Josue 10:8 - Bible azumeina

⁸ Ma didina mi de mi Josue ala: Ang lazi mandarazi d’i! An hangziya wa abong da’. Sama adigazi ma mba mi tchol avorongâ nga d’i.

Josue 10:8 Kruisverwysings

1 Amuleina 20:13

Wani ma djok vun Alona tu mi mba gen Ahap amul ma Israel-lâ, mi dum ala: Ang gola! Ma didina mi dan ala an dangû: Ang wablaud’a hi azigarâ d’a wanda ko zu? An mba ni hangzi ini abongû. Hina wani, ang mba wala an ni Ma didina!

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Gat ta a hat á mbàd’id’a 3:2

Ma didina mi dan ala: Ang ringîm mandaram mbi, kayam an hangzi ki azigar mama kambas mamba pet abongû. Ang le ki sed’em d’igi ang le ki Sihon amul ma Amor ma nga kaka Hesbon-na na.

Gat ta a hat á mbàd’id’a 7:24

Mam mba mi hagi amulei mazina abogiya; agi tchazi simiyêzi woi yam andagad’a ka hî. Ma mba mi tchol avorogi tu pî nga d’i gak agi dabazi woyo.

Josue 10:25

Josue mi dazi ala: Agi lagi mandar ri, agi ar vunadigagi pat ti! Agi vagi tagi ad’enga! Agi sogi tagiya! Kayam Ma didina mba mi le ki magi suma djangû suma agi mba duruzina ni hina.

Josue 10:9

Josue mi tchol ki azigar mama pet, a tit andjege gagak a mba nde yam sum ndazina durâ dumuzi.

Josue 11:6

Ma didina mi de mi Josue ala: Ang lazi mandarazi d’i! Avin aboina hina dedege, an mba ni hangzi abong pet, an mba ni duruzi mbuleina, an mba ni tchazi avok Israel-lâ. Ang mba kazi gigling akulumei mazina, ang mba ngalazi pus mazi ma dur ayîna woi mi.

Josue 8:1

Ma didina mi de mi Josue ala: Ang le mandar ri, ar vunadigang pat tuo mi. Ang yo suma dur ayîna ad’ung pet, ang tchola, ang i dur Aï. Gola! An hang wa amul ma Aï-na ki sum mama, azì mam ma ngolâ kambas mamba pet abongû.

Suma ka sariyad’a 6:16

Ma didina mi dum ala: An nga ki sed’engû; ang mba dur suma Madiyan-na ni d’igi ang durî sama tuna na.

Suma ka sariyad’a 7:9

Kur andjege ndata Ma didina mi de mi Zedeyon ala: Ang tchola, ang i kur kangâ hi suma Madiyan-nina á durâ, kayam an hangziya wa abongû.

1 Samuel 17:47

Ablau suma tok pet wana a mba wala Ma didina nga mi min ni mbigeu d’a fiyaka ki djamba á kus ayîna d’i; mam tamba ni ma kus ayîna, mba mi hagi ini abomiya.