Josue 11:16 - Bible azumeina

¹⁶ Josue mi yo ambasa pet, d’a yam ahuniyônid’a, d’a abo ma sutnid’a, d’a Gosen-nda, d’a kä ata yima ligitimid’a, d’a kä kur hora halum ma Jurdê-nid’a ki d’a yam ahuniyôna, ki d’a hur fula abo ma norîd’a mi.

Josue 11:16 Kruisverwysings

Sawal la giled’a 105:44

Mi hazi andagad’a handjaf suma dingîd’a, mi hazi ahle suma sum ndazina a le sunda kazina hawa,

Sawal la giled’a 78:55

Mi dik andjaf suma dingâ woi avok andjafâ hi Israel-lîna, mi b’rawazi djona, mi hazi yi mazi ma kaka mi.

Ezekiyel 17:23

An mba ni pum akulo yam ahina d’a fiyak ka Israel-la, mba mi ruî abom mbeyo, mba mi vud’a, mba mi mbut nagu sedre ma djivina. Andjaf aluweina pet a mba kak kä ad’umu, a mba kak kä ad’u anguzu abomu, a mba tuk taziya.

Ezekiyel 36:8

Agi ahuniyô suma Israel-lâ, ar agu ma kagina mi ruyâ, ar mi vut mi man suma Israel-lâ, kayam azi ar go á hulong avo.

Gat ta a hat á mbàd’id’a 1:7

Agi hulongôgi igi yam ahina d’a Amor-ra ki yima nguyutna, hur fulâ yam ahinad’a, kur hora abo ma sutna, avun alum ma ngol ma Mediterane-na, yam ambasa hi suma Kanan-nid’a ki d’a hi suma Liban-nid’a gak avun alum ma ngolâ, nala, alum ma Efrat-na.

Josue 10:40

Josue mi hlambas sa abo ma sutnid’a kamulei suma a nga kaka yam ahuniyôna ki suma a nga kaka ata yima kikid’i’îna ki suma a nga kaka kä ata yima ligitimina ki suma a nga kaka ata yima ndingîna, mi ar nga sa tu d’i. Mi dap ahle suma a nga muzu’â woi pepet d’igi Alona hi Israel-lîna mi he vuna na mi.

Josue 10:41

Josue mi kus kaziya, tinï ad’ud’a Kades-Barneya dei gak a mba Gaza, a kal gak a i Gosen gak a mba Gabawon.

Josue 11:15

d’igi Ma didina mi he vuna mazong mama Moise na. Moise mi djok vun ma he máma mi Josue; Josue mi ndak vun vun ma he máma, mi ar nga vama Ma didina mi he vuna kam mi Moise-sâ kä bei le tu d’i.

Josue 11:2

Mi ge sunda ata amulei suma a nga kaka yam ahinad’a abo ma norâ kä kur hor ra Jurdê-d’a abo ma sutna hapo d’a Kineret-ta kä ata yima ligitim ma go ki Dor abo ma fladegenina,

Josue 11:21

Ata yi máma Josue mi i dur suma Anak suma a nga kaka yam ahuniyônina, nala, suma Hebron-na, suma Debir-râ, suma Anap-ma kazì ma pet ma yam ahuniyô suma Juda-na ki ma yam ahuniyô suma Israel-lîna mi. Mi dabazi tchid’a woi kazì mazi ma nglona pepet.

Josue 12:8

Mi hazi ambas sa yam ahinad’id’a, d’a kä ata yima ligitimid’a, d’a Araba-d’a, d’a yam yima ndingîd’a, d’a hur fulid’a ki d’a abo ma sutnid’a mi. Wana nambasa hi suma Het-nid’a, hi suma Amor-rîd’a, hi suma Kanan-nid’a, hi suma Peris-sîd’a, hi suma Hef-fîd’a ki d’a hi suma Jebus-sîd’a mi.

Josue 9:1

Kid’a amulei suma a nga kaka kä abo alum ma Jurdê-na woi hî yam ahinad’ina ki suma hur ful la kikid’ikina ki suma a nga kaka avun alum ma ngol ma Mediterane-na gak mba Liban-na, nala, suma Het-na, ki suma Amor-râ, ki suma Kanan-na, ki suma Peris-sâ, ki suma Hef-fâ, ki suma Jebus-sâ, a hum zla ndatid’a,