Josue 2:5 - Bible azumeina

⁵ Ata yima yina mi ve tam duka kid’a suma a nga duk vun agre’îd’a, sum ndazina a buzuga. An we nga yima a i kuana d’i. Agi b’ad’agi blogozi atogo, agi mba faziya!

Josue 2:5 Kruisverwysings

Nehemi 13:19

Ata yi máma an he vuna ala le yina mi ar go á rumîd’a ni, a duk vun agrek ma Jerusalem-ma akulo avok ad’u tinda hi bur ma sabatna; bei bur ma sabatna dap ba ni, sa malam mbei d’i. An tin azungeî man suma dingâ á ngom vun agre’â tala ar suma a mba kahle suma gusa kur bur ma sabatna d’uo d’a.

Isai 60:11

Vun agrek ma’â mba mi arî mala woi burâ ki burâ, sa mba mi dugum falei d’oze andjege d’i, kayam andjaf suma a fe lovota á kal ki ndjondjoî mazid’a avo hatagu, amulei mazina ki suma ad’uzina mi.

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Ezekiyel 47:12

Andjaf agu ma vuta teteng mba mi wul avun toliyonda abo hî abo hî. Humam mba d’i so d’i, mba mi ba bei vuta d’i, mba mi vut ni tilâ ki tilâ, kayam mbiyo ma nga mi djangî woi kur gong nga kud’ora hAlonid’ina, nga mi i kä ad’umu. Vud’um mba d’i mbut ni tena hi sumina, humam mba d’i mbut ni kuma ma sut suma mi.

Josue 2:4

Wani atcha ndata ti yo suma mbà ndazina, ti i ngeyeziya, ti de mi suma hamulîna ala: Gagazi, sum ndazina a mba avo hatanu, wani an we nga yima azi tcholï kuana d’i.

Josue 2:6

Doli na ni d’igi ti djak wa ki sed’ezi akulo yam gonga, ti ngeyezi kä ad’u akei d’a ti ndjat yam gongid’a.

Josue 2:7

Suma amulâ mi sunuzi ndazina a i bugol sum ndazina kur lovot ta i avun alum ma Jurdê-nid’a, gak a mbaza ata yima suma a djak mbina kua kasezina. Kid’a a buzuk kei a i blogozid’a, a duk vun agre’â akulo.

Vama ndum mbeina 21:25

Vun azì máma a mba dugum mbi, kayam andjeged’a nga d’i.

1 Samuel 19:14

Kid’a Saul mi sun suma á veï David-ta, ndat ti dazi ala: Mi nga tugud’eid’a.