Josue 14:12 - Bible azumeina

¹² Kayam ndata, ang han azì ma yam ahinad’a ma Ma didina mi dum zlam kur bur mámina. Kayam ang hum kur bur máma tamba ala suma Ana’â a nga kua, azì ma nglo ma ad’eng ma ngunguna, mi nga kua mi. Le Ma didina mi nga ki sed’enu ni, an mba ni digizi woi d’igi mam de na.

Josue 14:12 Kruisverwysings

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

Sawal la giled’a 44:3

Ang dik andjaf suma woi á hazi yima kaka, ang b’lak andjaf suma woi á arazi yima kaka mi.

Sawal la giled’a 60:12

Ni ang Alo ma arami woina, ni ang ma i nga ki b’rang mamid’a avun ayîna d’uo na d’uo zu?

Ndumba 13:28

Wani suma a nga kaka katna a ni suma sib’ika, azina ni nguid’a ki gulumun ma ad’eng ma ngunguna, azina kal ngola heî mi. Ami wami Anak groma ki irami mi.

Ndumba 13:33

Ami wami suma fuyogeina Anak groma nandjaf suma fuyogeina, ami golomi tami ni d’igi djera na avoroziya; azi tazid’a a golomi ni d’igi djera na avorozi mi.

Ndumba 21:34

Ma didina mi de mi Moise ala: Ang lum mandaram mbi, kayam an hangziya wa abong ki sum mama kambas mamba pet mi. Ang mba lumî d’igi ang le ki Sihon amul ma Amor ma kak Hesbon-na na.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Gat ta a hat á mbàd’id’a 1:28

Agi dagi ala: Ei i ni lara ge? B’oziyoina a tchugi tei susub’ok ala: Suma kur ambas ndatina a ad’enga kaleya, a fuyogeid’a kalei mi. Azì mazi ma nglona nazì ma ki gulumun ma ad’eng ma ngunguna gak i akulo hur alonina. Ami wami Anak groma ki irami mi.

Gat ta a hat á mbàd’id’a 9:1

Moise mi de kua ala: Agi Israel-lâ, agi humugiya! Ini agi nga djagagi alum ma Jurdê-na á hlagi andjaf ma kalagi kablaud’a ki sib’ikina, kazì ma nglo ma a minim ad’enga ngungu gak mi i akulona.

Gat ta a hat á mbàd’id’a 9:3

Agi wagi ini ala ni Ma didina Alo magina ba, mba mi tit avorogi d’igi aku d’a ngal yinid’a na; ni mam ba, mba mi b’lagazi woyo; ni mam ba, mba mi hulongôzi yazi kä avorogiya. Agi mba hlagiziya, agi mba dabazi woi atogo zak d’igi mi de na mi.

Filip-ma 4:13

An ndak á lahlena pet yam ad’eng nga Christ mi handjid’a.

Hebre-na 11:33

Ni yam he gagazid’a ba, azi kus yam andagad’a teteng, azi le sun nda d’ingêra, azi fe vama Alona mi hlazi vunam kama. Azi duk vun azlona,

Josue 15:14

Kalep mi dik Anak groma woi hindi, nala, Sesai, Ahiman ki Talmai; azi ni Anak groma.

Suma ka sariyad’a 1:20

Azi hazì ma Hebron-na mi Kalep d’igi Moise mi de na. Mi dik Anak grom suma hindina woyo.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.