Josue 1:15 - Bible azumeina

¹⁵ gak Ma didina mi hazi tuk tad’a d’igi mi hagizi mi agi na mi. Ar azi hlambas sa Ma didina Alo magina nga mi hazizid’a tua ba, agi hulongôgi á kagagi yam ambas sa Moise azongâ hi Ma didinina mi hagizi abo alum ma Jurdê-na ka hî abo ma yorogonid’a tua.

Josue 1:15 Kruisverwysings

1 Korente-na 12:26

Le ir hliu ta d’a tud’a nga kur ndaka ni, suma wana pet a nga ni kur ndaka ki sed’et mi. Le ir hliu ta d’a tud’a a nga suburud’u ni, suma wana pet a nga le furîd’a zlapa ki sed’et mi.

1 Korente-na 13:5

Sama od’a nga mi le vama zulo d’i, nga mi hal va kayam tam mbi, hurum nga mi zal atogo d’i, nga mi ve sa kurum mbuo mi.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

Galat-na 6:2

Ar agi ndjunugi tagiya, agi hlagi aneka woi yam tagiya. Hina wani, agi oyôgi ni vun gata hi Christ-sa.

Gat ta a hat á mbàd’id’a 3:18

Ata yi máma an hagi vun ma he ma wana ala: Ma didina Alo magina mi hagi ambas sa wanda abogi kayambala agi hlad’u d’a. Kayam ndata, agi suma gangrang suma durâ pet, agi yogi ahle suma sïna, agi kalagi avok b’oziyogi Israel-lâ.

Gat ta a hat á mbàd’id’a 3:20

gak Ma didina mi hazi yima tuk tad’a d’igi mi hagizi mi agi na, gak a hlambas sa Ma didina Alo mazina mi hazizi sä abo alum ma Jurdê-na woi hid’a mi. Ni hina tua ba, agi nge nge pî mi hulong kur ambas sa an hagizid’a tua.

Gat ta a hat á mbàd’id’a 9:1

Moise mi de kua ala: Agi Israel-lâ, agi humugiya! Ini agi nga djagagi alum ma Jurdê-na á hlagi andjaf ma kalagi kablaud’a ki sib’ikina, kazì ma nglo ma a minim ad’enga ngungu gak mi i akulona.

Filip-ma 2:4

Ar nge nge pî adigagi mi hal va yam mam tamba go d’i, wani mi hal yam suma dingâ mi.

Josue 1:1

Kid’a Moise azongâ hi Ma didinina mi mit da d’a, Ma didina mi de mi Josue Nun goroma azongâ hi Moise-sâ ala:

Josue 1:14

Amiyôgina ki grogina ki d’uwar magina a mba ar ka hî yam ambas sa Moise mi hagizi abo alum ma Jurdê-na ka hid’a. Wani agi suma dur ayîna pet, agi tchugugi tagi avok b’oziyogina, agi ndjunuzi

Josue 1:16

Azi hulong de mi Josue ala: Ami mba lami ahlena pet suma ang hami vuna kazina. Ata yima lara ma ang mba sunumi kuana, ami mba imi kua mi.

Josue 22:1

Ata yi máma Josue mi yi suma hi Ruben-na ki suma hi Gad-na kabo andjafâ hi Manase-na,