Josue 14:9 - Bible azumeina

⁹ Kur bur máma Moise mi gunun tam ala: Ambas sa ang kureï tita kata, mba d’i arî mi ang kandjavang gak didin, kayam ang tit yam lovota hi Ma didina Alo manid’a memet.

Josue 14:9 Kruisverwysings

Sawal la giled’a 37:9

Kayam suma asa’atna, a mba tchazi woyo, wani suma a nga djup Ma didinina a mba tandagad’a djona.

Ndumba 13:22

A hle lovot ta abo ma sutnid’a, a i gak a mbaza Hebron ata yima Ahiman, Sesai ki Talmai Anak groma a nga kuana. Hebron a minit ni bizad’a kid’iziya avok Sowan nda Ezipte-d’a.

Gat ta a hat á mbàd’id’a 1:36

Ni Kalep Jefune goroma hol ba, mba mi wad’u, ni mam ki groma ba, an mba ni hum ambas sa mam tid’ï kata, kayam mi tit kur lovot manda memet.

Gat ta a hat á mbàd’id’a 11:24

Ata yima lara ma agi mba tinigi asegi kuana pet, mba mi arî magina, haga magid’a mba d’i tinï ad’ud’a ni hur fulâ dei gak ti mba avo Liban, ti kal gak ti i avun alum ma Efrat-na ti djak gak ti i avun alum ma ngol ma Mediterane-na abo ma fladegena.

Josue 1:3

Ata yima lara ma agi mba tinigi asegi kuana, an mba ni hagizi d’igi an de mi Moise na.

Josue 14:10

Gola! Ki tchetchemba, Ma didina nga mi ngomon ki arid’a d’igi mam de na. Ini bizad’a nda’î dok fid’i yam vahl ata yima Ma didina mi de zla ndata mi Moise-sâ. Ni kid’a Israel-lâ a nga tit abagei hur fulîd’a dei. Gola! Ki tchetchemba, bizan ni dok klavandi yam vahl.

Suma ka sariyad’a 1:20

Azi hazì ma Hebron-na mi Kalep d’igi Moise mi de na. Mi dik Anak grom suma hindina woyo.