Josue 2:12 - Bible azumeina

¹² Ki tchetchemba, agi gunun tagi ki simiyê Ma didina tala agi lagi djivid’a ki sum mana d’igi an le djivid’a ki sed’egi na mi d’a, agi tagan vama simat ma mba mi kak vama simat ma gagazinina.

Josue 2:12 Kruisverwysings

Ad’u Tinda 21:23

Ki tchetchemba, ang gunun tang avok Alona ka hî ala ang mba mbud’un iran ki grona ki gron ngolona d’i. Ang lan djivid’a yam andaga d’a ang nga kaka kurut wanda d’igi an lang djivid’a na mi.

Ad’u Tinda 24:3

ang gunun tang avok Ma didina, Alo ma lakulod’a kandagad’ina ala ang mba ve gora hi suma Kanan suma an nga kaka adigazina mi goron na d’i.

Ad’u Tinda 24:9

Azong mama mi gabom ad’u ab’al salama Abraham, mi gunum tam yam zla ndata.

Ad’u Tinda 40:14

Fata ang fe wa djivid’a ni, ang djib’er kanu, djivid’a ang ge hum Faron, mi gan ndei akulo kur dangeina.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

Ester 8:6

Ni nana ba, an mba ni we ndak ka mba d’i mba yam sum manid’a ge? Ni nana ba, an mba ni we tchi d’a a mba tchan andjavanda ki iran nge?

Buzuk ka Abud’a 12:13

Buzu máma mba mi mbut ni vama taka avun gong nga agi nga kuad’a. Ata yima an mba ni tchi Ezipte-nina, an mba ni we buzuna, an mba ni kal kagiya. Hina wani, ndak ka tcho d’a tchi matna mba d’i fagi d’i.

Jeremi 12:16

Le azi a hat gata hi sum manid’a, le azi nga gun tazi ki simiyên ala Ma didina ni ma bei matna ba na d’igi adjeu azi hat sum mana a gun tazi ki simiyê Bäl na ni, an mba ni tinizi aduk sum mana tua.

Marik 14:44

Judas ma hazizi abozina, mi tagazï vama simata ala: Sama an i sobom vunama, ni mamu, agi vagizi djivi ped’et, agi igi ki sed’emu.

Romê-na 1:31

Azi ni suma bei djib’er yam tcho mazid’ina, a nga djib’er yam vun mazi ma hled’a d’i. Azi ni suma bei sumad’a, ni suma bei we hohowa sumina mi.

1 Timote 5:8

Wani le sana nga mi ngom simiyêm mbuo, kal pet le nga mi he tena mi suma avo hatama d’uo mi ni, mi noî ni he gagazid’a woyo, tcho mamba kal ma bei he gagazid’ina.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Josue 2:13

Agi hlan vunagi ala agi mba aragi abun azi kasun ki b’oziyon suma andjofâ ki b’oziyon suma aropma kahle mazina pet bei tchid’a, agi sud’umi woi avun matna mi.

Josue 2:18

Gola! Fata ami mbami kur ambasid’a, ndak djin ziyo ma hleuna ir fenetre d’a ndak sirimi kä kuad’a, ndak tok sum ma’â pet avo hatagu, nala, abugu, asugu, ki b’oziyo’â.

Josue 2:19

Sama lara ma mi nde woi avun agrek ma’îna, buzuwamî kam mam tamba. Wani le sa adigami mi tin abom ata sama nga avo hata’â ni, buzuwamî kamiya.

Josue 6:22

Josue mi de mi suma mbà suma a i á d’u ambas sa Jeriko-d’a avo’â ala: Agi igi avo hi Rahap atcha d’a gaulangâ, agi ndad’ï woi abu ki sum matna pet d’igi agi gunut tagi na.

Josue 9:15

Josue mi djin vunam ki sed’ezi yam halasa ala a lazi va d’i. Suma nglo suma avok sumina a gunuzi tazi mi.

Suma ka sariyad’a 1:24

Suma a i á d’u yinina, a we sana mi nde woi abu avun azina, a dum ala: Ang tagami lovot ta kal ki hur azinid’a; ami mba lang djivid’a.

1 Samuel 30:15

David mi dum ala: Ang min tinin ata yima azigar ndazina a nga kuana zu? Mi hulong dum ala: Ang gunun tang avok Alona ala ang mba tchan ndoze ang han abo salana d’i. Hina wani, an mba ni tagang yima azigarâ a nga kuana.