Josue 1:9 - Bible azumeina

⁹ Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 1:9 Kruisverwysings

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

Ad’u Tinda 39:2

Ma didina mi nga ki Josef; sun nda mam nga mi lata pet, nga d’i labom djivid’a. Mi nga avo hi salam ma Ezipte-na.

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

2 Sunda Hamuleinid’a 15:7

Wani ki tchetchemba, agi vagi tagi ad’enga, ar tagi tchuk lus si, kayam a mba wuragagi yam sun magid’a.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 43:5

Agi lagi mandara va d’i, kayam an nga ki sed’egiya. An mba ni yogï andjavagi abo ma yorogona, an mba ni togogï abo ma fladegena mi.

Isai 8:12

Agi ndjagagi vunagi ki suma a nga de zla d’a tchod’a yam suma a nga de zla d’a tchod’a yam gatina d’i, agi lagi mandara vama azi nga lum mandarama d’i, agi zlagagi abom mbuo mi.

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Wana ni mbaktumba hi Aze-d’a 2:4

Ki tchetchemba, Ma didina mi dala: Zorobabel, ang ve tangû; ma ngol ma ngat buzuna Josue Josadak goroma, ang ve tangû; agi suma yam ambasina pet, agi vagi tagiya, agi lagi sunda, kayam an nga ki sed’egiya.

Wana ni mbaktumba hi Aze-d’a 2:5

Agi djib’eregi yam vun ma djin ma an Ma didina ni djinim ki sed’egi ata yima agi buzugugï woi kur Ezipte ma ala Muzuk mana mi nga adigagiya, ar agi lagi mandar ruo na.

Sunda hi suma a sunuzinid’a 4:19

Wani Pierre azi ki Jean a hulong dazi ala: Na ni ni d’ingêr avok Alona tala ami gami yami kä avorogi kal la ami gami yami kä avok Alonid’a zu? Agi kagi ir zla ndata.

Gat ta a hat á mbàd’id’a 1:21

Gola! Ma didina Alo magina, mi tinigi ambasa avorogi wana. Agi i hlagizi d’igi Ma didina Alona habuyogi ngolona mi de na, agi lagi mandar ruo mi na, agi zlagagi d’uo mi.

Gat ta a hat á mbàd’id’a 20:1

Moise mi de kua ala: Fata agi igi á dur ayîna ki magi suma djangûnid’a, le agi wagi akulumeina ablaud’a ki pus ma dur ayîna teteng ki suma ablaud’a kalagiya ni, agi lagi mandar ri. Kayam Ma didina Alo magi ma buzugugï woi kur ambas sa Ezipte-d’ina, mi nga ki sed’egiya.

Gat ta a hat á mbàd’id’a 31:23

Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.

Gat ta a hat á mbàd’id’a 31:28

Agi togogi suma nglo suma ad’u andjavagina ki suma avok sumina kä avoronu. An mba ni dazi zla ndata, kayam azi humud’u, an mba ni yakulod’a kandagad’a á le glangâsâ kaziya.

Josue 1:10

Josue mi he vuna mi suma avok sumina ala:

Josue 1:17

Ami mba gami yami kä avorong d’igi ami gami yami kä avok Moise na. Ar Ma didina Alo mangâ mi kak ki sed’eng d’igi mi kak ki Moise adjeu na mi.

Josue 1:18

Sama lara ma humung nga vunang nguo, mi ge nga yam kä ad’u vun ma he ma ang mba huma pet tuo na, a tchum mbeyo. Wani ang ve tang ad’enga, ang so tang mi.

Josue 10:25

Josue mi dazi ala: Agi lagi mandar ri, agi ar vunadigagi pat ti! Agi vagi tagi ad’enga! Agi sogi tagiya! Kayam Ma didina mba mi le ki magi suma djangû suma agi mba duruzina ni hina.

Josue 10:8

Ma didina mi de mi Josue ala: Ang lazi mandarazi d’i! An hangziya wa abong da’. Sama adigazi ma mba mi tchol avorongâ nga d’i.

Josue 3:7

Ma didina mi de mi Josue ala: Ini an nga ni tin ad’ud’a á tagang ngol manga woi avok Israel-lâ pet, kayam azi wala an nga ki sed’eng d’igi an nga ki Moise adjeu na mi.

Josue 6:27

Ma didina mi nga ki Josue. Ni kayam ndata ba, simiyêm mi nde yina yam ambasa pet wana.

Josue 8:1

Ma didina mi de mi Josue ala: Ang le mandar ri, ar vunadigang pat tuo mi. Ang yo suma dur ayîna ad’ung pet, ang tchola, ang i dur Aï. Gola! An hang wa amul ma Aï-na ki sum mama, azì mam ma ngolâ kambas mamba pet abongû.

Suma ka sariyad’a 6:14

Ma didina mi mbut iram atam mi dum ala: Ang i kad’eng nga ang nga ki sed’eta, ang mba sut Israel-lâ woi abo suma Madiyan-na. Ni an ba ni sunung nguo zu?

1 Samuel 10:7

Ata yima ang mba wahle suma simat ndazina hina petna, ang le vama hurung minima, kayam ang wala gagazi, Alona mi nga ki sed’engû.