Josue 13:4 - Bible azumeina

⁴ Ambas sa ar bei hled’a abo ma sutnid’a ba wana: Ambasa hi suma Kanan-nid’a pet ki Meyara d’a hi suma Sidon-nid’a gak mba Afek, gak mba yo hagad’a ki suma Amor-râ,

Josue 13:4 Kruisverwysings

1 Amuleina 20:26

Tcha dama ata yi máma hina dedege wani, Ben-Hadat mi i gol azigar mam suma Siri-na, mi i ki sed’ezi avo Afek á dur ayîna ki Israel-lâ.

1 Amuleina 20:30

Suma a ar 27.000 a ring kur azì ma Afe’â, wani gulumuna mi dris kä kaziya. Ben-Hadat tamba mi ring mi kal kur azì ma ngolâ, mi kal klavi kur gonga, mi ngei tamu.

Ezekiyel 16:3

Ang dat ala: An Salad’a Ma didina ni dala: Ndak Jerusalem, ad’u tin maka ki vut maka, nda’î ambas sa Kanan-nda. Abu’î ma Amor-râ, asu’î d’a Het-ta mi.

Amos 2:10

Wani avok ahle ndazina, an buzugugï woi yam ambas sa Ezipte-d’a, an tit ki sed’egi abagei hur fulâ bizad’a dok fid’i tala agi tagi ambasa hi suma Amor-râ d’a.

Josue 10:40

Josue mi hlambas sa abo ma sutnid’a kamulei suma a nga kaka yam ahuniyôna ki suma a nga kaka ata yima kikid’i’îna ki suma a nga kaka kä ata yima ligitimina ki suma a nga kaka ata yima ndingîna, mi ar nga sa tu d’i. Mi dap ahle suma a nga muzu’â woi pepet d’igi Alona hi Israel-lîna mi he vuna na mi.

Josue 11:3

zlapa ki suma Kanan suma abo ma yorogona ki suma abo ma fladegena, ki suma Amor-râ, ki suma Het-na, ki suma Peris-sâ, ki suma Jebus suma a nga kaka yam ahinad’ina, ki suma Hef suma a nga ad’u ahina d’a Hermon-nda yam ambas sa Mispa-d’ina.

Josue 12:18

amul ma Afe’â, amul ma Lasaron-na,

Josue 19:30

Ti kal gak ti i Uma, Afek ki Rehop. Azì ma nglona ni dok mbà kazì mazi ma gureina mi.

1 Samuel 4:1

Samuel mi de zla ndata woi mi Israel-lâ pet mi. Israel-lâ a buzuk kei á dur ayîna ki suma Filistê-na. Azi vanguvora go kahina d’a Ebenezer-ra, wani suma Filistê-na a vanguvora Afek mi.