Josue 10:4 - Bible azumeina

⁴ Agi mbeï ndjunun-ngiya, ei duri suma Gabawon-na. Kayam a ndjak wa vunazi ki Josue ki Israel-lâ yam b’leng nga halasa.

Josue 10:4 Kruisverwysings

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Jean 15:19

Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya.

Sunda hi suma a sunuzinid’a 21:28

A er ad’uzi akulo ala: Agi Israel-lâ, agi mbeï ndjunumiya. Wana ni sama nga mi tchi wala ata yina pet ala suma a noî Israel-lâ ki gata hi Moise-sa ki gong nga kud’ora hAlona d’a wanda woi mi na. Wani ki tchetchemba, mi mbeï wa kandjaf suma dingâ kur gong nga kud’ora hAlonid’a á mbut yi mei ma a tinim iram vama ndjendjed’a.

2 Timote 3:12

Wani suma pet suma a min tit bugol Alona zlapa ki Jesus Christ-sâ, a mba djobozi vunazi mi.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

Josue 10:1

Adoni-Sedek amul ma Jerusalem-ma, mi hum ala Josue mi hle wa azì ma Aï-na, mi b’lagam wa woi kakazeî, mi lazì ma Aï-na ni d’igi mi le ki Jeriko kamul matna na. Mi hum kua ala suma Gabawon-na a ndjak wa vunazi ki Israel-lâ yam b’leng nga halasa, a kak wa adigazi mi d’a.

Josue 10:5

Amulei suma Amor suma vahl ndazina a ndjak vunazi tu, nala, ma Jerusalem-ma, ma Hebron-na, ma Jarmut-na, ma Lakis-sâ ki ma Eglon-na mi. A i ki azigar mazina pet, a ngui Gabawon, a ndazi durâ.

Josue 9:15

Josue mi djin vunam ki sed’ezi yam halasa ala a lazi va d’i. Suma nglo suma avok sumina a gunuzi tazi mi.

1 Pierre 4:4

Ki tchetchemba, suma bei wAlona a nga le atchap kayamba agi nga zlapa ki sed’ezi kur sun mazi d’a ndjendje d’a batranga d’uo d’a. Kayam ndata, a nga ngulugiya.

Vama ndum mbeina 16:14

Azi ni muzu’â hi Seitan-nina. Azi nga lahle suma atchapma. Azi nga i á tok amulei suma yam andagad’ina pet á dur ayîna kur bur ma ngolâ hAlo ma ad’engêm kal petnina.