Josue 10:19 - Bible azumeina

¹⁹ Wani agi igi avogovok á dik magi suma djangûna, agi tchagi mazi suma asezi mi ar bugolâ woyo, agi arazi á kal avo hatazi d’i. Kayam Ma didina mi hagiziya wa abogiya.

Josue 10:19 Kruisverwysings

2 Samuel 17:13

Le mi kal kur azì ma ngol ma ding tu ni, Israel-lâ pet a mba mba ki ziyona ata azì máma, ei mba tan azì máma gak komza kä woi kur toliyonda, gak abo gonga mba d’i ar akulo d’i.

2 Samuel 20:6

David mi de mi Abisai ala: Seba Bikri goroma nga mi lei zla d’a tchod’a kal la hi Apsalom-mba. Ang tang i yo azigar mana, ang i ad’umu. Ar mi fe azì ma ngunguna teteng á ngei tam irei d’i.

Jeremi 48:10

Ar a ge vuna mi sama mi gol sunda hi an Ma didinid’a isâ, ar a ge vuna mi sama mi ar bei tchi sana ki mbigeu mam mba fiyakina!

Jeremi 8:14

Suma Juda-na a dala: Ni kayam me ba, ei arei kaka hina ndje ge? Ei togeya, ei i kur azì ma nglo ma ad’eng ma ngunguna, ei boi sä kua, kayam Ma didina Alo meina nga mi dabei woyo, nga mi hei mbiyo ma tchi matna kayam ei lei tchod’a avoromu.

Josue 10:18

Josue mi dazi ala: Agi ligad’agi ahina d’a nglod’a avun zul ndata, agi tinigi suma avun á ndjola.

Josue 10:20

Bugol la Josue azi ki azigar suma Israel-lâ a tchazi tchi d’a tchod’a a lazi á dap pa woid’a, suma adigazi suma a sutna a ring gak a kal kur azì mazi ma ad’eng ma ngunguna.