Josue 2:18 - Bible azumeina

¹⁸ Gola! Fata ami mbami kur ambasid’a, ndak djin ziyo ma hleuna ir fenetre d’a ndak sirimi kä kuad’a, ndak tok sum ma’â pet avo hatagu, nala, abugu, asugu, ki b’oziyo’â.

Josue 2:18 Kruisverwysings

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 7:1

Ma didina mi de mi Noe ala: Ang kal kur batod’a ki sum mangâ pet, kayam an wang angî sama d’ingêrâ avoron kur atchogoi d’a wanda.

Ester 8:6

Ni nana ba, an mba ni we ndak ka mba d’i mba yam sum manid’a ge? Ni nana ba, an mba ni we tchi d’a a mba tchan andjavanda ki iran nge?

Buzuk ka Abud’a 12:13

Buzu máma mba mi mbut ni vama taka avun gong nga agi nga kuad’a. Ata yima an mba ni tchi Ezipte-nina, an mba ni we buzuna, an mba ni kal kagiya. Hina wani, ndak ka tcho d’a tchi matna mba d’i fagi d’i.

Sawal la kal teglesa 4:3

Vunak ma dalalâ mi ni d’igi ziyo ma hleu ma kekengâ na, zla mak ka ded’a ti djivid’a, agozlok mi djifâ krovo kur baru mak ka zlupa kaka d’igi abo vud’agu grenatna na.

Sunda hi suma hi Levi-nid’a 14:4

mi he vuna ala a yoï aluwei suma yed’etna ki irazi mbà, a hleï agu sedrena ki vama hleuna kagu hisopma mi sa máma á mbut ki tam yed’et.

Ndumba 19:6

Ma ngat buzuna mi hle agu sedrena, agu hisopma ki baru d’a hleud’a, mi tchuguzi aku yam amuhl hla nga d’i ngal ndata.

Ndumba 4:8

A bar yam ahle ndazina ki baru d’a hleu d’a kekenga, a d’ud’uzi ki baru ma duburok ma a lum ki bak azar ma aduk mbina kä ma a yum ala dofênina, a nik agu ma murgulina ata b’alang ma ata tabulîna.

Wana ni Zla d’a Djivi d’a Luc mi b’irita 19:9

Jesus mi dum ala: Suta mba wa ini kur azì ma wana, kayam mam mi Abraham gorom ngolona mi.

Sunda hi suma a sunuzinid’a 10:27

Kid’a Pierre nga mi de zlad’a tua d’a, mi kal avo, mi fe suma ablaud’a a nga toka.

Sunda hi suma a sunuzinid’a 10:33

Ata yi máma na wat, an sundja kang wana, ang le djivid’a ang mba wa. Ki tchetchemba, ami pet nga ka hî avok Alona á hum ahlena pet suma Salad’a mi hang vuna kazi á ded’ina.

Sunda hi suma a sunuzinid’a 11:14

Mam mba mi dang zla d’a ang mba fe ki sutid’a ki suma avo hatangâ pet mi.

2 Timote 1:16

Salad’a mi we hohowa suma avo hi Onesifor-râ, kayam mi b’lengên hurun yam ablaud’a, mi le nga zulona yam dangei mana d’i.

Hebre-na 9:19

Ata yima Moise mi tak suma vun ma hed’a hi gatina petna, mi hle buzuwa gro amuzleina ki buzuwa aho’â zlapa ki mbina ki tumus sa hleud’a hi timinid’a ki hisopma, mi yam buzu máma yam mbaktum mba gata, yam suma pet mi.

Josue 2:21

Ndat ti dazi ala: Ar agi lagi d’igi agi hlan vunagi na. Ti arazi a iya, ndat ti djin ziyo ma hleuna ir fenetred’a mi.

Josue 6:23

Azungeî suma mbà suma a i d’u yinina, a vei Rahap pei kabud’u, kasud’u, ki b’oziyotna, ki simiyêt pet tei abua, a i ngomozi woi bugol kangâ hi Israel-lîna ki halasa.

Josue 6:25

Josue mi ar Rahap pa gaulangâ bei tchid’a ki sum matna pet. Ndat ti ar nga kaka aduk Israel-lâ gak ini, kayam ndat ti ngei suma Josue mi sunuzi á d’u Jeriko-na avo hatad’u.