Josue 2:9 - Bible azumeina

⁹ ti dazi ala: An wala Ma didina mi hagiya wa ambas sa wanda abogiya; mandaragi mi vamiya wa batei. Suma kur ambas sa wandina pet a tchuk wa susub’ok abogiya.

Josue 2:9 Kruisverwysings

Ad’u Tinda 35:5

Azi tchol iya; mandarâ hAlonina mi ve suma kur azì ma nguyuzina; sama i bugol Jakob ki groma nga d’i.

2 Samuel 17:10

Ata yi máma sama ayîna d’igi azlona na na pî mba mi mbut mandarâ, kayam Israel-lâ pet a wala abungî grangâ, suma ki sed’ema ni suma gangrangâ mi.

2 Amuleina 5:15

Ata yi máma mi hulongî avo hi Elise zlapa ki suma ki sed’ema pet, mi mba mi tchol avok ma djok vuna Elise, mi dum ala: Salana, ki tchetchemba, an we yam andagad’a pet alo ma ding ma d’igi Alona hi Israel-lîna na na nga d’i. Ang ve he d’a hawa d’a nde d’a an mbangzi wanda.

2 Amuleina 7:6

Kayam Salad’a mi mal hum suma kur kang ma Siri-na á hum asem azigar suma ad’engâ tchina kakulumeina ki pus mazi ma dur ayîna mi. Suma Siri-na a nga de tazi ala: Amul ma Israel-lâ mi wura’î suma Het-na ki suma Ezipte-na. Kayam ndata, azi sunï azigar mazina á duri wana.

Nehemi 6:16

Kid’a mami suma djangûna pet a hum hina d’a, andjaf suma ding suma a nguyumina pet a mbut mandarâ, a hulong yazi kä yam taziya, a wala sun ndata ti le ni ata minda hAlo meinid’a.

Ester 8:17

Kur ambas sa lara, kur azì ma ngol ma lara ma vun ma hed’a hamulîna ki gat mamba i kuana, Juif-fâ a le furîd’a, a le te ma ngolâ, a lü vun tilâ mi. Suma dingâ ablaud’a a mbut tazi Juif-fâ kayam mandarâ hi Juif-fîna mi vaziya.

Wana ni mbaktumba hi Job-pa 19:25

Wani an we ma ndjun kana, mi nga ki iramu. Kur bur ma dabid’a mam mba mi tchol akulo yam andagad’a.

Sawal la giled’a 112:10

Sama asa’atna mba mi we hina wani, mba mi ka guruta, mba mi mut siyamu, ad’engêm mba d’i dap pei mi. Suma asa’atna, min mazid’a mba d’i kal leyo.

Sawal la giled’a 115:16

Akulod’a nakulod’a hi Ma didinid’a, wani mi handagad’a ni mi suma.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Buzuk ka Abud’a 23:27

An mba ni mbut suma mandarâ ngola avorogiya, an mba ni pleî suma agi mba kalagi avo hatazina woi yayak, an mba ni ar magi suma djangûna pet a mba ring avorogiya.

Ma tchi wala 8:12

An we le ma le tchod’a, mi le tchod’a yam kis, nga mi te ngola tatâ yam andagad’a pî, an wala suma a nga le mandara Alonina a mba kak ki halasa kayam azi nga le mandarâ avoromu.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 23:5

Fata suma Ezipte-na a hum zla ndatid’a, a mba zlak d’igi suma Tir-râ a zlak abo zla ndata na mi.

Jeremi 27:5

An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina.

Nahum 2:10

Agi hurumugi bege d’a hapa, agi hurumugi lora, kayam ndjondjoî d’a bei dabid’a ti nga, ndjondjoîd’a hahle suma guzuzi kal tegles suma tetengâ a nga mi.

Ndumba 20:14

Ni hur ful ma Kades-sâ ba, Moise mi tchuk sunda ata amul ma Edom-ma, mi dum ala: Ang hum zlad’a hi ami b’oziyong Israel-lîd’a: Ang we ndak ka mba kamid’a pet.

