala: Agi hulongôgi ata yagi ma kaka kahlena ngola abogiya, nala, d’uwarâ ablaud’a, kawei ma hapma ngola, lora, kawei ma hleuna, kawei ma wurana ki baruna mi. Agi b’rawagi ahle suma agi hurumuzi avun ayîna abo magi suma djangûnina aduk tagi ki b’oziyogina.

Josue 22:8 Kruisverwysings

1 Sunda Hamuleinid’a 5:9

Abo ma yorogona a kak kua gak i avun hur ful ma wal ir ambas mazid’a woi kalum ma Efrat-nina, kayam a nga ki d’uwarâ ablaud’a heî yam ambas sa Galät ndata.

2 Sunda Hamuleinid’a 17:5

Ma didina mi siram leu mamba ngingring. Suma Juda-na pet a nga mbam ki he d’a hawad’a, mi mbut sama ndjondjoîna, mi mbut sama suma a suburum heîna mi.

2 Sunda Hamuleinid’a 32:27

Ezekiyas mi mbut sama ndjondjoîna, suma a nga suburum ngola mi. Mi min yima tchuk kawei ma hapma, yima tchuk lora, yima tchuk ahina d’a guzut kal teglesa teteng, yima vo mbul ma his ma afufuîna, yima tchuk mboriyona ki yima tchuk andjaf ahle suma djivi suma kal teglesâ teteng mi.

Sawal la giled’a 68:12

Salad’a mi he vuna; arop suma sunda ablaud’a a tchi wal zla ndata woi mi.

Zla d’a d’ogolâ 3:16

Kak ka karid’a tatâ d’a ti nga hur abot ma ndjufâ, ndjondjoîd’a ki subura a nga hur abot ma gulana mi.

Ndumba 31:27

Ang b’rau ahle suma a yozï avun ayînina aduk azigar suma a i durîna kablaud’a pet mi.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Hebre-na 11:26

Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

1 Samuel 30:16

Sa máma mi tin David ata yima azi nga kuana. Gol wani, suma Amale’â a b’rau nga woi ata yina teteng, a nga te, a nga tche, a nga le furîd’a kayam ahle suma nglo suma azi hurumzï kur ambas sa Filistê-d’a ki d’a Juda-d’ina.

1 Samuel 30:24

Ni nge ba, mba mi humugi ini zla magi ndata ge? Sama mi i dur ayînina ki sama mi ar nga kä avun ahlenina, b’rau mazid’a nabo tat tu, a b’rawazi nabo tazi tu mi.