Josue 11:22 - Bible azumeina

²² Sama Anak mi ar nga yam ambasa hi Israel-lîd’a d’i; a arî avo Gaza ki Gat ki Asdot hol.

Josue 11:22 Kruisverwysings

1 Amuleina 2:39

Go ki biza d’a hindid’a, magumeina hi Simei-na mbà a ring avo hi Akis Mäka goroma amul ma Gat-na. Ata yima Simei mi hum ala magumei mama a nga avo Gad’u na,

1 Sunda Hamuleinid’a 18:1

Bugol ahle ndazina, wana nahle suma a lena: David mi dur ayîna ki suma Filistê-na, mi kus kaziya, mi hulongôzi yazi kä ad’umu, mi hlazì ma Gat-na kazì ma nguyuma aboziya.

1 Sunda Hamuleinid’a 8:13

Beriya ki Sema ni suma avok sum mazina avo Ajalon-na, ni suma a dik suma Gat-nina.

2 Sunda Hamuleinid’a 26:6

Mi nde abu á dur ayîna ki suma Filistê-na. Mi to gulumun ma Gat-na ki ma Japne-na ki ma Asdot-na kä woyo, mi min azì ma nglona kur ambas sa Asdot-ta, kur azì ma Filistê ma dingâ mi.

Isai 20:1

Kur biza d’a ma ngolâ hi azigar suma Asiri-na mi mba mi nde azì ma Asdot ma yam ambas sa Filistê-d’ina yam vun ma hed’a hi Sargon amul ma Asiri-nina, mi hlumu.

Sunda hi suma a sunuzinid’a 8:40

Wani Filip mi gol wani mi ni avo Azot. Mi i avok gak mi kal Sesare. Kur tit mamba mi tchi wal Zla d’a Djivid’a kur azì ma nglona pet mi.

Gat ta a hat á mbàd’id’a 2:23

Suma Af suma a nga kaka kur azì ma gureina gak Gaza-na, suma tcholï Kaftor-râ a tchaziya, a kak blangâziya.)

Gat ta a hat á mbàd’id’a 9:2

Azi ni Anak grom suma fuyogei suma agi wagizina. Ni suma agi humugi a nga de kazi ala: Ni nge ba, mba mi tchol avok Anak groma ge na.

Josue 10:41

Josue mi kus kaziya, tinï ad’ud’a Kades-Barneya dei gak a mba Gaza, a kal gak a i Gosen gak a mba Gabawon.

Josue 15:14

Kalep mi dik Anak groma woi hindi, nala, Sesai, Ahiman ki Talmai; azi ni Anak groma.

Josue 15:46

tinï ad’ud’a Ekron dei gak mba abo ma fladegena, kazì ma nglo ma go ki Asdot-na pet kazì mat ma gureina mi,

Josue 15:47

Asdot kazì mat ma nglo ma nguyutna kazì mat ma gureina mi, Gaza kazì mat ma nglo ma nguyutna kazì mat ma gureina gak mba kur toliyon nda Ezipte-d’a gak mba avun alum ma ngol ma Mediterane-na gongôd’i mamba mi.

Suma ka sariyad’a 1:18

Suma hi Juda-na a hlazì ma Gaza-na kandaga mamba, azì ma Askalon-na kandaga mamba, azì ma Ekron-na kandaga mamba mi.

Suma ka sariyad’a 3:3

Suma a arazi kaka kur ambasina namulei suma Filistê suma vahlâ, suma Kanan-na, suma Sidon-na ki suma Hef suma a nga kaka yam ahina d’a Liban-ndina pet, tinï ad’ud’a yam ahina d’a Bäl-Hermon-nda dei gak mba avun agre’â hi Hamat-na.

1 Samuel 17:4

Wani azigar ma Filistê-na mi nde woi avun kangâ á zut Israel-lâ á durâ. Ni sama Gat-na, a yum ala Goliyat. Fiyagamî go ki metred’a hindi.

1 Samuel 5:1

Filistê-na a hle zandu’â hAlonina, a hlumï yam ahina d’a Ebenezer-ra, a im avo Asdot,