Josue 1:6 - Bible azumeina

⁶ Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Josue 1:6 Kruisverwysings

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 26:3

Ang kak kua; an mba ni kak ki sed’engû, an mba ni b’e vunan kang kandjavangû; an mba ni hagi andaga ndata pet, kayam an tcholî yam gun nda an gun tan mabung Abraham-mba.

2 Samuel 10:12

Ang ve tang ad’enga, ei soi tei ad’enga yam sum meina, yam azì mei ma nglona hAlo meinina. Ar Ma didina mi le vama hurum vuma!

1 Amuleina 2:2

An nga ni mit ni mid’a. Wani ang ve tang ad’enga, ang ka’î mandjufâ.

1 Sunda Hamuleinid’a 22:13

Le ang ngom gat mamba ki vun ma he ma mi hum mi Israel-lâ avun Moise-sâ ni, mam mba mi lang djivid’a. Ang so tangû, ang ve tang ad’enga, ang le mandar ri, ar vunadigang ngi pat tuo mi.

1 Sunda Hamuleinid’a 28:10

Ki tchetchemba, ang wala Ma didina mi manang wa, kayambala ang minim gong nga mba d’i mbut ni yima a tinim iram vama d’a. Ang ve tang ad’enga, ang le sunda mi.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

2 Sunda Hamuleinid’a 15:7

Wani ki tchetchemba, agi vagi tagi ad’enga, ar tagi tchuk lus si, kayam a mba wuragagi yam sun magid’a.

2 Sunda Hamuleinid’a 20:11

Gola! Azi mba wa á wuragami á digimi woi kur ambas sa ang hamizi djonid’a!

2 Sunda Hamuleinid’a 20:7

Ni ang Alo mamina ba, dik suma a nga kaka yam ambas sa wandina woi avok mang suma Israel-lâ, ang hat mandjafâ hi Abraham ma mi le kang heîna gak didin nduo zu?

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Wana ni mbaktumba hi Aze-d’a 2:4

Ki tchetchemba, Ma didina mi dala: Zorobabel, ang ve tangû; ma ngol ma ngat buzuna Josue Josadak goroma, ang ve tangû; agi suma yam ambasina pet, agi vagi tagiya, agi lagi sunda, kayam an nga ki sed’egiya.

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.

Ndumba 26:53

A mba b’rawazi ambasa djona adigazi nad’u ablaud’a hi sumid’a.

Ndumba 33:53

Agi hlagi ambasa, agi kagagi kad’u, kayam an hagizi ti arî magid’a.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Gat ta a hat á mbàd’id’a 1:21

Gola! Ma didina Alo magina, mi tinigi ambasa avorogi wana. Agi i hlagizi d’igi Ma didina Alona habuyogi ngolona mi de na, agi lagi mandar ruo mi na, agi zlagagi d’uo mi.

Gat ta a hat á mbàd’id’a 1:8

Agi gologiya! An tinigi ambasa avorogi wana. Agi i hlagi ambas sa an Ma didina ni gun tan kat mabuyogi ngolod’a, nala, Abraham, Isak ki Jakob, á hazizi kandjavazi ma mba blogozina mi d’a.

Gat ta a hat á mbàd’id’a 11:8

Kayam ndata, agi tid’igi yam vun ma he ma an nga ni hagizi ini wana kayambala agi fagi ad’enga á hlagi ambas sa agi kalagi kurut wanda djona d’a,

Gat ta a hat á mbàd’id’a 31:23

Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

Josue 1:18

Sama lara ma humung nga vunang nguo, mi ge nga yam kä ad’u vun ma he ma ang mba huma pet tuo na, a tchum mbeyo. Wani ang ve tang ad’enga, ang so tang mi.

Josue 1:7

Wani ang ve tang ad’enga, ang so tangû, ang ngom gat ta pet ta Moise azong mana mi hang vuna kata, ang tit kat mi. Ar ang i abo ma ndjuf foze abo ma gula d’uo mi. Hina wani, ang mba fahlena pet suma ang mba lazina.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 10:25

Josue mi dazi ala: Agi lagi mandar ri, agi ar vunadigagi pat ti! Agi vagi tagi ad’enga! Agi sogi tagiya! Kayam Ma didina mba mi le ki magi suma djangû suma agi mba duruzina ni hina.

Josue 13:6

ki suma nga kaka yam ahinad’ina pet, tinï ad’ud’a Liban dei gak mba Misrefot-Mayim ki suma Sidon-na pet. An mba ni digizi woi avok Israel-lâ. Ki tchetchemba, ang b’rau ambas ndata mi Israel-lâ ni ki togina d’igi an hang vuna na.

Josue 18:3

Josue mi de mi Israel-lâ ala: Agi kagagi hina ndje ni, ni mindja ba, agi mba hlagi ambas sa Ma didina Alona habuyogi ngolona mi hagizid’a ge?

Josue 21:43

Ni hina ba, Ma didina mi b’rau ambasa mi Israel-lâ pet d’igi mam gun tam mabuyozi ngolo á hazizi na. Azi hlad’u, a kak kad’u.

Josue 5:6

Kayam Israel-lâ a le biza d’a abagei hur fulâ dok fid’i ki tita, gak suma dur ayî suma a buzugï woi avo Ezipte suma a hum nga vun Ma didina d’uo na, a dap peyo. Kayam Ma didina mi gunuzi tam ala azi mba kal kur ambas sa ambira ki mbul ayuma a nga sor kä kua d’a mi hle vunam kat mabuyozi ngolo á heizid’a d’i.

1 Samuel 4:9

Agi Filistê-na, ei vei teya! Ei kagei andjofâ! Ar ei mbud’i magumeina hi Hebre-na d’igi azi ni magumei meina avok na d’i; ei vei teya! Ei duriziya!