Josue 19:51 - Bible azumeina

⁵¹ Wana nandaga d’a ma ngat buzuna Elazar azi ki Josue Nun goroma ki suma nglo suma avok andjafâ hi Israel ma tetengâ, a b’rawat djona aduk tazi ki togina avok Ma didina avo Silo avun zlub’u d’a ngaf tad’id’a. Ni hina ba, a dap kambasa b’raud’a djona aduk taziya.

Josue 19:51 Kruisverwysings

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Sawal la giled’a 78:60

Mi djok kei avo Silo ata yi mam ma kak ma aduk sumina.

Matiye 20:23

Mi dazi ala: Gagazi, agi mba tchagi kop mana, wani á kaka yam bigan nda ndjufa ki d’a gulad’a, ni an ba, mba he d’i, wani yi máma ni yam suma Abun mi minizizi kazina.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Sunda hi suma a sunuzinid’a 13:19

Kid’a mi b’lak andjaf ma kid’iziyana woi kur andaga d’a Kanan-ndid’a, mi hazi andaga ndata djona.

Josue 14:1

Wana nandaga d’a Kanan nda a b’rawat djona mi Israel-lîd’a. Ma ngat buzuna Elazar ki Josue Nun goroma ki suma nglo suma avok andjafâ hi Israel-lâ a b’rawat djona mi Israel-lîna.

Josue 18:1

Kid’a Israel-lâ a hlambasa dad’a, a tok tazi avo Silo, a ve zlub’u d’a ngaf tad’a kua kolâ.

Josue 18:10

Josue mi le togina kazi avo Silo avok Ma didina, mi b’rau ambasa aduk Israel-lâ, nge nge pî mi fe b’rau mamba.

Josue 20:1

Ma didina mi de mi Josue ala:

Suma ka sariyad’a 21:19

A dala: Gola! Bizad’a ki bizad’a vun tilâ hi Ma didinina mi nga avo Silo d’a abo ma norâ hi Betel-lîd’a abo ma yorogona hi lovot ta tchol Betel i Sikem-mba kabo ma sutna hi Lebona-na mi d’a.

Suma ka sariyad’a 21:21

agi gologi yina. Ata yima gro arop suma Silo-na a mba buzugï woi á lü djongîna, agi buzugugï woi aduk asine ma guguzlud’a, nge nge pî mi hle gor atchad’a tutu á atchad’a, mi i ki sed’et yam ambasa hi Benjamin-nda.

1 Samuel 1:3

Bizad’a ki bizad’a Elkana nga mi tchol avo Rama á i avo Silo á kud’or Ma didin ma ad’engêm kal petna, á hum ahle suma ngat buzuna mi. Wani Eli ma ngolâ hi suma ngat buzuna mAlonina groma nga mbà; ma hina a yum ala Hofni, ma mbàna a yum ala Fines mi. Azi ni suma ngat buzuna hi Ma didinina avo Silo.