Josue 18:16 - Bible azumeina

¹⁶ Ti sulugot kä avun dabid’a hahina d’a ngagad’a yam hor ra Bet-Hinom-mba d’ara, ti hleï kur hor ra Refa-d’a abo ma norâ, ti kal ti i kur hor ra Hinom-mba avo Jebus abo ma sutna, ti kal gak ti i En-Rogel.

Josue 18:16 Kruisverwysings

2 Samuel 17:17

Jonatan azi ki Ahimas a nga ni kaka En-Rogel. Gor weid’a mba d’i dazi zlad’a ala ni azi ba, a i de zla ndata mamulâ David. Wani azi ndak á tak tazi woi kur azì ma ngolâ d’i, abo mandarâ.

2 Samuel 5:18

Suma Filistê-na a mba ndjar kä woi kur hor ra Refa-d’a.

1 Amuleina 1:9

Bur tu Adoniya mi tin lü ma ngolâ yam ahina d’a Zohelet-ta go ki mbiyo ma lau ma En-Rogel-lâ, mi ngat tumiyôna, amuzleina ki gro amuzlei suma d’orâ, mi yi b’oziyom suma amulâ gromina pet ki suma nglo suma kur azì ma Juda suma a nga le sunda avo hamulina pet mi.

2 Amuleina 23:10

Josiyas mi b’lak yima Tofet ma nga avun hor ra Hinom-mba, kayam sa mi ngal gorom mandjuf foze gorom mba atcha kakud’a á he ngola malo ma Molo’â d’uo d’a.

1 Sunda Hamuleinid’a 14:9

Suma Filistê-na a mba a ndjar kä woi kur hor ra Refa-d’a.

2 Sunda Hamuleinid’a 28:3

Mi ngal dubang ma his djivid’ina kur hor ra Hinom-mba, mi ngal groma kakud’a d’igi he d’a hawa d’a ngala na. Ni sun nda ndjendjed’a handjaf suma Ma didina mi digizi woi adjeu avok Israel-lîna a lata.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Jeremi 19:11

Ang dazi ala: Ma didin ma ad’engêm kal petna mi dala: An mba ni to suma kur azì ma ngol mámina woi d’igi sana mi to agel la lubuna woi kikizek sana mi ndak á minit bugol luo na. A mba tos matna ni Tofet kayam yima ding nga d’uo d’a.

Jeremi 19:2

Ang i kur hor ra Ben-Hinom mba go ki vun agrek ma Azlungina. Ata yi máma ang de zla d’a an mba ni dangzid’a ki deleng akulo.

Jeremi 19:6

Ma didina mi dala: Kayam ndata, burâ nga mi mba, kur bur máma a mba yi yima wana ala Tofet toze Hor ra Ben-Hinom-mba d’uo d’a, wani a mba yum ala Hor ra a Tchi Suma Kuad’a.

Jeremi 32:35

A nga min yima nding ma kud’ora mi Bäl kur hor ra Ben-Hinom-mba á he grozi suma andjofâ ki grozi suma aropma vama ngat buzu ma ngala mi Molok mi. Ni vama an hazi vuna kam mboze mi tchol nga ata djib’er manda d’uo na. A nga le sun nda ndjendje d’a hina d’a á zut suma Juda-na á le tchod’a.

Josue 15:63

Andjafâ hi Juda-na ad’engêzi ndak nga á dik suma Jebus suma a nga kaka Jerusalem-ma woi d’i. Ni kayam ndata ba, suma Jebus-sâ a nga kaka aduk andjafâ hi Juda-na avo Jerusalem gak ini.

Josue 18:28

Sela, Elef, Jebus sa a yat ala Jerusalem-mba, Gibeya ki Kiriyat. Azì ma nglona ni dogo yam fid’i kazì mazi ma gureina mi. Wana nandaga d’a a hat djona mandjafâ hi Benjamin-na ad’u adezezi ad’u adezezid’a.

Suma ka sariyad’a 1:21

Suma hi Benjamin-na a dik nga suma Jebus suma a nga kaka Jerusalem-ma woi d’i. Suma Jebus-sâ a nga kaka Jerusalem ki suma hi Benjamin-na gak ini.

Suma ka sariyad’a 1:8

Suma hi Juda-na a nde Jerusalem durâ, a hlad’u, a tchi suma kurâ woi ki mbigeu d’a fiyaka, a ngal azina woi kakud’a mi.

Suma ka sariyad’a 19:10

Wani atchad’a ndjuvut mi min nga á bur ri, mi tchol mi i gak mi mbaza avun Jebus, nala, Jerusalem, ki koro mama mbà kaneka kamu, kamamba mi.