Ndumba 20:24

Aron mba mi mid’a, kayam mam mba mi kal kur ambas sa an nga ni hat mi Israel-lîd’a d’i, kayam agi tchilagi yam vun man ma hed’a ata yima mbiyo ma Meriba-na.

Matiye 20:15

Djivid’a an le vama hurun mina ki bege manda d’uo zu? Ang le yungôra ni kayambala an ni sama djivina d’a zu?

Gat ta a hat á mbàd’id’a 11:25

Sama mba mi tchol avorogina mi nga d’i. Kur ambas sa lara d’a agi mba igi kuad’a, Ma didina Alo magina mba mi mbut suma mandarâ, a mba zlak avorogi d’igi mam tam de na mi.

Gat ta a hat á mbàd’id’a 2:25

Ini an nga ni mbut suma yam andagad’ina mandarâ avorogiya; a mba zlak avorogi mi. Ata yima a mba humugi simiyêgi ma nde yinina, a mba zlak avorogiya, a mba tcha tata mi.

Gat ta a hat á mbàd’id’a 28:10

Suma pet a mba wala a yagi ni ki simina hAlonina, a mba lagi mandaragiya.

Gat ta a hat á mbàd’id’a 32:8

Kid’a Ma kal teglesâ mi b’rau andagad’a mi sumid’a, mi tin ir hagad’a handjaf sumid’a, mi tin suma lara pî ata yazi ngad’a yam andjafâ hi Jakob-ma.

Hebre-na 11:31

Ni yam he gagazid’a ba, Rahap atcha d’a gaulangâ ti mit nga zlapa ki suma bei hum vun Alona d’i, kayam ti ve suma d’u yina atat ki djivid’a.

Josue 2:11

Ata yima ami humumi zla ndatina, ad’engêmi nga d’uo d’a. Nge nge pî hurum ka mbina avorogiya, kayam Ma didina Alo magina nAlo ma sä kur akulod’ina ni Ma yam andagad’a ka hina mi.

Josue 2:24

Azi de mi Josue ala: Gagazi, Ma didina mi hei wa ambas ndata aboya; suma kur ambasina pî a nga zlak avorei mi.

Josue 2:8

Kid’a suma d’u yina a nga bei bur kä tua d’a, Rahap pi djak akulo gevezi yam gonga,

Josue 5:1

Amulei suma Amor-râ pet suma sä kaka abo alum ma Jurdê-na woi abo ma fladegenina kamulei suma Kanan-na pet suma a nga kaka avun alum ma ngol ma Mediterane-na, a hum ala Ma didina mi so alum ma Jurdê-na woi avok Israel-lâ gak a djak keyo d’a. Huruzi ka mbina avok Israel-lâ, ad’engêzi d’a tchol avorozid’a nga d’uo d’a.

Josue 6:2

Ma didina mi de mi Josue ala: Gola! An hang wa azì ma ngol ma Jeriko-na kamul mama ki mam suma a we durîna abongû.

Josue 9:10

kahle suma mi lazi kamulei suma mbà suma Amor suma a sä kaka abo alum ma Jurdê-na woi hî na, nala, Sihon amul ma Hesbon-na ki Ok amul ma Basan ma nga kaka Astarot-na mi.

Josue 9:24

Sum ndazina a hulong de mi Josue ala: Ami azungeî mangâ humumi ala Ma didina Alo mangâ mi he vuna mazong mama Moise á hagi ambas sa wanda á tchi suma kurutna woi avorogi pet. Kayam ndata, mandaragi mi vami ngola, kayambala agi mba tchamiya d’a. Ni kayam ndata ba, ami mbami ki gevegi wana.

Josue 9:9

Azi hulong dum ala: Ami azungeî mangâ tcholomi ni yam ambas sa deid’a, kayam simiyê Ma didina Alo mang ma zlam nde yinina, yam ami humum zlam kahle suma mi lazi ki Ezipte-nina pet,

Suma ka sariyad’a 7:14

Ndrama mi hulong dum ala: Nga ni vama ding ngi. Ni mbigeu d’a fiyaka hi Zedeyon ma Israel ma Jowas goromina. Alona mi hum wa suma Madiyan-na ki kang mazina pet abom da’!