Josue 1:7 - Bible azumeina

⁷ Wani ang ve tang ad’enga, ang so tangû, ang ngom gat ta pet ta Moise azong mana mi hang vuna kata, ang tit kat mi. Ar ang i abo ma ndjuf foze abo ma gula d’uo mi. Hina wani, ang mba fahlena pet suma ang mba lazina.

Josue 1:7 Kruisverwysings

1 Amuleina 2:2

An nga ni mit ni mid’a. Wani ang ve tang ad’enga, ang ka’î mandjufâ.

1 Amuleina 2:3

Ang kak sama d’engzengâ avok Ma didina Alo mangâ, ang le min mamba burâ ki burâ, ang tit yam gat mamba ki vun mam ma hed’a, yam zla mam mba mi data ki hat mamba d’igi a nga b’ira kur Gata hi Moise-sa na. Hina wani, ang mba fahlena pet kur sun nda ang mba lata, kur yima ang i kuana mi.

2 Amuleina 22:2

Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.

1 Sunda Hamuleinid’a 22:13

Le ang ngom gat mamba ki vun ma he ma mi hum mi Israel-lâ avun Moise-sâ ni, mam mba mi lang djivid’a. Ang so tangû, ang ve tang ad’enga, ang le mandar ri, ar vunadigang ngi pat tuo mi.

2 Sunda Hamuleinid’a 15:7

Wani ki tchetchemba, agi vagi tagi ad’enga, ar tagi tchuk lus si, kayam a mba wuragagi yam sun magid’a.

2 Sunda Hamuleinid’a 26:5

Kid’a Zakari mi nga ki iramba, Oziyas mi tin hurum á hal Alona. Ni Zakari ba, mi had’am á le mandara Alona. Ata yima mi nga hal Ma didina Alonina, mi lum djivid’a mi.

Wana ni mbaktumba hi Job-pa 1:8

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.

Sawal la giled’a 80:19

Hina wani, ami mba walami woi ki sed’eng nguo d’a; ang hami arid’a, ami mba yangî ang simiyêng tu go.

Zla d’a d’ogolâ 4:27

Ar ang d’es sei abo ndjuf foze abo ma gula d’i. Ang hlaseng ngei ata yima tchona.

Zla d’a d’ogolâ 8:20

An nga ni tit kur lovot ta d’ingêra, kur lovot ta gurei d’a d’ingêra d’ad’ar,

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Ndumba 27:23

Mi tin abom kam á vrak blangâm d’igi Ma didina mi hum vuna na mi.

Gat ta a hat á mbàd’id’a 11:8

Kayam ndata, agi tid’igi yam vun ma he ma an nga ni hagizi ini wana kayambala agi fagi ad’enga á hlagi ambas sa agi kalagi kurut wanda djona d’a,

Gat ta a hat á mbàd’id’a 12:32

Agi tid’igi yam vun ma he ma an hagizina, agi ngomogiziya, agi tinigi vama ding kam kua d’uo mi na, agi pad’agi va woi kua d’uo mi.

Gat ta a hat á mbàd’id’a 28:14

Ar agi d’ezegi woi yam vun ma he ma an hagizi ini wana á tchagi ta á igi abo ma ndjuf foze abo ma gula á igi bugol alo ma ding á kud’urom mbuo mi.

Gat ta a hat á mbàd’id’a 29:8

ei hlei ambas mazid’a, ei hlat djona mandjafâ hi Ruben-na kandjafâ hi Gad-na kabo andjafâ hi Manase-na mi.

Gat ta a hat á mbàd’id’a 29:9

Agi ngomogi zla d’a Ma didina mi djin vunam kat ki sed’egi wanda, agi tid’igi kat mi. Hina wani, agi mba fagi ahlena pet suma agi mba lagizina.

Gat ta a hat á mbàd’id’a 31:7

Moise mi yi Josue avok Israel-lâ pet, mi dum ala: Ang ve tang ad’enga, ang so tangû, kayam ni ang ba, mba kal ki suma ablau suma wana yam ambas sa Ma didina mi hle vunam kat mabuyozi ngolo á hazizid’a, ni ang ba, mba b’rawazizi djona.

Gat ta a hat á mbàd’id’a 4:2

Agi tinigi zla d’a ding yam vun ma he ma an hagizina d’i, agi pad’agi va woi kua d’uo mi, wani agi tid’igi yam vun ma hed’a hi Ma didina Alo maginina d’igi an hagizi na.

Gat ta a hat á mbàd’id’a 5:32

Agi ngomogiziya, agi tid’igi yam vama Ma didina Alo magina mi hagi vuna kama. Agi d’ezegi woi abo ma ndjuf fuo mi na, abo ma gula d’uo mi.

Josue 1:1

Kid’a Moise azongâ hi Ma didinina mi mit da d’a, Ma didina mi de mi Josue Nun goroma azongâ hi Moise-sâ ala:

Josue 1:8

Ar ang wal lei ki mbaktumba hi gatid’a d’i, ang dugud’ot ndumba á djib’er kat andjege ki falei á ngomot á tit yam ahlena pet suma a b’irizi kuana. Hina wani, ang mba ndak vun ahlena pet suma ang mba lazina, ang mba fazi mi.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 11:15

d’igi Ma didina mi he vuna mazong mama Moise na. Moise mi djok vun ma he máma mi Josue; Josue mi ndak vun vun ma he máma, mi ar nga vama Ma didina mi he vuna kam mi Moise-sâ kä bei le tu d’i.

Josue 23:6

Agi vagi tagi ad’enga á ngom zla mamba, á tit yam ahlena pet suma a b’irizi kä kur gata hi Moise-sina bei igi abo ma ndjuf foze abo ma gula ba.