Josue 13:16 - Bible azumeina

¹⁶ Andaga mazid’a tinï ad’ud’a ni Arower avun alum ma Arnon-na ei kur kazì ma kä kur horina dei gak mba hur ful la papana d’a go ki Medeba-d’a,

Josue 13:16 Kruisverwysings

2 Samuel 24:5

A djak alum ma Jurdê-na, a ve kangâ avo Arower abo ma sutna kur hor ra Gat ta go ki Jazer-ra.

1 Sunda Hamuleinid’a 19:7

Azi ndeï pus ma dur ayîna 32.000 kamul ma Mäka-na ki sum mama. A mba a ve kangâ avun azì ma Medeba-na. Suma Amon-na a buzuk kei kur aziyazi teteng, a tok tazi á i dur ayîna.

Isai 15:4

Suma Hesbon-na ki suma Elale-na a nga er ad’uzi akulo, suma a nga humuzi delezi sä woi Jahas. Kayam ndata, azigar suma dur suma Mowap-ma a nga tchi wulula, a nga zlak mi.

Ndumba 21:26

Hesbon nazì ma ngolâ hi Sihon amul ma Amor ma dur ayîna kamul ma Mowap ma avo’â. Mi hleï ambas mamba pet gak mba avun alum ma Arnon-na.

Gat ta a hat á mbàd’id’a 3:12

Ata yi máma ei hlei ambasa. An he suma hi Ruben-na ki suma hi Gad-na ambasa tinï ad’ud’a Arower avun alum ma Arnon-na, kabo ahina d’a Galät-ta kazì mat ma nglona.

Josue 12:2

Sihon amul ma Amor ma nga kaka Hesbon-na. Mi te leud’a yam abo alum ma Arnon ma suma Arower-râ a nga kaka kuana, mi te yam abo andaga d’a Galät-ta gak mba kur alum ma Jabok ma hagad’a kambasa hi suma Amon-nid’a.

Josue 13:15

Moise mi b’rau andagad’a djona mandjafâ hi Ruben-na nad’u adezeziya, ad’u adezeziya.

Josue 13:17

zlapa ki Hesbon kazì mam ma nglo ma hur ful la papanid’ina pet zlapa ki Dibon, ki Bamot-Bäl, ki Bet-Bäl-Meyon,

Josue 13:9

Ambas mazid’a tinï ad’ud’a Arower avun alum ma Arnon-na ei kur azì ma ngol ma kä kur horina dei gak mba hur ful la papana d’a Medeba-d’a gak mba Dibon,

Josue 14:3

Kayam Moise mi handagad’a djona mandjaf ma mbàna kabo andjaf ma tuna sä abo alum ma Jurdê-na woi hî da’. Wani mi he nga andagad’a djona mandjafâ hi Levi-na adigazi d’i.

Josue 18:7

Wani suma hi Levi-na a mba fe b’raud’a adigagi d’i, kayam sun nda ngat buzuna hi Ma didinid’a ni djo mazina. Andjafâ hi Gad-na, andjafâ hi Ruben-na kabo andjafâ hi Manase-na, Moise azongâ hi Ma didinina mi haziya wa djo mazina sä abo alum ma Jurdê-na woi hî abo ma yorogona da’.

Suma ka sariyad’a 11:26

Gola! Ini ni biza d’a kikis hindid’a Israel-lâ a nga kaka avo Hesbon kazì ma nguyuma, avo Arower kazì ma nguyuma, kur azì ma nglona pet ma nga avun alum ma Arnon-nina. Ni kayam me ba, agi hlagizi kur atchogoi ndata d’uo ge?

1 Samuel 30:28

mi suma Arower-râ, mi suma Sifmot-na, mi suma Ektemowa-na,