Josue 15:11 - Bible azumeina

¹¹ Ti ndeza woi gen Ekron abo ma norâ, ti kongî abo ma Sikron-na, ti kal i yam ahina d’a Bäla-d’a, ti ndeza woi Japnel, ti dabï avun alum ma ngol ma Mediterane-na.

Josue 15:11 Kruisverwysings

2 Amuleina 1:16

Elie mi de mamulâ ala: Ang gola! Ma didina mi dang ala: Kayamba ang sun suma á djop Bäl-Zebup alo ma Ekron-na d’igi Alona mi nga navo Israel á djobom zlad’a d’uo na d’a, ang mba tchol akulo woi yam azang ma ang nga burâ kuana d’i, wani gagazi, ang mba mid’a.

2 Amuleina 1:6

A dum ala: Sana tu mi ngavami glovot mi dami ala: Agi hulongôgi gen amul ma sunugïna, agi dum ala: Wana ni zla d’a Ma didina mi data: Mi dala: Na ni Alona mi nga avo Israel luo ba, ang sun á djop Bäl-Zebup alo ma Ekron-na zu? Mi dami kua ala ang mba tchol akulo woi yam azang ma ang nga burâ kama d’i, wani gagazi, ang mba mid’a!

2 Sunda Hamuleinid’a 26:6

Mi nde abu á dur ayîna ki suma Filistê-na. Mi to gulumun ma Gat-na ki ma Japne-na ki ma Asdot-na kä woyo, mi min azì ma nglona kur ambas sa Asdot-ta, kur azì ma Filistê ma dingâ mi.

Ndumba 34:6

Haga magi d’a abo ma fladegenid’a nalum ma ngol ma Mediterane-na. Ni mam ba, mba mi ar haga magi d’a abo ma fladegenid’a.

Josue 15:10

Ti yoï hagad’a Bäla abo ma fladegena yam ahina d’a Seir-ra, ti kal gen ahina d’a agud’a kata abo ma norâ, nala, Kesalon, ti sulugot kä Bet-Semes, ti hleï Timna.

Josue 15:12

Haga mazi d’a abo ma fladegenid’a navun alum ma ngol ma Mediterane-na. Wana nandaga d’a a hat mandjafâ hi Juda-na ad’u adezezi ad’u adezezid’a haga mata.

Josue 15:45

Ekron kazì mat ma nglo ma nguyutna kazì mat ma gureina mi,

Josue 15:9

Ti hleï yam ahinad’a kolâ, ti kongî gak ti mba avun mbiyo ma lau ma Neftowa-na, ti kal gak ti i kur azì ma nglo ma yam ahina d’a Efron-ndina, ti kong ti mba Bäla d’a a yat ala Kiriyat-Jarim-mba.

Suma ka sariyad’a 1:18

Suma hi Juda-na a hlazì ma Gaza-na kandaga mamba, azì ma Askalon-na kandaga mamba, azì ma Ekron-na kandaga mamba mi.

1 Samuel 17:52

Azigar suma Israel-lâ ki suma Juda-na a nde sor sor ra ayîna, a digizi gak a izi avun azì ma Gat-na ki ma Ekron-na. Suma Filistê suma a fe dakina a bo kur lovot ta Särayim-mba gak Gat ki Ekron.

1 Samuel 5:10

Ata yi máma na wat, azi hle zandu’â hAlonina, a im Ekron. Wani kid’a azi mbamza Ekron-nda, suma Ekron-na a tum siwela gandjau, a dala: A mba ki zandu’â hAlona hi Israel-lîna avo hatei ka hî ná tchï woi ki sum meina!

1 Samuel 5:8

Azi sun a yï amulei suma Filistê-na pet, a djobozi ala: Ami lami ni nana ki zandu’â hAlona hi Israel-lîna ge? Azi hulong dazi ala: Agi hlum im Gat. A hlum a im Gat mi.

1 Samuel 7:14

Azì ma nglo ma teteng ma suma Filistê-na a yom abo Israel-lâ adjeuna, Israel-lâ a hulong a yomu. Tinï ad’ud’a Ekron dei gak mba Gat, Israel-lâ a yo ambas sa suma Filistê-na a te kata pet. Kur atchogoi ndata, b’leng nga halasa mba aduk Israel-lâ ki suma Amor-râ mi.